Sauniga e Fesoasoani ia i Tatou e Faia Soʻo

VAIASO E AMATA IA IANUARI 1

Pese 31 (59)

12 minu: Faasilasilaga masani. Faamatilatila foi, le ofo o Ianuari e pei ona taʻua i lalo o Faasilasilaga. Faailoa igoa o lomiga tuai faa-Peretania o loo iai. Talanoa puupuu faatomuaga e ono faaaogā faatasi ma le Mataupu mo Talanoaga o loo iai.

15 minu: Fesoasoani Lomiga Fou ia i Tatou e Aʻoaʻo Le Tuutoina i le Atua. Lauga aasa e faamalosia uma ai ina ia faamasani atoatoa ma lomiga fou. E ono faaaofia ai se tasi pe lua ni faamatalaga pupuu o le sapaitalia na filifilia mai uso o ē ua faitau ma faaaogāina lomiga.

18 minu: Lauga ua faaulutalaina “Faia Mea Uma Mo le Viiga o le Atua” e se toeaina e faavae i le tusi Our Ministry itulau 135 ma le 136. (Tagai foi: Le Olomatamata faa-Peretania o Me 1, 1986 itu. 18 pala. 12, 13.) Faamamafa le manaoga ia faatapulaa le fua o faatasiga lautele. E tele faafitauli ua iʻu iai ona o le lē taulau ona faatatauina mataupu silisili faale-Tusi Paia i lenei itu. Faalaeiau le faapotopotoga e vaili le Index pe a faia faaiʻuga tau i faatasiga lautele.

Pese 81 (165) ma le tatalo faaiʻu.

VAIASO E AMATA IA IANUARI 8

Pese 9 (26)

5 minu: Faasilasilaga masani ma Faasilasilaga talafeagai mai La Tatou Faiva o le Malo. Faasilasila faatatauga o le auaunaga i le fanua mo le faaiʻuga o le vaiaso.

25 minu: Faamatalaga Faafomaʻi ma le Pepa Faailoga. Ua iai i le failautusi pepa e tufatufaina ma ia iloilo maeʻaeʻa le tusi i Faamatalaga Faafomaʻi o Ianuari 1, 1990, mo tagata talaʻi papatiso ma Pepa Faailoga mo fanau laiti e leʻi papatiso a mātua Molimau. Felafolafoai ma le aofia i le pogai e tatau ai ona mulimuli ma le faaeteete i faatonuga ina ia faia pepa e auauna i se auala e sili ona uigā mo lo tatou puipuiga.

15 minu: “Ia Mataʻala e Ofo Lomiga Faale-Tusi Paia.” Iloiloga o le mataupu i fesili ma tali. Pe a iloiloina le palakalafa 5, faaaofia se faataʻitaʻiga o se tagata talaʻi na ofo e amata se suesuega faale-Tusi Paia i lē ona le fale ua maeʻa ona iai (le) lomiga o loo ofo. Faapea foi, ona faia se faatalanoaga puupuu ma se tagata talaʻi o sē na taulau i le tuuina o tusi ma le amataina o suesuega.

Pese 32 (63) ma le tatalo faaiʻu.

VAIASO E AMATA IA IANUARI 15

Pese 19 (220)

10 minu: Faasilasilaga masani. Tala o le tupe. Faaaofia tali aloaia e le Sosaiete o foai uma e pei ona mātauina i (le) faamatalaga o Tesema. Faamalo i le faapotopotoga mo le lagolagosua faaletino i le galuega o le Malo i lou vaipanoa ma le lalolagi aoao.

20 minu: “Taulimaina o le Tala Lelei—I le Faaaogāina ma le Uigā o Savali.” Fesili ma tali. Pe a iloiloina le palakalafa 5 ma le 6, faaaofia ni faataʻitaʻiga se lua e faaalia ai pe mafai faapefea ona faaaogā (1) Olaga i se Lalolagi Fou Filemu ma (2) Le Pogai e Mafai ai ona E Faatuatua i le Tusi Paia o se vaega o le faatomuaga. E lē manaomia ona faia le taulimaga atoa ae tau ina faataʻitaʻi pe faapefea ona faafesootai i le Mataupu mo Talanoaga. Faamamafa le tāua o le tausolomua i le faaaogāina o savali i so o se avanoa. Faasilasila faatatauga o le auaunaga i le fanua a le faapotopotoga, ma valaaulia uma ia auai.

15 minu: “E Mafai Faapefea Ona Ou Lavatia Omiga a Aumea?” Talanoa faautauta e se toeaina agavaa manatu mai le mataupu e 9 o le tusi Young People Ask ma ni talavou se toalua o ni faaaʻoaʻoga lelei. Faailoa puupuu le malosi o le faanaunauga fia lauiloa ma le fia talia e aumea. E oo lava i tagata matutua ua mafai ona aafia ai. Pe e faigofie mo talavou ona fesagai ma lenei? O faapefea ona latou taulau i lona teena? Faaaogā “Fesili mo Talanoaga” i le itulau e 80 e faamasua mai ai i fafo talavou ma faaalia pe faapefea ona atiina aʻe le malosi e tumau ai i omiga a aumea. Faailoa le sapaitalia mo le faaaʻoaʻoga lelei ua faataatia e talavou i le faapotopotoga. Ua matuā faafiafiaina ai Ieova i a latou amio lelei ma ua faapaiaina ai.—Faata. 27:11.

Pese 22 (41) ma le tatalo faaiʻu.

VAIASO E AMATA IA IANUARI 22

Pese 1 (27)

8 minu: Faasilasilaga masani. Autalu faasologa a le faapotopotoga o le auaunaga i le fanua mo le vaiaso. Faalaeiau uma ē e mafai ia faia ni faatatauga mo le auaunaga mo lenei faaiʻuga o le vaiaso.

12 minu: Oganuu e Seāseā Galueaina. Afai o iai ni oganuu a le faapotopotoga e seāseā galueaina, faalaeiau ia toe ufitia pea na oganuu. Faitau le tusi a le Sosaiete o Ianuari 1, 1990, e uiga i oganuu e seāseā ona galueaina. Fai se faatatauga i lou vaipanoa.

15 minu: “Faaleleia lo Tatou Uigā o ni Faifeau.” Fesili ma tali. Pe a talanoaina le palakalafa 4, faaaofia ni faataʻitaʻiga pupuu se lua o faatomuaga ua fautuaina i le palakalafa 5, 6 i le itulau e 16 o Le Olomatamata faa-Peretania o Iulai 15, 1988, (wSM 1/15/19). E tatau ona avatuina ia i se auala tuusaʻo ma le maumauai.

10 minu: Manaoga o le faapotopotoga po o se lauga “O le ā Lona Uiga ia Avea o se Kerisiano.” E tatau ona faavae lea i le mataupu i le Insight, Tusi 1, itulau 440-441. Faamatilatila le tāua o le mulimuli i le faaaʻoaʻoga a Iesu i le alofa ma le ola faataulaga.

Pese 84 (168) ma le tatalo faaiʻu.

VAIASO E AMATA IA IANUARI 29

Pese 72 (135)

10 minu: Faasilasilaga masani. Tala Faatiokarate. “Faailogaina Maota o le Malo.” Talanoa i le faatatauina i lou vaifale.

15 minu: Manatu autu o le 1990 Yearbook. O se lauga lava saunia i mataupu amata o le 1990 Yearbook. Faatomua fua maoae na olioli ai tagata o Ieova o se iʻuga o le faamanuia a Ieova i la latou auaunaga maelega. A lava le taimi, tala nisi o mea tutupu faalaeiau o aumai ai. E tatau ona uunaia i tatou e lipoti mai o tatou uso i le lalolagi aoao ia auai atoatoa i le auaunaga a Ieova. Faalaeiau uma ia maua aogā mai le faitauina o le Yearbook. Afai e lē taunuu mai le Yearbook i lena taimi, iloilo manatu autu mai Le Olomatamata faa-Peretania o Ianuari 1, 1990, itulau 20-23.

20 minu: “Faatomuaga Uigā.” Iloiloga i fesili ma tali o le mataupu. Faataʻitaʻi faatomuaga ua faaauivi i le palakalafa 5. Faataʻitaʻi foi se faatomuaga se tasi i le tusi Reasoning (itu. 9-15) o le a talafeagai ma la outou oganuu. Faalaeiau uso e tauave ma i latou le tusi Reasoning i le auaunaga i le fanua ma ia faaaogā i le taliina o fesili ma le foia o teteega. Faalaeiau uma ia auai i le auaunaga i le fanua i lenei faaiʻuga o le vaiaso.

Pese 100 (180) ma le tatalo faaiʻu.