Qullaawa Maxaafa Barru Baala Nabbawatto Gede Kaaꞌlannohere

Loosu batiꞌrinohe daafira Maganu Qaale barru baala nabbawate fushshiꞌrootto pirogiraame haꞌrunsa qarra ikkitinohe? (Iya. 1:8) Hatto ikkiro aante noo hedo giddonni mitte haꞌrunsate woꞌnaali:

• Barru baala qaagiissannohere wodhi. Silkekkira Qullaawa Maxaafa nabbawatto yanna qaagiissitannohe alaarme wodhi.

• Qullaawa Maxaafakki leellanno bayicho wodhi. Qullaawa Maxaafa attammoonniha nabbawattoha ikkiro barru baala laꞌꞌa dandaatto bayicho wodhi.—Mar. 11:18.

• Huurotenni qaddaꞌnoonniha macciishshi. Huurotenni qaddaꞌnoonniha wolere assitanni heedhenni macciishshi. Taara yinanniti suwisaancho ikkite soqqantannotinna looso hashsha loossannoti mitte ama togo yitino: “Mini giddo loonsanni looso loosanni heeꞌrenni qaddaꞌnoonniha Qullaawa Maxaafa macciishshaꞌya Qullaawu Maxaafi niwaaweꞌya uurriseemmakki gede kaaꞌlitinoe.”

• Hexxo mudhitooti. Hedeweelchuri tuncu yeennahe Qullaawa Maxaafa fushshiꞌrootto pirogiraame garinni nabbawa qarra ikkituhero, ajayi ajeenna goxattora albaanni shiima kiiro nabbawi. Nabbawatto kiiro shiima ikkituro nafa barru baala nabbawakki kaaꞌlitannohe.—1 Ph. 2:2.