Soqqanshonke Isilanchimma Woyyeessiꞌra

HASIISSANNOHU MAYIRAATI?: Ille ballinohu lowo manni afinokki manna diammaꞌnanno. Hakko daafira togoo mannira farciꞌrate dandoo hasiissanno. Yihowa ille ballitinore baxannonsata leellishino. (Le 19:14) Ninkeno uminkenni kaꞌne ille ballitinore ayyaanaamittetenni kaaꞌline Yihowa lawishsha harunsa dandiineemmo.

TENNE ASSA DANDIINANNI GARA:

• Ille ballino manna “buuxxe [hasse].” (Mt 10:11) Maatensa giddo ille ballinohu noohu affinoonni manni no? Qooxeessiꞌnera, ille ballino mannira qixxeessinoonni borro adha hasiꞌrannohu rosu mini, geerra towaantanni minna woy wole dirijjitta no?

• Heddinanninsata leellishshe. Jaalu gede ikkitine lowonta heddinanninsata leellishanno garinni hasaawisaꞌne ille ballitinori waajjitannokki gede kaaꞌlitannonsa. Hasaawa hasidhanno birxicho kayissine hasaawate woꞌnaalle

• Ayyaanaamittetenni kaaꞌlensa. Yihowa dirijjite xunsite laꞌꞌa dandiitannokkire kaaꞌlate borro addi addi garinni qixxeessitino. Ille ballitinori ma garinni rosa hasidhannoro xaꞌme. Soqqanshote aliidi laꞌꞌaanchi borrote kifilera loosanno rodii ille ballino mannira injaanno garinni qixxeessinoonni borro hajajanno gede assa hasiissannosi