Dancha Yanna Daggannota Kulannoha Dancha Duduwo Dudubbe!

Bocaasu aganira dancha yanna daggannota kulannoha dancha duduwo duduwate baxxino garinni sharrammeemmo. (Fa 37:10, 11; Aj 21:3-5) Konni zamachi yannara woꞌmunni woꞌma soqqamate pirogiraameꞌne biddi assidhe. Konni aganira 30 woy 50 saate soqqamme kaaꞌlaano suwisaano ikka dandiineemmo.

Dancha yanna daggannota kulanno qummeeshsha dandaamiꞌne deerrinni, lowo mannira kulate qixxaabbe. Qummeeshshuwa doortinanni woyite, qooxeessiꞌnera heeꞌranno manni roore afa hasiꞌrannore hedde. Hasaawissinoonni manchi hasatto noosiha ikkiro, mannaho ellannita Agarooshshu Shae Kir. 2 2021 uyiyyesi. Hakkiinni, hasatto noosita leellishino mancho dandaami deerrinni mulenni galagaltine hasaawissesi; qoleno Hegerera Hagiidhitanni Heeꞌra Dandaatto! yitanno biroshere horoonsidhine Qullaawu Maxaafi xiinxallo hanafisiisse. Dancha yanna daggannota kulannoha “dancha duduwo” diinaggaambe duduwa hiitto hagiirsiissanno!—Is 52:7.

HAARO ALAME DAGGANNO YITANNOTA BAXXITINO FAARSO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Qaaqqo albillitte hiittooti hagiirsiissanno yanna daggannota heddanni no?

• Haaro alamera afiꞌrate quqquxantinanni coyi giddo mitu maati?

• Hexxonke hiincanke Bocaasu agani zamachira diinaggaambe soqqamate kaaꞌlitannonkehu hiittoonniiti?—Lu 6:45