HANANA LAFOVILY BAKA AMY BAIBOLY | JEREMIA 51-52
Tanteraky Tsy Nisy Pitotsy ty Raha Nivolanini-Jehovah
Voafaritsy soa ty faminania nivolanini-Jehovah
Mpitifitsy balakititsy mpiamby ty mpanjakani-Persa
“Ranito ty balakititsy”
51:11, 28
Tena mahay mampiasa kititsy ty Medianina noho Persianina, sady io ro tena fitaovam-pialia nampiasan-drozy. Ranitin-drozy soa balakititsin-drozy rey amy zay hilentiky marè
“Tsy nialy sasy lahilahy mahery ta Babylona ao rey”
51:30
Mivola ho zao ty Tantarani-Nabonida: “Tafilitsy ta Babylona tao ty maramilani-Kyrosy, fe tsy nila nialy.” Ho raha ta hivola ie hoe tsy nisy aly loatsy tamy zay. Mifanaraky amy zay koa ty faminaniani-Jeremia
Tantarani-Nabonida
“Hanjary korontam-bato miavotsy Babylona sady tsy hipetrahan’olo sasy zisiky farany”
51:37, 62
Niharava ty lazani-Babylona nanomboky tamy 539 T.K. Ta ho nataoni-Aleksandra Bevata renivohitsiny Babylona, fe nimaty tampoky ie. Mbo nisy Jiosy ty ta Babylona tao tamy androni-Kristiana voalohany rey, ka zay ro nahavy ani-Petera hitsidiky any. Fe nirava tanteraky tanà io tamy taonjato fahaefatsy, ka nanjary tsy misy olo sasy