Woꞌnaalsha

Baalunku Gari Manna Marara

Mitto barra Niwuzilaandete heedhannoti mitte rodoo Yihowa manna mararannoha calla ikkikkinni mararannota loosunni leellishannohu hiittoonniitiro kultannota jw.org aana noo viidiyo laꞌino. (Isa. 63:7-9) Ise wolootaho mitore assite kaaꞌlite rossinore loosu aanna hosiisate murcidhino. Gedensoonni hakko barra ise suuqetenni mitore hidhitanni heedhe mitte mine afidhinokki manchonni xaadde, isera sagale hirte uyitannoseta kultuse; manchono maahoyye yitu. Rodoo sagale hirte higganni heedhe Qarrunna Shetto Heedhannokki Yanna Dagga Ikka? yitanno tiraakte horoonsidhe tenne manchora farcidhuse.

Hakkiinni mancho wiꞌla hanaffu. Ise bashshora Yihowa Farciꞌraasincho ikkitinotanna xa kayinni halaalu mininni fultunku lowo diro ikkinota kultuse. Ikkirono ise Yihowa isiwa higganno gede kaaꞌlasera huuccatto assiꞌra hanaffe no. Rodoo manchote Qullaawa Maxaafa uyitinose hattono xiinxallissasera pirogiraame biddi assitino.a

Ninkeno baalanka manna lawishshaho fiixankenna ammanate roduuwanke mararre Yihowa lawishsha harunsa dandiineemmo. Qoleno wolootaho farciꞌneemmo faro hasiꞌne manna mararreemmota leellisha dandiineemmo.