Adhama Geedote Waaxooti

Dancha adhama Yihowa ayirranno gedenna minaanninna minaama hagiidhanno gede assitanno. (Marq 10:9) Kiristaanu adhamansa geedonnitanna hagiirru noota ikkitanno gede, galte doodhanno woyite Qullaawu Maxaafiha xintu seera seekke harunsa hasiissannonsa.

“Wedellimmate yanna” saꞌa geeshsha agari; korkaatuno hatte yannara siimu xaadooshshe assate hasatto lowo geeshsha lexxitanno daafira dancha doorsha doodha qarra ikkitara dandiitanno. (1Qo 7:36, NW) Adhantinikki heedhinanni yanna, Maganu ledo nooꞌne jaalooma kaajjishiꞌratenna dancha akatta heedhannoꞌne gede assiꞌrate horoonsidhe. Hatto assitiniro adhamaꞌne seekkanno gede assa dandiitinanni.

Adhamate sumuu yaaꞌnera albaanni, adhamate heddinoonni manchiha “wodanu giddo nooha giddoyidi manninate” afate sharramme. (1Ph 3:4) Huluullisanno coyi nooha ikkiro tenne daafira adhamate heddinoonni manchi ledo hasaabbe. Mannu ledo noonke aantenni wolootaho woyyannore hendeemmonte gede, adhamanke giddono galtenkera woyyannore heda hasiissannonke. (Fil 2:3, 4) Adhantinara albaanni Qullaawu Maxaafi amaale harunsitinanniha ikkiro, albillitte adhamaꞌne hagiirraame ikkitanno gede kaaꞌlannore assitinanni heedhinoonni.

ADHAMATE QIXXAAWA—GAFA 3: ‘OFOLTINE MAꞌLE’ YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Rodoote Sheeni ledo noose aante lexxitanni hadhinohu hiittoonniiti?

• Aantensa lexxitanni hadhuta ise maa huwattino?

• Annisenna amase kaaꞌlinosehu hiittoonniiti? Ise hiikkonne dancha coye assitino?