දේවවචනය නිධානයක්
එයාලා මහන්සි වෙන්නේ අපිට සේවය කරන්න
චාරිකා සේවකයන් සහ එයාලගේ භාර්යාවන් අපිට සේවය කරන්න පුදුමාකාර කැප කිරීම් කරනවා. එයාලා සුපිරි මිනිස්සු නෙමෙයි. අපිට වගේම එයාලටත් මහන්සි දැනෙනවා. අධෛර්යය වෙනවා. පීඩනය දැනෙනවා. (යාකො 5:17) ඒ වුණත් එයාලා සේවය කරන සභාවල ඉන්න සහෝදර සහෝදරියන්ව දිරිගන්වන්න සතියක් සතියක් ගාණේ මහන්සි වෙනවා. චාරිකා සේවකයන් “වැඩි ගෞරවයක් ලැබීමට සුදුස්සන්” කියලා කිසිම සැකයක් නැහැ.—1තිමෝ 5:17.
රෝමයේ තිබුණ සභාවේ අයව හම්බෙලා දිරිගැන්වෙන දේවල් බෙදාගන්න විතරක් නෙමෙයි ඒ අයගෙනුත් දිරිගැන්වීමක් ලබන්න පාවුල් ආසාවෙන් හිටියා. (රෝම 1:11, 12) චාරිකා යුවළව දිරිගන්වන්න ඔයාට පුළුවන් කොහොමද කියලා හිතලා බැලුවාද?
‘චාරිකා සේවකයෙක්ගේ ජීවිතය’ වීඩියෝ එක බලලා මේ ප්‍රශ්නවලට උත්තර දෙන්න.
චාරිකා සේවකයන් සහ එයාලගේ භාර්යාවන් සභාවට ලොකු ආදරයක් පෙන්නන්නේ කොයි විදිවලින්ද?
එයාලා දරපු වෑයම්වලින් ඔයා පෞද්ගලිකව ප්‍රයෝජන ලබලා තියෙන්නේ කොහොමද?
එයාලව දිරිගන්වන්න අපිට පුළුවන් කොහොමද?