Webisayitenke Soqqanshote Horoonsidhe—“Qullaawu Maxaafi Xaꞌmonna Dawaro”

Webisayitenke aana “Qullaawu Maxaafi roso” yaanno birxichi hunda “Qullaawu Maxaafi xaꞌmonna Dawaro” yaanno birxichi no. Duucha wote mannu xaꞌmannoti kuri xaꞌmuwa noowa seekkine anfummoro, soqqanshote yannara mannu xaꞌmanno wote Qullaawu Maxaafi dawaro afiꞌranno gede jw.org aana noota leellinshammonsara dandiineemmo. Tenne xaꞌmuwa soqqanshote yannara hasaawa jammarateno horoonsiꞌra dandiineemmo. Killilenkera mannu roore afa hasiꞌrannota mitte xaꞌmo doorre, qaete anni hedo afate xaꞌma dandiineemmo, hakkiinni jw.org aana worroonni assaawe horoonsidhine hatte xaꞌmora Qullaawu Maxaafinni dawaro qola dandiineemmo. Qoleno dawaro afiꞌnoommohu hiikkiinniitiro kula dandiineemmo woy dawaro isi umisi webisayitenke aaninni nabbawanno gede assa dandiineemmo. Mitte songuwa towaatanno rodii galte togo yite xaꞌmase dancha guma afidhanno gede assitinose: “Lowo manni ‘Iillannonke qarrira bushiinshannihu Maganoho?’ yee xaꞌmanno; tenne xaꞌmo dawaro 51 sokondi giddo afa hasiꞌratto?” Hakkiinni mobayilesera dirrisse wodhitinota tenne xaꞌmo dawaro fantanno. Qullaawu Maxaafi Roso yaanno maxaafira fooliishsho 11 egensiisse hasaawa jeefissanno.