‘Faifaiva mo Tagata’ i le Atika

O tau mafanafana uma lava, e talaʻi ai le toatele o Molimau a Ieova i oganuu e “lei tofia i ai nisi”—o oganuu i tua e leai ni faapotopotoga ua faatuina ai. O le toatele o i latou o tagata faigaluega ma tamaiti aʻoga o ē e faaalu a latou tuuaga e faia ai faapena. O isi paeonia sauatoa, ua vavaeina atu i ai la latou faiva. Na latou tofo ai i le olioli o le avatua o le tala lelei i tagata i nuu tu ese, ma vavalalalta ai ma ō latou aiga ma uso faaleagaga. O se faamatalaga lenei o sea malaga i matu mamao.

NA solosolo malie mai le tamaʻi vaa o le Skagstein mai le mea e tau ai. O se po i le amataga o le taumafanafana. Na agi mai se se savili malū mai sasae ma fetafeai ai le sami ma na mapu ai ma ile manogi o iʻa ma suauu o eleni. Na matou tutū i luga o le afu o vaaa, ma talotalo faatofa atu i Båtsfjord, le nuu aupito e telē mo faiga faiva i Finnmark i Sasae, i Norway.

I luga o le vaa e toavalu le auvaa. O Øivind ma Åshild na ō mai i Båtsfjord i le 11 tausaga ua mavae ina ia fesoasoani i le galuega talaʻi i lenei oganuu e lei oo lava i ai se galuega talaʻi. O lenei la, a o la siitia atu nei i se tasi vaipanoa a e ua malaulau nei le ola aʻe o e faapotopotoga toeitiiti lava 40 e faalauiloa o le Malo ua tupu ai i nei. O le isi vaega o le auvaa e aofia ai le kapeteni o Jarle (o se polofesa i mea tau faiga faiva ma o se paeonia “faatuuaga”) o tuafafine paeonia e toalua, e toatasi le tagata eli eleele, e toatasi se tagata galue i mea tau fefaatauaiga, ma se tagata faigaluega i le ofisa mai le Aiga Peteli i Norway. O le ā ua na faatasia lenei vaega? Ma o le ā le ituaiga o malaga lea o loo latou faia nei?

Ō atu mai lea Motu i lea Motu

O le taimi lea, e lē o toe alu atu Jarle e saili ni iʻa. O le fuafuaga ina ia matou ō atu mai lea motu ma i lea motu, ma mai lea nofoaga i lea nofoaga o vaegaau, i luga o le Skagstein mai Båtsfjord i le itu i matu mamao, e agai atu i Brønnøysund i le itumalo o Nordland. E tatau ona ufitia uma ia i matou le sili atu i le afa o le talafatai o Norway. Ai se ā? Ia, auā o le tele lava o nei nofoaga seiloga o sa ta ita lava vaa totino ona faatoā mafai lea ona oo atu i ai, ma e na o le faatasi mo ni tausaga ona asiasi atu i ai Molimau a Ieova ma le feau o le Malo. Ona matou filifili ai lea ai lea e ō atu e “fai faiva mo tagata’ i nei nofoaga.—Mataio 4:18, 19.

Na agai atu le vaa mai Båtsfjord i le itu i sisifo i le po atoa i le talafatai. O le aso muamua lea o Iulai. Sa faalepupula lelei mai le susulu o le la i le tulua o po ma ao ona sa ufitia e se ao manifinifi. E tai afe gogosina o le sami ma kittiwake na iloa atu i tofē o vanu. O le fafati o galu ma le siisii o le sami sa lelei lava, e tusa ai ma le tala a le kapeteni. A e mo nisi o i matou e lē masani i le sami, sa fai lava sina sou.

I le taeao na sosoo ai natuta ai lo matou vaa i le uafu o vaa i Honningsvag. O inā na amata ai la matou faiga “faiva” —po o le galuega talaʻi. E lelei tele le talaaga o tagata i le itu i matu o Norway ona o le agaga talimalo. Pe a uma ona matou faailoaina se faamatalaga puupuu e uiga i la matou savali, e masani lava ona ofo mai se nofoa i le umukuka ma aumai loa ma le kofe. Ia ona matou faamatala atoa atu loa lea po o ai i matou, o fea na matou o mai ai, o la matou galuega, le igoa ma le lapoa o lo matou vaa, pe na maua ni a matou iʻa, ia ma isi fuafuaga o totoe o la matou malaga. Ua na o lena lava le auala, na mafai ai ona matou oo atu i le manatu moni o la matou asiasiga—le tala lelei o le Malo o le Atua.

Tali Mafana i le Atika e Toʻa ai le Aisa

Pe o e a fetaui le feau i nei tagata o loo i se motu e 300 maila (480 km) i le itu i matu o le Lio o le Atika? O le ā o latou manatu mamafa moni lava i ai? E tutusa lelei lava foi ma mea o loo manatu mamafa i ai tagata i so o se nofoaga: o le lē faamasinotonu i tulaga lautele, leai o ni galuega, o tupe, o faafitauli i aiga ma tagata taitoatasi. Sa latou popole foi e uiga i tulaga o le lalolagi i aso nei—i fesootaiga o matu ma saute ma tauvaga a sasae ma sisifo.

Sa faigofie ai lava la mo i matou ona faasino atu i le vaifofo a le Tusi Paia—le Malo o le Atua. Ma maeu se taui i le vaai atu ua mataa ese atu le vaaiga faanenefu ma masalosaloga, a e suia i le olioli ma le faamoemoe! E toatele tagata i nei nofoaga mamao na tatalo mo le Malo talu ina o tamaiti, a e sa latou leʻi malamalama lava i le uiga o lenei tatalo. (Mataio 6:9-13) Na matou tuu ni lomiga faale-Tusi Paia i le toatele o tagata i nei motu, ma fuafua a i o le a aʻoga fetusiai ma i latou ina ia tumau ai pea lo latou naunau.

E ui lava o le ogatotonu o le tau mafanafana a e o le fua sa i le ogatotonu o le 30 (2 C) i Rolvsoy, ma sa agi se matagi malosi. Na faalatalata atu se tasi uso a e o loo tete lava ma pulupulu lona ofu talaloa mafanafana i se tamaloa o loo tu i le matafaga.

“O e maalili?” na fesili atu le tamaloa.

“E e e . . .” na faatalatu atu ai le uso.

“Sau ta o e fai si au meaʻai ma inu si au mea vevela!”

Sa taʻitaʻiina atu le uso i totonu o le fale i le umukuka, s ai ai le avā a le tamaloa o loo pisi.

“O totoe sina kofe mo si nei uso?” na fesili atu ai le tamaloa.

Na avatu loa le kofe vevela ma fasi falaoa, siamu ma le samani. Ina ua uma se talanoaga fiafia ona tuu ai loa lea e le uso ni lomiga faale-Tusi Paia ma agai atu i le isi asiga, ua mafanafana ma ua faamalosia. O nisi na o mea na tutupu i le molimau atu i nei tagata faauo ma le talimalo i nei vaipanoa mamao ma tuese.

O se Mea na Tupu e Faaʻoina ai

A o asa atu e le Skagstein lona ala i galu mai le motu i lea motu, sa matuā mafana ma iloa lelei e le auvaa le tasi ma le isi. O le nonofo faatasi o ni tagata se toavalu mo ni aso ma ni vaiaso i luga o se vaa e 38 futu (12 m) sa lei pine a e iloa e le isi uiga totino o isi. Sa matou aʻoaʻoina le ogatasi o tagata taitoatasi uma ma fetuutuunai, ma manatunatu le tasi i le isi. Sa faaleleia ni itu faa-Kerisiano. (Kolose 3:9, 10) O lea o lenei mea na oo i ai sa sili ai ona tauia.

Sa matou talanoa faatasi le mau o aso taitasi mai le Tusi Paia, ma talanoa foi e uiga i mea na tutupu i le aso. Matou te autalu mea na taultalagia ma faia, atoa foi ma mea o le a tautala i ai ma faia. Na faagaeeina ai i matou e lenei itu e tuu atu se taumafaiga tele e tautala atu ai i tagata. Sa mafai ona maua e lē aupito itiiti ma ē fou ni fautuaga aogā ma faalaeiauga ina ia faalauteleina ai la latou faiva.

“Sa ou mafaufau pea lava e uiga i le faiva sauatoa talu mai lava le aso na ou papatiso ai,” na fai mai Bjorn ua 27 ona tausaga. “Ia la matou malaga, sa amata ona tupu malie aʻe i tootnu ia te aʻu lou faanaunauga ma le loto tele ina ia ‘tofotofo Ieova’. Sa ou iloa, maeu se matuinoa e mafai ona tatou maua e uiga ia Ieova. Sa faigofie ai lava la mo au ona oo atu i le galuega paeonia ona o lenei malaga.”—Malaki 3:10.

Na fesoasoani foi le malaga ia i matou e sili atu ona iloa lelei a i le faanatinati o taimi. O le tele o nuu na matou asiasi atu i ai sa faasolosolo malie atu lava ina lē toe i ai. Sa tapunia fale mo faiga faiva. Sa tapunia fale meli ma fale oloa. Sa popole foi tagata a o latou vaai atu ua ō ese atu le au talavou mo ni avanoa i isi aai mamao ma taulaga, a e tuua fale fou mananaia ma le olaga faaleaganuu. I le lalolagi aoao, e faitau miliona ua leai ni mea e nonofo ai ma matelaina foi i le aai. A e o lenei o loo i ai lava le tele o fale ua lē nofoia ma le anoanoai o meaʻai e maua mai le sami. A e a faatusatusa atu nei ai, e toaitiiti lava ni tagata e mananao ai. O nei mea uma o se faamaoniga lē leoa lea o se lalolagi ua lē pulea.

Faaauau le Malaga

Na faaauau le malaga suʻesuʻe i le talafatai i matu o Soroya e aga i atu i Kvaenangen. O nisi o mea matou malōlō ai, sa matou ō i uta i ni vaa e alo. A e o isi nofoaga, e mafa ilava ona uunaʻia atu le Skagstein i autafa o le uafu. O le toatele o tagata o nuu e lolofi mai e fua iloa po o ai nei tagata ese, auā o le mea moni lava sa matou lē foliga atu o ni tagata fai faiva ia i latou. Ina ua latou iloa la o matou o Molimau a Ieova o loo ō atu ma le tala lelei mai le Tusi Paia ia i latou, sa masani lava la ona mulimuli ane loa faia ni talanoaga aasa.

Ina ua ufitia atou lenei vaipanoa, sa matou agai atu loa i Tromsø, ma o inā na auai atu ai nisi o i matou i e Tauaofiaga Itumalo o le “Filemu Tauatua.” O le mea moni lava o lenei vaega o le malaga sa avea o se mea e sili ona mataina. O le po le taimi lea, a e sa susulu manaia mia le lai le tuneva o le po i luga aʻe o letafatafaʻilagi. I le itu taumatau, o loo tutū faaautafa ai motu ma tamaʻi motu i le pogisa. I le itu agavale, o loo feilafi mai ai mauga ua ufitia atoa i le kiona. Sa toafilemu ma taaligoligoa mea uma, seʻi vagana ai sina paʻō mai le afi ma si leo mālū o le musika mai la matou leitio. Maeu se siomaga fiafia!

Ina ua uma le Tauaofiaga i Tromso, sa i ai loa sina suiga itiiti i le auvaa. Ona toe faaauau foi lea o le malaga, ma ui atu i Senja ma ui atu ai i faaputuga motu o Vesteralen agai atu i Bodø, ona o ifo ai lea i Brønnøysund, le nuu mulimuli na matou afea. I le tele lava o nofoaga na matou uia, e pei o Rødøy, sa matou feiloai ai ma ni tagata na fai mai, e lei talanoa lava i ni Molimau a Ieova. Sa tele lava ni tausaga ua tea talu mai ona faia ni asiasiga o talaʻiga, a e o lea ua tutupu aʻe nei se isi tupulaga fou.

O se Malaga e Le Mafaagaloina

Matou te taunuu i Bronnnosyund a e ua oo foi i le faaiuga o Aokuso. A o matou toe tepa i tua i vaiaso na faaalu i luga o le Skagstein, ua matou lagona ai o se faigamalaga e lē mafai ona faagaloina. I lenei malaga ua matou faaaluina ai le aofaiga e 880 itula i le talaʻiina o le tala lelei, ma na tufaina atu le 126 tusi ma mekasini e 1,026, e 12 foi tusigana maua mo le Watchtower ma Awake! Na matuā anoano fatu o le Malo ua uma ona luluina i nei vaipanoa ainā o loo tūtū solo.

“O se malologa aupito sili lea ona matagofie na ou maua!” na fai mai ai ma le fiafia se tasi o talavou talaʻi na alu ai i le malaga. Na taufai ioe mai ma le loto i matou uma na faaeaina e ō ai i lenei malaga. Na matou lagona, sa lē gata o se malologa lelei, a e o se tasi o aogā sili ma tauia ai faaleagaga sa lei faapea ona matou faia.

[Faafanua i le itulau 25]

(Tagaʻi i le lomiga mo le ata atoa)

SWEDEN

FINLAND

U.S.S.R.

Brønnøysund

Rødøy

Bodø

NORWAY

Senja

Tromsø

Kvænangen

Sørøya

Rolvsøy

Honningsvåg

Båtsfjord