Maganittete Roso Harunsa

HASIISSANNOHU MAYIRAATI? Bayiru Rosiisaanchi Yihowa, dancha roso rosiisannonke. Isi heeshshonke woyyeessiꞌneemmo garanna albillitte daggannote dhagge ikkitanno yannara qixxaambeemmo gede assannonke—hatte yannara baalunku manni woxe baaxxikkinni rosanno! (Is 11:6-9; 30:20, 21; Aj 22:17) Yihowa maganittete rosi widoonni, mannaho heeshsho gatissanno sokka kulleemmo gede qodhisiisannonke.—2Qo 3:5.

TENNE ASSA DANDIINANNI GARA:

• Shooshanqetenna umo heeshshi assate akati lexxannoꞌne gede assidhe.—Fa 25:8, 9

• Ayyaanaamittetenni lophate kaaꞌlannoꞌne qajeelsha qajeelle; lawishshaho gambooshshunniwa rosaanote uyinanni kifilla shiqisha rosse

• Ayyaanaamittete mixo fushshidhe.—Fil 3:13

• Umiꞌne horo agurtine, ikkadda ikkate kaaꞌlannoꞌne qajeelsha afiꞌrate sharramme.—Fil 3:8

YIHOWAWIINNI RONSE AYYAANAAMITTETENNI DUROOꞌMA YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Mite halashshaano Maganu Mangiste Sawaakooti Rosi Mine eate qeelte saꞌinohu guficho ikkinonsa coyi maati?

• Maganu Mangiste Sawaakooti Rosi Mine rossannorira qixxeessinoonni qajeelshi maati?

• Songote giddo noo roduuwi Maganu Mangiste Sawaakooti Rosi Mine rosse fulte haarote gaamante martino roduuwa kaaꞌlitinohu hiittoonniiti?

• Maganu Mangiste Sawaakooti Rosi Mine eate ikkadoota ikkate assa hasiissannori maati? (kr-AM 189)

• Yihowa dirijjite qixxeessitinoha wole hiikkonne qajeelsha qajeela dandaatto?