Maatete Kaaꞌlannore Wolere

QULLAAWU MAXAAFI, minaanniranna minaamara, annuwahonna amuuwaho hattono wedellootaho kaaꞌlannoha addaxxinanni biddishsha kulanno. Kuni biddishshi mittu manchi hedate dandoosi woyyeessiꞌranno gedenna danchare doodhanno gede kaaꞌlannosi.—Lawishsha 1:1-4.

QULLAAWU MAXAAFI AANTE NOOTE HULUULLITANNO XAꞌMUWARANO DAWARO QOLANNO:

• Heeshshote heeꞌneemmohu isi mayiraati?

• Qarru iillannonke gede assannohu Maganoho?

• Reyineemmo woyite hiikkineemmo?

Tenneranna wole xaꞌmuwara dawaro afiꞌrate Qullaawa Maxaafa xiinxallattora koyinsoommohe. Qullaawa Maxaafa Xiinxalla Hasiissannohu Mayiraati? yitanno viidiyo lai. Koode nabbawisiisi woy www.pr418.com/sid daaꞌꞌati.