KIRISTAANU HEESHSHORA
Suwisaano Ikkitine Yihowa Guwisse
Israeelete daga Yihowa guwissanno gede assannonsahu baxxino korkaati noonsa. Isi insa Gibitsetenni fushshinonsa, hattono Feriooni olanto anganni gatisinonsa! (Fu 15:1, 2) Yihowa mannisira woꞌmanka woyite danchare assanno. Tennera galanteemmota leellisha dandiineemmohu hiittoonniiti?—Fa 116:12.
Tenne assa dandiineemmoti mitte doogo, kaaꞌlaancho suwisaancho woy woꞌma yanna suwisaancho ikkine soqqamate. Suwisaano ikkitine soqqamate hasattonna wolqa aannoꞌne gede Yihowa huuccidhe. (Fil 2:13) Batinye halashshaano umo kaaꞌlaano suwisaano ikkite hanaffanno. Badheessunna Dotteessu aganira hattono woradu aliidi laꞌꞌaanchi songoꞌne towaatanno yannara 30 woy 50 saate soqqantine kaaꞌlaano suwisaano ikka dandiitinanni. Kaaꞌlaancho suwisaancho ikkine soqqamme afiꞌnanni hagiirre qamassini gedensaanni, woꞌma yanna suwisaancho ikkitine soqqama hasidhinanniha ikkara dandaanno. Woꞌma barra loossannori woy dhiwanni qarrisannonsari mite halashshaano nafa kaaꞌlaano suwisaano ikkite soqqama dandiitino. (mwb16.07 8) Yihowa guwisiꞌrate dandiinummore baala assanke garankolla; korkaatuno isi lowo guweenyi hasiisannosiho!—1Du 16:25.
MONGOOLIYAHO HEEꞌRANNORE SASE RODUUWA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:
Kuri sase roduuwi suwisaano ikke soqqamate hiikkonne qarra dandee saino?
Insa afiꞌrino atooti maati?
Insa woꞌma yanna suwisaano ikke soqqamino daafira afiꞌrinoti wole soqqanshote qoosso hiittenneeti?
Insa lawishshi woloota kaaꞌlinohu hiittoonniiti?