Hasaawa Jammarate Kaaꞌlanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Mannu Qullaawa Maxaafa nabbawanno gede jawaachinshanni heeꞌnoommo. Batinyu manni Qullaawu Maxaafi huwatate qarrisanno yee hedanno. Aterano hatto lawannohe? [Dawaro qola geeshsha agari.] Hanni tini borro yitannore lai.” Dotteessa 1⁠nnita Agarooshshu Shae uyittosi gedensaanni, badhiidi qoolira noo birxicho leellishisi; hakkiinnino umi xaꞌmo hunda noo assaawe hasaabbe, hattono xiqisubbate giddo ajayi ajeenna mitte nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Agarooshshu Shae Dotteessa 1

“Mannu baalu addi addi qarri ledo sharramanni no. Tini, mannu heeshshote alaami maati yee xaꞌmanno gede assitino. Xaa yannara hagiidhinannikki gede lowo qarra kalaqinori maa lawannohe? [Dawaro qola geeshsha agari.] Qullaawu Maxaafi Maganu xa iillanni noonke qarra hoolate qaale einota kulanno. [Ajuuja 21:4 nabbawi.] Tini borro albillittete noonke hexxonna xa nafa hagiirraame heeshsho heeꞌra dandiineemmohu hiittoonniitiro kultanno.”

Baqqi Yiiyye! Dotteessa

“Galtesi gane gawajjanno manni alamete aana batiꞌranni dayino. Mitu manni, konni qarrira kaima ikkinori qooxeessu budeeti, maatete garaatinna finqille woꞌmitino boohaarshaati yaanno. Mini giddo togoo qarri heeꞌranno gede assannohu qaru coyi atera maa lawannohe? [Dawaro qola geeshsha agari.] Qullaawu Maxaafi minaanninna minaama baxamanna mimmito ayirrisa hasiissannonsata kulanno. [Efesooni 5:33 nabbawi.] Tini borro, lowo maate qarrunni gattanno gede kaaꞌlitinota Qullaawu Maxaafita xintu seerubba kultanno.”