FIANARA 14

Miboaky Soa ty Hevitsy Bevata

Hebreo 8:1

INO TY IANARA ATO? Ampeo olo iresahanao rey mba haharaky soa ani-lahateninao iny, le ataovo mazava soa ty ifandrambesani-hevitsy bevata rey amy ty raha kendrenao noho ty lohahevitsy.

AKORY TY ANAOVA AZY?

Manàna raha kendrè. Farito soa hoe ino ty raha kendreni-lahateninao iny, hampita fanazavà, sa handresea lahatsy, sa handrisiky ty mpijanjy. Bakeo ampifanaraho amy zay ty famelabelaranao azy. Miezaha hanatratsy ani-raha kendrenao iny lafa mamelabelatsy ty hevitsy bevata kiraidraiky.

Eritsereto hoe: ‘Ino iaby ty fanontanea na raha mety hampisalasala ty mpijanjy mikasiky ani-foto-kevitsy toy? Akory ty fomba mety handaharan-drozy azy?’ Bakeo alaharo manahaky ani-zay koa hevitsy horesahinao rey, amy zay ho arakin-drozy ty fanazavanao sady ho azon-drozy noho eken-drozy.
Aboaho soa ty foto-kevitsini-lahateninao. Tonono ty safà manan-danja amy foto-kevitsinao na mampiasà safà mitovy hevitsy aminy.
Anovo tsotra noho mazava ty hevitsy bevata. Henteo ze hevitsy bevata mifandramby amy foto-kevitsy iny sady azonao velabelary anatini-fotoa namea anao. Reo avao ro ampiasao. Ataovo vitsivitsy avao ty hevitsy bevata, mijanona lafa anelanelany eny, le miampità moramora amy hevitsy bevata manaraky.

Mety horesahinao amy safà fampilira ao hevitsy bevata rey mba hanampea ty mpijanjy anao hanaraky azy, le hampolinao resahy ndraiky amy safà famarana mba hanampea an-drozy hahatiaro azy.