Cinca

Xintu seera: “Baxillu cincanno.”—1 Qor. 13:4.

Yesuusi Assinore

Yesuusi rodoosi Yaiqoobi hasaawisara haqqu looso loonsanni bayicho maranni no. Yaiqoobi dhagge assiˈre iso laˈˈanni no.

VIIDIYO: Yesuusi Rodoosi Cince Kaaꞌlino

1. VIIDIYO laꞌe; woy Yohaannisi 7:3-5; 1 Qorontoosi 15:3, 4, 7 nabbabbe. Hakkiinni, aante noo xaꞌmuwa hiince:

Yesuusi roduuwi umi qara isi duduwanno sokka macciishshitino?
Yesuusi rodoosi Yaiqoobi cince kaaꞌlinota leellishannori maati?

Yesuusi Assinorinni Maa Ronseemmo?

2. Mitu manni dancha duduwo macciishshe adhate wolu manninni sae keeshshara dandaanno. Hakko daafira cinca hasiissannonke.

Yesuusi Faale Hadhe

3. Wolu garinni hasaawissine laꞌe. Mittu manchi Qullaawa Maxaafa xiinxallate bayichonko sumuu yaa hoogiro, xiinxallilla yitine okkitinoonte. Gura qiniite laꞌine, Qullaawa Maxaafa xiinxallinseemmo garanna togoo xiinxallo kaaꞌlitannosi gara huwatanno gede kaaꞌlate viidiyubbanna borronke horoonsidhe.

4. Heewisiissinoonte. Mannu baalu mitto diꞌꞌikkino. Miniꞌne manni giddo woy hasaawissinoonni manni giddo mittu Qullaawa Maxaafa xiinxallate maahoyye yaa hoogiro, woy mitto Qullaawu Maxaafi roso ammana qarra ikkitusiro, kuni ikkinohu mayiraatiro hedde. Ammaꞌnonsa rosi giddo isi lubbora baxannohu nookka? Fiixisi woy qachisi manni waadanni noosikka? Yitinoonnire hedatenna Qullaawu Maxaafi yaannore wodanchate yanna hasiissannosiha ikkara dandaanno. Hakka geeshsha cincitine agarresi.

5. Hasatto noosi manchi daafira huuccatto asse. Dancha danchare heddinanni gedenna hayyotenni coyidhinanni gede kaaꞌlaꞌnera Yihowa huuccidhe. Hakkeyi geya hasatto noonsakki manna hasaawisa agurate maltino yanna baddine affinanni gede wodancha aannoꞌne gede huuccidhe.—1 Qor. 9:26.

KURINO LAI

Maq. 4:26-28; 1 Qor. 3:5-9; 2 Phe. 3:9