Mampiasà Fanontanea

“Ndranahary falifaly” Jehovah, ka teany ho falifaly amy fanompoa tsika. (1Ti 1:11) Hitombo ty fifaleantsika laha hasoavintsika avao ty fahaizantsika. Mahavy ty olo ho kinto ty fanontanea sady fomba soa hanomboha resaky. Manampy ty olo handiniky soa noho hametsivetsy koa ty fanontanea. (Mt 22:41-45) Lafa tsika mametraky fanontanea, le tokony hiamby ty valintenin’olo iny. Sahala mivola tsika amy zay hoe: ‘Vatan-draha amiko ty hevitsinao.’ (Jk 1:19) Arakaraky ty valintenin’olo iny amy zay ro hahaizantsika ty fomba soa hanohiza ani-resaky iny.

HENTEO TY VIDEO HOE HASOAVO TY FANOMPOANAO, LE HAHAFALIFALY ANAO TY MAMPIANATSY BAIBOLY: MAHAIZA MAMETRAKY FANONTANEA, BAKEO VALEO FANONTANEA RETOA:

• 

  Ino ty toetsy soa nananani-Faly?

• 

  Akory ty nampiasàni-Hanta fanontanea, ka ahità hoe midary olo ie?

• 

  Akory ty nampiasàni-Hanta fanontanea mba hahavy ani-Faly ho kinto amy vaovao soa?

• 

  Akory ty nampiasàni-Hanta fanontanea mba hanampea ani-Faly handiniky noho hametsivetsy soa?