KIRISTAANU HEESHSHORA
Maganu Mangiste Sawaakooti Rosi Mine Eꞌine Rosate Forme Wonsha Dandiitinakka?
Diriꞌne 23 nna 65 mereero nooreetinna woꞌma yanna soqqamaasineeti? Dancha ordu fayyimma nooꞌne? Qoleno sabbakkannori roore hasiissannowa ayewano hadhine soqqama dandiitinanni? Kuri xaꞌmuwara ee yitine qoltinoonniha ikkiro, Maganu Mangiste Sawaakooti Rosi Mine eꞌine rosate forme wonsha dandiitinannita affinoonni? Kuni rosu mini hanafihunni kayise, lowo kume ikkitanno roduuwi yaano adhantinori, hattono adhantinokkiri meyanna labballu roduuwi konne qajeelsha adhitino. Ikkollana xaano, seenne adhinokkihu lowo roduuwi hasiisannonke. Yihowa, iso hagiirsiisatenna Beettisi faale haꞌrate hasattoꞌne lexxitara kaaꞌlannoꞌne gede huuccidhe. (Fa 40:8; Mt 20:28; Ib 10:7) Hakkiinni, wonsha hasiissannoꞌne coyi lawishshaho maatete hajo, maalaamittete loosi woy asalu nooꞌneronna teꞌee hedde. Togoori nooꞌneha ikkiro, konni rosu mine eꞌine rosate biddi assiꞌra dandiitinanni gari heeꞌra ikka?
Konni tiokiraasete rosi mine rosse maassantinori hiittenne soqqanshote faro afidhino? Maassante fultinori giddo mitu wole afoo coyiꞌnanniwa hadhe soqqantanno gede woy baxxitinota gudumaalu soqqansho soqqantanno gede sonkoonninsa. Mitootu yannate gedensaanni riqiwaano woradu aliidi laꞌꞌaano, woradu aliidi laꞌꞌaano woy misiyoone ikkite soqqantanno. Yihowara soqqamate assa dandiitinannire heddinanni woyite, kiꞌnerano masaalaanchu Isayaasite gedee lao heedhaꞌnera halchineemmo; isi togo yiino: “Ani haꞌreemmona, ane soqqie.”—Is 6:8.
QANCHOHO SOQQANTANNO MISIYOONE MIDOTE LOOSO LOOSSANNOREETI YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Qanchoho soqqantanno misiyoone doorrannihu hiittoonniiti?
Misiyoone hiikkonne dancha looso loossanni no?
Misiyoone ikkine soqqammiro afiꞌnannihu mitu atooti maati?