Higge Affino Webisayitenke—Soqqanshote Yannara Horoonsidhe
Mannu Webisayitenke Horoonsiꞌranno Gede Jawaachishshe: Ninke ledo xaaddote hasaawa woyi borronke adha hasiꞌrannokkihu mitu manni, minensa heeꞌre jw.org horoonsiꞌre Yihowa Farciꞌraasinere buuxa digiwanno. Konni daafira injiitanno yanna baalantera webisayitenke mannaho kulle.
Xaꞌmo Qolate Horoonsidhe: Mito wote qaete anni woyi ama, hasatto noosi manchi, woyi egenninoommohu wolu manchi Yihowa Farciꞌraasinere woyi mayine ammanneemmoro xaꞌmara dandaanno. Kompiyuteretenni woyi basetenni base adhine haꞌnannihu wolu uduunnichinni webisayitenke fantine bayichonko dawaro leellisha dandiitinanni. Xiqisubba kayinni Qullaawa Maxaafa fane nabbawa woyyitanno. Interneete faꞌnate kaaꞌlanno uduunnichi nooꞌnekkiha ikkiro, xaꞌmi manchi umisi jw.org horoonsiꞌre dawaro afiꞌranno gara xawissine kullesi.—Umo, “Qullaawu Maxaafi Rosiisannore” hakkiinnino, “Qullaawu Maxaafi Xaꞌmonna Dawaro” yaannoha fani woyi umo, “About Us” hakkiinnino, “Mannu Duucha Wote Xaꞌmanno Xaꞌmo” yaannoha fani.
Mitto Birxicho Woyi Borro Gudissine Affinoonni Mannira Sokke: Mitte pii-dii-effe (PDF) woyi ii-pebe (EPUB) dirrissine (yaano dawoniloode assitine) imeeletenni soya dandiitinanni. Woyi qaddaꞌnoonni borro sii-diira dirrissine soya dandiitinanni. Cuuaminokki manchira mitto woꞌma elekitirooniksete maxaafa, biroshere woyi metseete uyitini kiiro eltinoonni borro ledo kiira dandiitinanni. Borro affinoonnikki mannira soya woyi batise soya dihasiissannoꞌne. Qoleno borro wole Interneetete webisayite aanira sayissinoonte.—“Addi Addi Borro” yaannoha fani.
Yihowa Farciꞌraasinere Kultannota Haarote Fultino Odoo Leellishshe: Togo assaꞌne, Qullaawa Maxaafa xiinxallissinannihu woyi wirro martine hasaawissinanni manni alamete doyicho loosonke woyi mereeronke noo mittimma lae dhagge assiꞌranno gede kaaꞌlitanno. (Far. 133:1)—“News” yaannoha fani.
[Qoola 5 noo misile]
(Sonunni qixxaabbinota la”ate, attamantino borro lai)
Woꞌnaaltine Laꞌe
1 “Addi Addi Borro” yaanno gafi hunda dirrisiꞌra hasiꞌratto borro doori, hakkiinnino borro nabbawate woyi qaddaꞌnoonnita afiꞌrate linke qasi.
2 Birxichuwa addi addinni faꞌna hasiꞌrittoro MP3 yaannoha qasi. Mitto birxicho dirrisiꞌrate iso umosi qasi; woyi qaddaꞌnoonniha interneetete aana macciishshate ▸ qasi.
3 Wolu afiinni qixxaabbino borro dirrisiꞌra hasiꞌrittoro, koye noori giddonni doodhi.