Ampeo ho Lasa Mpianatsy ty Olo

Ino ty Nataoni-Jesosy?

VIDEO: Mampianatsy ani-Nikodemosy Jesosy

1. Henteo VIDEO io, na vakio Jaona 3:1, 2. Bakeo diniho fanontanea retoa:

1. Nanino Nikodemosy ro namonjy ani-Jesosy tamy andro haly?​—Henteo Jaona 12:42, 43.

2. Akory ty nampisehoani-Jesosy hoe parè hanao mpianatsy ie?

Ino ty Ianarantsika Baka amy Jesosy?

2. Asehontsika hoe tea olo tsika laha miezaky manampy an-drozy ho lasa mpianatsy.

Tahafo Jesosy

3. Ampianaro amy ze fotoa noho pilasy mety aminy mpianatsinao iny. Mety hifily andro raiky voafaritsy sankerinandro mpianatsy iny na hanono lera. Am-piasàny any va ty teany hianara sa an-tranony any, sa amy pilasy fitsangatsangana na fipetrapetrahan’olo? Laha mety, le areno ty fandaharam-potoanao mba hifanaraky amy ze mety aminy.

4. Ka tapatapahy ty fianaranareo. Laha tsy ho eo iha le ka tapahy ty fianaranareo. Eritsereto zao:

1. a. Hay ndre azo aroso na ahemotsy amy fotoa hafa amy herinandro iny fianara iny?

2. b. Tsy no mety laha atao an-telefony na amy vidéoconférence fianara iny?

3. d. Afaky miangavy mpitory hafa va iha mba hampianatsy azy?

5. Mivavaha mba hahavy anao hifantoky amy raha soa avao. Angataho Jehovah mba hanampy anao tsy ho kivy amy mpianatsinao iny, ndre somary manapatapaky fianara aza ie na sarotsy aminy ty manoriky ty raha ianarany. (Fil. 2:13) Azo antoky hoe mana toetsy soa maro mpianatsinao iny. Mivavaha zany mba hahafahanao mifantoky amy raha rezay.