WOXAWAAJJE 5-11

FAARSO 70-72

Faarso 59 nna Huuccatto | Hanafote Hedo (1 daq.)

MAGANU QAALI GIDDO NOOTA MUXXE JIRO

1. “Dagganno Ilama Baalate” Maganu Wolqa Kulle

(10 daq.)

Daawiti wedellichu noo waro Yihowa agarinosi (Fa 71:5; w22.01 6 guf. 15)

Daawiti geedhimmate yannara Yihowa irkisinosi (Fa 71:9; w14 3/1 17-18 guf. 3-4)

Daawiti wedellootaho woꞌnaalshasi kule jawaachishinonsa (Fa 71:17, 18; w14 1/1 23 guf. 4-5)

Maate saꞌu lamalara shiqqinota “Maatete Magansiꞌrara Kaaꞌlanno Biddishsha” yitanno kifile loosu aana hosiissino. Insa geedhino minaannanna minaama maatete magansiꞌrara minensa koyise foto leellishshannansa hattono woꞌnaalsha kultannansa hagiirrunni macciishshanni no.

ATENEETO TOGO YITE XAꞌMI: ‘Maatete Magansiꞌranke yannara songonkera lowo diro soqqantino roduuwi giddo qaalu xaꞌmo aye xaꞌmo?’

2. Maganu Qaalinni Ronseemmore

(10 daq.)

Fa 72:8—Yihowa Kalaqama 15:18te Abirihaamira uyino hexxo Moote Selemooni gashshooti yannara woꞌmitinohu hiittoonniiti? (it-1 768)

Dawarokki
Tenne lamalate Qullaawu Maxaafi niwaawenni maa rossinoonni?

Dawarokki

3. Qullaawu Maxaafi Niwaawe

(4 daq.) Fa 71:1-24 (th xiinxallo 5)

SOQQANSHOTE DANDOOKKI WOYYEESSIꞌRI

4. Hasaawa Hanafa

(3 daq.) MINUNNI MINE. Qaete anni heewisamate higiro, hasaawa danchare coyidhe gumuli. (lmd roso 4 naxiwe 5)

5. Faana Gana

(4 daq.) SABBAKATE FULLOOMMOKKI WOYITE. Qullaawa Maxaafa xiinxallate woy Qullaawu Maxaafi roso ammane adhate hobbi ruxxi yiino fiixikki ledo alba hanafootto hasaawa sufi. (lmd roso 8 naxiwe 4)

6. Ammanakki Xawisse Kuli

(5 daq.) Lallawo. ijwfq 49—Cuꞌmo: Bashsho Ammantinanniha Mito Coye Xa Agurtinoonnihu Mayiraati? (th xiinxallo 17)

KIRISTAANU HEESHSHO

Faarso 76

7. Maatete Magansiꞌrara Kaaꞌlitanno Hedo

(15 daq.) Hasaawunni shiqqanno.

Wonaa maate uurrite faarso rosiisidhanni no.

Maatete magansiꞌrawa rosiisiꞌrate yannara mitte qaaqqo amasera dawaro qoltanni no.

Maatete magansiꞌra ooso Yihowa ‘amaalenna seejjo’ rossanno gede kaajja faro fantannonsa. (Ef 6:4) Rosate sharrama hasiissanno; ikkirono ooso hakko iso Qullaawu Maxaafi halaalira noonsa hasatto lexxitanni hadhanno gede assidhuro rosa roore baxxanno. (Yoh 6:27; 1Ph 2:2) Annuwunna amuuwu Maatete Magansiꞌra hagiirsiissannotanna roso afiꞌnanni gede assitannota assidhanno gede kaaꞌlate qixxeessinoonnita “Maatete Magansiꞌrara Horoonsiꞌra Dandiinanni Hedo” yitanno saaxine laꞌinihu gedensaanni aante noo xaꞌmuwa hasaabbe:

Kuri hedo giddo hiittee woꞌnaala hasidhinanni?

Dawarokki
Kaaꞌlitanno yitine heddinoonniti wole hedo no?

Dawarokki

MAATETE MAGANSIꞌRARA HOROONSIꞌRA DANDIINANNI HEDO

QULLAAWA MAXAAFA:

Lamalannita Qullaawu Maxaafi niwaawe qoonqotenni qixxeessinoonnita macciishshe woy tara gaꞌnitine huuroꞌne naggi assitine nabbabbe. Mittu mittunku maatete miili addi addiha Qullaawu Maxaafi giddo noo manna ikke nabbawa dandaanno.
Lamalannita Qullaawu Maxaafi niwaawe kaima assidhine xaꞌmuwa qixxeesse. Mittu mittunku maatete miili mitte xaꞌmo doore hatte xaꞌmo daafira xiinxalla dandaanno. Hakkiinni xiinxallinore mimmitoho kula dandaanno
Mitte xaꞌmo woy tuncu yaaꞌnera dandaanno fonqolo kayissine, Kiristaanu Heeshshora Kaaꞌlitanno Qummeeshshuwa yaanno maxaafa horoonsidhine Qullaawu Maxaafiha xintu seera xiinxalle
Nabbabbinannita Qullaawu Maxaafi xagge diraama loosse
Lamalate kiiro addi addi qummeeshshuwa borreessitinoonni kaarde qixxeesse; lawishshaho Manna Baxxe—Rosaano Asse yitanno birosherera Guwuursha A aana noo qummeeshshuwa horoonsiꞌra dandiitinanni; hakkiinni qummeeshsha wodaniꞌnenni amadate woꞌnaalle. Saꞌu lamallara qixxeessitinoonni kaarde wirro laꞌe
Hegerera Hagiidhitanni Heeꞌra Dandaatto! yaanno maxaafinni mito gafa xiinxalle
Maatete miilla jw.org aana QULLAAWU MAXAAFI ROSO yaannohu hunda “Qullaawu Maxaafi Xaꞌmonna Dawaro” yaanno gafira aante aantete fultanno birxichuwa giddonni mitto birxicho doorte rippoorte shiqishshanno gede asse

GAMBOOSHSHE:

Songote gambooshshiwa xiinxallinanni gafi giddo mitto gafa qixxaabbe
Qoltinanni dawaro qixxaabbe hattono rosiisidhe. Dawaro meu sokondi giddo qoltinanniro buuxidhe
Faarso rosiisidhe
Gambooshshu hanafara albaanni woy goofihu gedensaanni mito roduuwa jawaachishate mayyaa dandiitinanniro hasaabbe hattono rosiisidhe
Muli yannara shiqishshinanniti rosaanote kifile nooꞌnero, hatte kifile maateꞌne albaanni rosiisidhe

SOQQANSHO:

Minunni mine hadhine soqqamate qixxaabbe
Manna galagaltine martine hasaawisate qixxaabbe
Sabbakate fultinoonnikki woyite faasiiqqine hasaawa hanafa dandiitinanni gara rosiisidhe
Qaagooshshu ayyaani yannara woy rosu cufamanno woyite woy loosuwiinni fooliishsho fultinanni woyite soqqanshoꞌne halashshiꞌrate hiittoo mixo fushshira dandiitinanniro hasaabbe

MAATETE HASIISANNORE:

Maatete giddo kalaqamino coye woy kalaqamara dandaanno coye (lawishshaho, poletikaho karsama hoogate, wolqa roorroommo yitannori qarrissannota dandee saꞌꞌate, baxillu jaalooma amadate, woy ayyaanna ayirrisate daafira) tira dandiitinanni gara rosiisidhinanni pirogiraame heedhoꞌne
Annuwunna amuuwu ooso ikkitine, ooso qolte annuwanna amuuwa ikkitine rosiisiꞌrate pirogiraame fushshidhe. Ooso mitte hajo daafira xiinxallite anninsaranna amansara xawisate woꞌnaaltanno

WOLE HEDO:

Jw Biroodikaaste laꞌine hasaabbe
Jw.org aaninni mitto birxicho nabbabbine woy viidiyo laꞌine hasaabbe
Jw.org aana QULLAAWU MAXAAFI ROSO yaannohu hunda “Wedellootanna Aja Dume” woy “Qaaqquulle” yaanno gafira noore xiinxalle
Qoqqowu woy woradu gambooshshiwa borreessitine amaxxitinoonnire wirro laꞌe
Kalaqama laꞌine woy xiinxallitine, Yihowa daafira maa rossinoonniro hasaabbe
Mito woyite mito roduuwa miniꞌnera koyissine qaalu xaꞌmo xaꞌmensa
Ayyaanaamittete mixo fushshidhe hattono mixoꞌne wonshiꞌra dandiitinanni gara hasaabbe
Mitto looso lawishshaho, akeeka, kaarta woy chaarte mitteenni loosse

Maatete Magansiꞌraꞌne Woyyeessiꞌrate Sharramme yitanno VIIDIYO fani. Hakkiinni macciishshaano togo yite xaꞌmi:

Minaanni mini giddo ooso nookkiha ikkiro, maatete magansiꞌra minaamasira baxissannota assa dandaannohu hiittoonniiti?

Dawarokki

8. Songonnita Qullaawu Maxaafi Xiinxallo

(30 daq.) lvs fool. 11 guf. 20-22 nna Xaphishsha