Maate hagiirraame assiꞌrate kaaꞌlannohu qaru coyi maati?

QULLAAWU MAXAAFI TOGO YAANNO

“Hagiirraammu Maganu qaale macciishshite hajajantannoreeti!”—Luqaasi 11:28, Haaro Alame Tiro.

TENNE AMAALE HARUNSA MAATETE UYITANNO KAAꞌLO

Addu baxille afiꞌrate.—Efesooni 5:28, 29.

Mimmito ayirrisate.—Efesooni 5:33.

Teense heeꞌrate.—Marqoosi 10:6-9.

QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna lamu coyi no:

• Maate xintinohu Maganoho. Qullaawu Maxaafi, “baalanti maate . . . suꞌma afidhanno” gede assinohu Magano Yihowa ikkinota kulanno. (Efesooni 3:14, 15) Togo yaa, maatete yinanniri noohu Yihowa kalaqino daafiraati yaate. Tenne afanke maaho kaaꞌlitannonke?

  Lawishshaho, coommitino sagale shiqinsheenna ittanni heedhe tenne sagale coommishshino qimamma afa hasiꞌrittoro, aye xaꞌmatto? Hatte sagale qishshino mancho xaꞌmattoti dihuluullissannote.

  Hatteente gede maate hagiirraame ikkitanno gede assitanno qimamma afate, maate xintinohuwa Yihowawa alba higa hasiissannonke.—Kalaqo 2:18-24.

• Maganu kiꞌnera assaawanno. Maate Yihowa Qaalisi widoonni aanno amaale afiꞌrate sharrama hasiissannonsa. Mayira? “Korkaatuno isi kiꞌnera assaawanno.” (1 Pheexiroosi 5:6, 7) Yihowa woyyaabbino heeshsho heedhinara lowonta hasiꞌranno; qoleno aanno amaale diru dishaarannote!—Lawishsha 3:5, 6; Isayyaasi 48:17, 18.