Mivavaha amy Jehovah mba Hahazoanao ty Fanampeany

Jehovah ro mampitiry ty voani-fahamarina noho mampitombo azy am-pon’olo ao. (1Ko 3:6-9) Ka mba hahavy antsika hahita vokatsy amy fanompoa, le mila miantehitsy amy Jehovah tsika mba hanampeany antsika noho ty olo ampianarintsika Baiboly.

Mivavaha amy Jehovah mba hahavita hiaritsy fitsapà noho handresy ty raha sarotsy mahazo azy ty mpianatsinao. (Fi 1:9, 10) Anovo voafaritsy soa ty vavaky ataonao. Mivavaha mba hitariky anao ty fanahy masy amy ty raha eritseretinao noho ataonao. (Lk 11:13) Ampianaro mivavaky ty olo ampianarinao Baiboly, le ampirisiho rozy mba hazoto hivavaky. Miaraha mivavaky aminy sady mivavaha ho azy, le tonono mihintsy ty anarany.

HENTEO TY VIDEO HOE ENGAO HANAMPY ANAO JEHOVAH, LE HAHAFALIFALY ANAO TY MAMPIANATSY BAIBOLY: TY VAVAKY, BAKEO VALEO FANONTANEA RETOA:

• Manino ro nisarotsy tamy Hanta ty nampianatsy ani-Faly?

• Manino ty 1 Korintianina 3:6 ro nanampy ani-Hanta?

• Akory ty nampilamy ani-raha nanahira ani-Hanta iny?