Bocaasu Aganira Mannaho Maganu Gashshoote Duduwate Qixxeessinoonniha Baxxino Zamacha

Yesuusi mannaho “Maganu Gashshootire” kulino. (Lu 4:43) Isi mannu Maganu Gashshooti daara huucciꞌranno gedeno rosiisino. (Mt 6:9, 10) Bocaasu aganira mannaho Maganu Gashshootire zamachunni duduwate baxxino garinni diinaggaambeemmo. (Mt 24:14) Konni zamachi yannara woꞌmunni woꞌma soqqamate pirogiraameꞌne biddi assidhe. Konni aganira 30 woy 50 saate soqqamme kaaꞌlaano suwisaano ikka dandiineemmo.

Dandaamiꞌne deerrinni, qooxeessiꞌnera lowo mannira Maganu Gashshootire kulanno qummeeshsha nabbabbensa. Qummeeshsha doortinanni woyite, hasaawissinanni manni ammaꞌno daafira hedde. Hasaawissinoonni manchi hasatto noosita leellishiro, mannaho ellannita Agarooshshu Shae Kir. 2 2020 uyiyyesi. Hakkiinni, hasatto noosita leellishino mancho mulenni galagaltine hasaawissesi; qoleno Rosiisate Horoonsiꞌneemmo Borro giddonni mitte horoonsidhine xiinxallo hanafisiisate woꞌnaalle. Maganu Mangiste giwannose gashshoote baalanka coꞌo assite hunate shiinqa yanna calla gattinose. (Da 2:44; 1Qo 15:24, 25) Hakko daafira konni baxxino zamachi yannara woꞌma giddonkenni soqqamme Yihowaranna Mangistesira ammanammoommore ikkinoommota leellinsho!