Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisse

“Tenne afate quqquxxanno xaꞌmo lai. [Bocaasa 1nnite Agarooshshu Shaera badhiidi qoolira noota umi xaꞌmo nabbawi.] Atera ma lawannohe? [Umi xaꞌmonni aante noota lamenta gufonna ajayi ajeenna mitte xiqise nabbabbeenna hasaabbe.] Yesuusi reyitinore kayisinohu mayiraatironna tini ninkera mayi tiro afidhinoro hasaawate wole wote dawummoro ma lawannohe?”

Agarooshshu Shae Bocaasa 1

“Alameta aana qarru togo batiꞌrinohu mayiraati yite hedde egennootto? [Dawaro qola geeshsha agari.] Qullaawu Maxaafi Ajuuja 12:9 aana kuni ikkinohu mayiraatiro kulannonke. [Xiqise nabbawi.] Ikkollana, kiiro 12 hexxo uyitannonke. [Ajuuja 12:12 nabbawi.] Sheexaanu abbanno qarri muli yanna giddo baꞌꞌanno. ‘Sheexaane Waajja Hasiissannonke?’ yaannohu kuni birxichi xa Sheexaanu gawajjonni umonke agadha dandiineemmo garanna muli yannara Sheexaanu ma ikkannoro kultanno. Tenne metseete atera eemmohe.”

Baqqi Yiiyye! Bocaasa

“Baalunku manni hagiirre afiꞌra hasiꞌranno; kayinni yannankera lowo manni hagiirraamo diꞌꞌikkino. Addu hagiirre afiꞌrate mayi kaaꞌlannoha lawannohe? [Dawaro qola geeshsha agari.] Qullaawu Maxaafi addu hagiirre afiꞌrate kaaꞌlannota huwatoommo. Lawishshaho, hanni mitte Qullaawu Maxaafi amaale laꞌno. [Ibiraawuyaani 13:5 nabbawi.] Tini metseete addu hagiirre afiꞌrate kaaꞌlannoha Qullaawu Maxaafi aana xintaminoha shoole qara coye kultanno.”