Nahatanjaky ty Ainy Josefa

42:5-7, 14-17, 21, 22

Mba azonao sary an’eritseritsy va hoe mety ho nanao akory zay Josefa lafa nifanatriky tampoky tamy rahalahiny rey? Azony natao zao ty nanambara hoe ie Josefa le bakeo nandrakoky an-drozy, na afaky namaly faty koa ie. Fe nieritseritsy soa tse ie. Ino ty hataonao laha misy longonao na olo hafa manao ty tsy rariny aminao? Hita baka amy ohatsini-Josefa iny fa tena vatan-draha ty hoe mitanjaky ty ain-tena noho kalma avao. Mpamitaky fontsika io ka tsy tokony halisalisa hanaraky azy avao tsika.

Afaky manahaky ani-Josefa va iha laha misy raha mahazo anao?