Azonao Soa va ty Raha Vakinao?

Lafa mamaky tantara iha, le anovo azo soa iaby ze raha mikasikasiky azy. Henteo hoe ia iaby ty olo tafilitsy amy raha iny, mety ho ino ty antony nanaovany ani-raha ataony iny. Alao sary an’eritseritsy mihintsy, le anovo sahala hitanao ty raha ao, renao ty feo noho ty fofo, le anovo tsapanao ty fihetseham-pon-drozy.

HENTEO TY VIDEO HOE HASOAVO TY FAMAKIANAO BAIBOLY: TAMPATAMPANY, BAKEO VALEO FANONTANEA RETOA:

• 

  Mety ho ino ty antony sisany nahavy ty fianakaviani-Josefa tsy hifankahazo avao?

• 

  Mety ho ino ty antony sisany nahavy ani-rahalahini-Josefa rey nanaontao fahatany kindraiky?

• 

  Ino ty azontsika ianara baka amy Jakoba, azy babani-Josefa iny?

• Ino ty raha tena soa nampianarini-Jakoba ani-anakiny rey mikasiky fandamina hevitsy tsy mitovy?

• Nanino video iny ro nahasoa anao?