Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Duuchu manni Maganu daafira duuchare yaanno. Mitu manni Maganu ayimma bande afa kabbaadete yaanno. Wolu kayinni Iso baxillaanchu Anninsa gede asse laꞌꞌanno. Ikkina ati Maganu hiittooho yite hedatto?” Dawaro qola geeshsha agari. Hakkiinni Arfaasa 1⁠nite Agarooshshu Shaera badhiidi qoolira noo birxicho leellishshesi kaꞌeenna, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawi. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Arfaasa 1

“Baalunku manni shiiꞌriro lowo geeshsha xissiisiꞌranno; ninke techo tenne hajore kayinse hasaambanni heeꞌnoommo. Banxanni jaala woy fiixa shiiꞌra wolu qarri baalunkunni roore kabbaadete yiniro gara labbannohe? [Dawaro qola geeshsha agari.] Tini Qullaawu Maxaafi xiqise lowo manna sheshifachishshinote. [Isayyaasi 25:8 nabbawi.] Tini metseete Qullaawu Maxaafi giddo noota reyo baꞌannotanna reyitinori kaꞌannota kultanno hexxore xawissanno.”

Baqqi Yiiyye! Arfaasa

“Xaa yannara maatete addi addi qarri iillanno yiniro, tini adda labbannohe? [Dawaro qola geeshsha agari.] Kuni Qullaawu Maxaafi lawishshi maate jawaachishiꞌrate mayi hasiissannoro kulanno. [Lawishsha 24:3 nabbawi.] Lowo manni Qullaawu Maxaafi addaxxinanni hayyo amadinota buuxino. Tini metseete maate kaaꞌlannore amaddinota Qullaawu Maxaafi aana xintantino webisayitere kultanno.”