Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisa

“Tenne kaajja xaꞌmo kayinse mannu ledo haransine hasaambanni heeꞌnoommo. [Onkoleessa 1nnite Agarooshshu Shaera badhiidi qoolira noota umi xaꞌmo leellishisi.] Ati tennera mayyaatto?” Dawaro qola geeshsha agari. Umi xaꞌmo hunda noo assaawenna ajayi ajeenna mitte xiqise nabbabbeenna hasaabbe. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Onkoleessa 1

“Duuchu manni albillittete yanna daafira hasaawa baxanno daafira, hattee kayinse hasaambanni heeꞌnoommo. Ati albillittete yannare hedatto wote waajjishannohenso, hagiidhatto? [Dawaro qola geeshsha agari. Hakkiinni, “Maganu Albillitte Mayi Ikkanno Yiino?” yitanno saaxinera noo xiqisubba giddo mitte nabbawi.] Tini borro Maganu albillitte ikkanno yiino coyi giddo gama kultanno; qolteno kuri coyibba woꞌmitannota huluullammeemmokkihu mayiraatiro xawissanno.”

Baqqi Yiiyye! Onkoleessa

“Techo mannu yaachishannonsare gargadha dandaanno gara haranchunni hasaambanni heeꞌnoommo. Albitanna xaata hedittoro, xaa yannara bashshonni roore yaachishannori batiꞌrinoha lawannohe? [Dawaro qola geeshsha agari.] Qullaawu Maxaafi giddo noo amaale lowo manna yaachishannonsare gargadhanno gede kaaꞌlitinonsa. Hanni mitte amaale laꞌno. [Maatewoosi 6:34 nabbawi.] Tini borro Qullaawu Maxaafi manna yaachishannoha shoole rosamino coye dandee heeꞌrate kaaꞌlannohu hiittoonniitiro kultanno.”

Qaagiishsha: Tini ittime roorenka daddalaano baxissara dandiitanno.