Gafa 9 Bitima

Kuni gafi, Yihowa lowo geeshsha ammanannota leellishino wedelli, masaalaanonna mootoolla daafira kulannonke. Sooriyaho heedhannoti mitte Israeelawitte qaaqqo, Yihowa masaalaanchi Niꞌꞌimaani hursara dandaannota ammantino. Masaalaanchu Elsai Yihowa diinnasi anganni gatisannosita woꞌmunni woꞌma addaxxino. Kakkalaanote Biili Yoodahe heeshshosi qarru giddo tuge, Iyoaasi yinanni qaaqqo busha ahaahesi Ataaliya shitannosikki gede assino. Moote Hiziqiyaasi Yihowa Yerusaalame gatisannota addaxxino; hattono Asooru olanto waajjishiishshusi yannara hexxo dimudhino. Moote Iyosiyaasi gobbatenni kaphu maganna hunino, qullaawa mine wirro minino, hattono mannu galagale halaalu magansiꞌrawa higanno gede assino.