Qoonqotenni Qixxeessinoonnita Qullaawu Maxaafi Niwaawe Dancha Gede Horoonsidhinanni Heedhinoonni?

Qoonqotenni qixxeessinoonniti Qullaawu Maxaafi niwaawe maati? Qoonqotenni qixxeessinoonniti Qullaawu Maxaafi niwaawe haaroonsine qixxeessinoonnita Haaro Alame Tiro qoonqotenni qaddaꞌnoonnite. Dandaami deerrinni sunu sununni batinyu afiinni qixxeessinanni heeꞌnoonni. Qoonqotenni qixxeessinoonnite Qullaawu Maxaafi niwaawera Qullaawu Maxaafi giddo kulloonni manna ikke qaddaꞌꞌaminohu addi addi mannaati. Qullaawu Maxaafi sokka garunni sayisate mitto mittonka qaale nabbamboonnihu hedo xawisanno garinninna iibbado giddonniiti.

Mitootu qoonqotenni qixxeessinoonnite Qullaawu Maxaafi niwaawenni horo afidhanninoohu hiittoonniiti? Togoo niwaawe ganyite macciishshitannori batinyu roduuwi Maganu Qaali xawe leellannonsa gede assitinonsa daafira tenne lowo geya baxxino. Insa Qullaawu Maxaafi giddo kulloonni manna ikke qaddaꞌꞌaminohunnita addi addi huuro macciishshansa xagge albinni roore xabbe leeltannonsa gedenna borreessinoonni hedo roore huwatanno gede assitinonsata coyidhino. (La 4:5) Wolootu batinyu roduuwi qolte qoonqotenni qixxeessinoonnita Qullaawu Maxaafi niwaawe macciishshansa yaaddo amaddannonsa woyite sheshifachishshaansata huwattino.—Fa 94:19.

Maganu Qaale nabbambanna macciishshanke lowo geya kaaꞌlitannonke. (2Du 34:19-21) Kiꞌne huwattinanni afiinni qoonqotenni qixxeessinoonniti gama woy woꞌma Qullaawu Maxaafi niwaawe nooha ikkiro, ganyitine macciishsha dandiitinakka?

QULLAAWA MAXAAFA QOONQOTENNI QIXXEESSA—MURRE HAAꞌNOONNITA YITANNO VIIDIYO LAꞌINIHU GEDENSAANNI AANTE NOO XAꞌMORA DAWARO QOLATE WOꞌNAALLE:

Qullaawa Maxaafa qoonqotenni qixxeessate daafira kiꞌnera dhagge ikkinoꞌneri maati?