ඔයාලා අතර ඉන්න කාන්තාවනුත් දේශනා කරනවද?

ඔව්. ගෑනු පිරිමි භේදයක් නැතුව යෙහෝවා දෙවිගේ සාක්ෂිකරුවන් හැමෝම ශුභාරංචිය දේශනා කරනවා. ඒ අතරින් මිලියන ගාණක්ම කාන්තාවන්. “ශුභාරංචිය ප්‍රකාශ කරන ස්ත්‍රීහු විශාල හමුදාවක් මෙන් පිටත්ව එති” කියලා බයිබලේම සඳහන් වෙනවා.—ගීතාවලිය 68:11.

යෙහෝවා දෙවිගේ සාක්ෂිකරුවන් අතර සිටින කාන්තාවන් බයිබලේ සඳහන් වෙන විශ්වාසවන්ත ස්ත්‍රීන්ව ආදර්ශයට ගන්නවා. (හිතෝපදේශ 31:10-31) ඒ අය වෙහෙස මහන්සිය නොබලා දේවසේවයේ හවුල් වෙනවා වගේම ඒගොල්ලන්ගේ දරුවන්ට බයිබලේ තියෙන වටිනා මඟ පෙන්වීම් කියලා දෙනවා. (හිතෝපදේශ 1:8) ඒත් ඒ අය කවදාවත් සාක්ෂිකරුවන්ගේ සභාවල නායකයන් විදිහට වැඩ කරන්නේ නැහැ. ඒ අය කතාවෙන් හා හැසිරීමෙන් අනිත් අයට ආදර්ශයක් වෙන්න නිතරම උත්සාහ කරනවා.—තීතස් 2:3-5.