Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisa

“Hasaawinsoommo manni Qullaawu Maxaafire duuchare yaanno. Mitu manni Maganu Qaaleeti yaanno, mitu kayinni wole maxaaffa gedeentilla yaanno. Ati Qullaawu Maxaafi mayi maxaafaati yaatto?” Dawaro qola geeshsha agari. Hakkiinni Ammajje 1nite Agarooshshu Shaera badhiidi qoolira noo birxicho leellishshesi kaꞌeenna, umi xaꞌmo hunda noo assaawe mitteenni hasaabbe; qoleno ajayi ajeenna mitte xiqise nabbawi. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Ammajje 1

“Rooru manni olu nookki yanna daggara halchanno. Alame gudisidhe salaame ikkitanno yanna dagganno yiniro, kuni ikkannoha lawannohe? [Dawaro qola geeshsha agari.] Hanni Qullaawu Maxaafi albillitte mayi ikkanno yaannoro lai. [Faarso 46:9 nabbawi.] Umihu Alamete Oli yannaranna hakkuyi kawa ikkitino coyibba Maganu muli yanna giddo tini masaalo woꞌmitanno gede assannotanna ola hegerera hunannota ammanneemmo gede assitannonke. Tini metseete konne coye kultanno.”

Baqqi Yiiyye! Ammajje

“Techo duuchu mannira mitiimma ikkinoha mitto coye kayinse hasaambanni haꞌnanni heeꞌnoommo. Duucha wote baalankare assiꞌre guxxate yanna ajjanni qarrissannonke. Isi yanna ajjanni qarrissannonkehu loosu batiꞌrinonke daafiraatinso, yannanke mullurira sayinse hunneemmo daafiraati? Ati mayyaatto? [Dawaro qola geeshsha agari.] Duuchu manni Qullaawu Maxaafi yanna danchu garinni horoonsiꞌrate kaaꞌlitanno amaale aannota diwodanchino. Hanni mitto lawishsha laꞌno. [Filiphisiyusi 1:10a nabbawi.] Tini borro batinyu manni yannansa hayyotenni horoonsiꞌranno gede kaaꞌlinonsaha shoole coye xawissanno.”