KIRISTAANU HEESHSHO
Yihowa Manna Towaatate Sharrantanno Allaalaasine
Batinyu manni silxaane noonsa manna diammaꞌnanno. Insa ammaꞌna hoogansanni dibushiinsheemmo. Mayira yiniro lowo diro mannu ooso silxaanensa uminsa horora horoonsidhanni keeshshitino. (Mi 7:3) Songote cimeeyye kayinni silxaanensa woy qoossonsa Yihowa manna kaaꞌlate horoonsiꞌnanni gara qajeeltino; tini lowo geya hagiirsiissannote.—As 10:3; Mt 20:25, 26.
Cimeeyye silxaane woy qoosso afiꞌrate sharrantannohu Yihowanna mannasi baxxannohuraati ikkinnina tenne alamera silxaane noonsa manni gede ikkate diꞌꞌikkino. (Yoh 21:16; 1Ph 5:1-3) Kuri allaalaasine Yesuusi uyino biddishsha harunsite mittu mittunku halashshaanchi Yihowa maate wido ikkinota huwatanno gedenna Yihowawa shiqe heeꞌranno gede kaaꞌlitanno. Insa Yihowa hoshsha ayyaanaamittetenni towaatatenna hikkiminnu hajo woy hedeweelcho dano kalaqantanno woyite insa kaaꞌlate qixxaabbinoreeti. Kaaꞌlo hasiissannoheha ikkiro, songokki cimeessa shiqqe hasaawisate hobbi ruxxi yitooti.—Ya 5:14.
MAGANU HOSHSHA TOWAATTANNO ALLAALAASINE YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Cimeeyye Maariyaana kaaꞌlitinohu hiittoonniiti?
Cimeeyye Ileeyizhi kaaꞌlitinohu hiittoonniiti?
Kuri woꞌnaalshuwa cimeeyye loossanno loosi daafira mayite hedatto gede assitinohe?