Sauniga e Fesoasoani ia i Tatou e Faia Soʻo
VAIASO E AMATA IA MATI 5
Pese 31 (59)
10 minu: Faasilasilaga masani ma Faasilasilaga talafeagai mai La Tatou Faiva o le Malo. Ia mafana ona faamalo i tagata talaʻi o ē ua maeʻa ona iai se sao i le faiva i le fanua i lenei masina, ma faalaeiau uma e auai maelega i le fanua ia Mati. Avatu ni faufautuaga faatino mo le ofoina o mekasini fou i oganuu masani. Faamanatu i tagata talaʻi o le faapotopotoga faatatauga mo le auaunaga i le fanua.
20 minu: “Atiina aʻe le Faatuatua i Folafolaga a le Atua.” Fesili ma tali. Ia faataʻitaʻi e se tagata talaʻi agavaa le taulimaga e faavae i faamatalaga i le palakalafa 5. Talanoaina manatu e talanoa iai mai le tusi ma iloilo mau sii pe a lava le taimi.
15 minu: Toe Taliu e Faagaee Atili le Fiafia. Faalaeiau tagata talaʻi e vave fai toe asiga i ē uma na faaalia le naunau i le tusi Revelation Climax. A maeʻa se talanoaga puupuu o le manaoga e faia toe asiga ma suesuega faale-Tusi Paia ma tagata fiafia, ma se faalaeiau mafana mo tagata uma e toe taliu i mea na faaalia ai le naunau, aaoina se tasi pe lua ni faataʻitaʻiga pupuu e faaalia ai pe faapefea ona faia se toe asiga i le mea na talia ai le tusi.
Pese 100 (180) ma le tatalo faaiʻu.
VAIASO E AMATA IA MATI 12
Pese 25 (151)
7 minu: Faasilasilaga masani. Tala o le tupe, aofia ai talialoaia mai le Sosaiete o so o se meaalofa na auina atu ia Fepuari. Faamalo mafana i le faapotopotoga mo le limafoaʻi e lagolago le galuega o le Malo e ala i a latou foai tau tupe. Autalu faatatauga o le faiva i le fanua a le faapotopotoga, ma faalaeiau tagata talaʻi e galulue ma a latou vaega tofia i le faaiʻuga o le vaiaso. Faamanatu i le faapotopotoga o le a aaoina le lauga faapitoa i le lautele ia Mati 25. Faasino i le faasilasilaga i La Tatou Faiva o le Malo o Ianuari 1990.
10 minu: Pusa Fesili. Lauga a se toeaiina, e ufitia ai faamatalaga i le mataupu. Faaaofia foi, se faasinoga patino i lipine puʻe aupito sili ua saunia e le Sosaiete, ma fesoasoani i uso e tagai pe faapefea ona faaaogāina ia e tagata taitoatasi ma i auaiga Kerisiano.
18 minu: “Ia lē Mapu ona Faaauauina la Tatou Faiva.” Fesili ma tali. Ia faitau e se uso agavaa palakalafa. E mafai e isi i le aofia ona faitauina ma faaopoopo i mau sii. Fai se faatatauga o faamatalaga i le faapotopotoga, e fesoasoani i tagata talaʻi e lavatia faafitauli e fesagai i le oganuu ma tausia se uiga talafeagai. E tatau i tagata uma ona maumauai e auauna ia Ieova ma le maelega seia oo i le iʻuga.
10 minu: Manaoga o le faapotopotoga po o se lauga ma faataʻitaʻiga e faamatilatila ai le tāua o le iloiloina faifai pea o le mau o aso taitasi ma faaopoopoga. Fautuaina pe faapefea ona faia lenei. Faavae le lauga i le faamatalaga i upu amata o le Saili i Tusi i Lea Aso ma Lea Aso—1990.
Pese 72 (135) ma le tatalo faaiʻu.
VAIASO E AMATA IA MATI 19
Pese 74 (139)
10 minu: Faasilasilaga masani. Tala Faatiokarate. Faailoa faatatauga mo le auaunaga i le fanua i le faaiʻuga o le vaiaso. Ofo faufautuga po o a mataupu i mekasini fou atonu e patino ona tosina i tagata i le oganuu masani. Faamanatu i le aofia e aumai le polosiua Aʻoga i le Sauniga o le Auaunaga e sosoo ai.
20 minu: “Se Taimi mo Gaoioiga Faateleina.” Talanoaga i fesili ma tali o le mataupu. Taʻu le numera ua maeʻa ona faamauina o paeonia lagolago mo Aperila ma Me. A talanoaina le palakalafa 5, faasino i le mataupu i La Tatou Faiva o le Malo o Fepuari 1990 “Faatomuaga o Mekasini Iloga.” Autalu puupuu manatu e talanoa ai i le lomiga o Le Olomatamata faa-Peretania o Aperila 1 pe afai ua maua. Ia mafana ona faalaeiau tagata uma e iloiloina avanoa e faateleina ai gaoioiga i le fanua i le sootaga ma le faatatauga o le lauga faapitoa ma le faamanatuina o le Faamanatuga faapea foi ma le vaitaimi o masina uma e lua.
15 minu: “Iloa Lelei i Tatou Lava i le Taimi o le Faamanatuga.” Lauga e faavae i le mataupu i itulau e 15-20 o Le Olomatamata o Fepuari 15, 1990. I nai vaiaso e sosoo ai o le a tatou valaaulia ai ē fiafia e auai i le Faamanatuga. O le ā e mafai ona latou faatalitalia i lena sauniga? Faataatia feuiuiaiga o le Faamanatuga (pala. 4) ona talanoa puupuu lea o le uiga o le areto ma le uaina. Faamatala le faaalia e Ieova i sina toaitiiti faapea ua faauuagagaina i latou ma e tatau ona tagofia faatusa (pala. 20, 21), peitai o le toatele e auai o le a faatasi i ina e maimoaina ae lē tagofia faatusa (pala. 22). Faaiʻu i le faalaeiau o aiga taitasi e suesue mataupu autu e lua i Le Olomatamata o Fepuari 15, 1990 i sauniuniga mo le Faamanatuga ia Aperila 10.
Pese 20 (46) ma le tatalo faaiʻu.
VAIASO E AMATA IA MATI 26
Pese 51 (92)
7 minu: Faasilasilaga masani. Faalaeiau ē uma e mafai ia auai i le auaunaga i le fanua i le faaiʻuga o lenei vaiaso. O le aso muamua o Aperila le Aso Sa ma e amata ai le ofo o le tusiga o Le Olomatamata. O ē uma o le a paeonia lagolago ia Aperila ua tatau ona faatumu tusi talosaga, ia o loo maua mai le ovasia taʻitaʻi. A lava le taimi, fautua ni taulimaga talafeagai mo mekasini fou.
18 minu: “Taulimaina o le Tala Lelei—Ma le Faautauta.” Fesili ma tali. A maeʻa le talanoaina o le palakalafa 3, fai ni faataʻitaʻiga pupuu se lua e faailoa ai pe faapefea ona fetuutuunai le taulimaga i aiaiga o lē ona le fale. E mafai ona taofi le faataʻitaʻiga pe a taulau lea, e masani ā a o faia pe sosoo atu i le faatomuaga.
20 minu: Aiseā le polosiua Aʻoga? E onomea ona taulimaina lenei vaega e se toeaina e lelei faaaʻoaʻoga a fanau i aʻoga maualuga.
(5 minu.) Faatomuaga. Maeu lo tatou olioli uma e mauaina le polosiua Aʻoga i le faa-Samoa. O se mea sa moomoo iai mātua ma fanau. Ua fuafuaina e faatumuina manaoga patino o mātua, fanau ma faiaʻoga i le taulimaina o tulaga e tutasi i Molimau a Ieova ua aafia i aʻoaʻoga masani. Faamatala faapea e ui ina taulai le polosiua i faiaʻoga, o le a fesoasoani foi i Molimau a Ieova e iloaina pe faapefea ona pulea i latou i le sootaga ma gaoioiga a aʻoga. O lea e patino lava ona tāua i Molimau uma ia faamasani i ai ma sapaitalia faamatalaga ua maua i le polosiua i gaoioiga a aʻoga. I lenei auala e mafai ai ona tatou autasi uma i la tatou tapuaiga auā e aafia ai a tatou fanau i aʻoga.
(7 minu.) Talanoaga i fesili ma tali o “Le Mafuaaga mo Lenei Polosiua” i le itulau e 3 o le polosiua. Tofia se uso agavaa e faitauina palakalafa taitasi a o leʻi talanoaina.
(4 minu.) Faataʻitaʻiga. Oo atu le matua ma se tamaitiiti i le faiaʻoga ma aaoina le polosiua. Faaaofia manatu mai le palakalafa 5 i le itulau 30 o le polosiua, faailoa le faanaunauga o le matua ma le tamaitiiti e felagolagomaʻi ma le faiaʻoga ma taualumaga o le aʻoga.
(3 minu.) Faataʻitaʻiga. Aaoina e se tagata aʻoga talavou le polosiua i se faiaʻoga o le aʻoga maualuga, faamatala puupuu le fuafuaga o le polosiua ma mea ua i ai.
(1 minu.) Faaiʻuga. Faalaeiauga puupuu mo mātua ma Molimau i tausaga-aʻoga e faaaogā atoatoa le polosiua Aʻoga.
Pese 96 (71) ma le tatalo faaiʻu.