Sauniga e Fesoasoani ia i Tatou e Faia Soʻo

VAIASO E AMATA IA APERILA 1

Pese 8 (34)

10 minu: Faasilasilaga masani ma Faasilasilaga e filifilia mai La Tatou Faiva o le Malo. Iloilo manatu tāua o le Faamanatuga, le aofai o ē fou na auai, ma le mea e mafai ona faia i lenei vaiaso e faalaeiau ai ia faatasi ane i le lauga faapitoa, “Le Faatasi mai o le Mesia ma Lana Pule,” ia Aperial 7. Autalu faatatauga o le auaunaga i le fanua mo le vaiaso. Autalu puupuu ma le faapotopotoga faatonuga i le Auala e Faafoe Lelei ai Tusiga (S(d)-11).

15 minu: “Faataunuuina La Tatou Faiva o le Malo i le Faapotopotoga.” O se lauga e mulimuli mai ai se faataʻitaʻiga lava saunia o loo faamatala e se taʻitaʻi o le suesuega tau tusi i se ulugalii faaipoipo le auala e mafai ai ona faaaogā le Index e sailia ai faamatalaga i le pogai ma le taimi e faia ai e tuafafine se ufi ulu.

20 minu: Mataupu fou mo Talanoaga. Talanoaina le Mataupu fou ma le aofia. Ia iloilo foi, manatu eseese e talanoa i ai mai lomiga fou o Le Olomatamata. Faalaeiau uso e manatunatu loloto i tagata o ē ua faaalia le naunau moni i le lomiga ma atonu e fiafia e maua se tusiga. Ia faia e se tagata talaʻi lava saunia le taulimaga o loo mulimuli mai. “Talofa. O loʻu igoa o ______. Ua ou faia se asiasiga puupuu ona o loo ou fia siligia oe i se fesili. E te manatu ea o le a oo mai se filemu e faavavau i le taimi o loo tatou ola ai? [Faataga mo se tali.] Afai o le a tatou faatusatusaina ma mea ua tuanai, o le a lē tele la se faavae mo se faamoemoe. Ae matau le mea na valoia mo o tatou aso i le Luka 21. [Faitau fuaiupu 10,11,26.] O tulaga ia na mapuna aʻe talu mai le Taua I a le Lalolagi. Peitai, ua lē tuua ai i tatou e aunoa ma se faamoemoe. O tulaga moni a na o loo matuā faasoesa i le fanau a tagata e faamaonia ai faapea ua toeitiiti ona faamamāina lea e le Malo o le Atua le lalolagi ma aumaia ai le filemu e faavavau. O le mea lenei ua faaauau ona faapea mai ai Iesu i fuaiupu e 28 ma le 31. [Faitau mau.] O lea o ia tulaga faanoanoa ma le faalotovaivai o ni faamaoniga moni na e iloa ai ua toeitiiti oo mai se suiga matagofie. Pe lē o se tala lelei ea lena? [Faataga mo se tali.] Ua faaalia i lenei mataupu o Le Olomatamata [filifili se palakalafa talafeagai po o se ata] nisi o suiga ua toeitiiti oo mai, ma le auala e mafai ai ona e ola ma lou aiga ina ia olioli ai. Afai e te manao e faitau lenei faamatalaga, ou te fiafia e tuua mekasini ia o Le Olomatamata ma le Awake! mo oe.” E mafai ona filifili le tagata talaʻi pe ao ona ofoina le tusiga, e faalagolago i le naunau ua faaalia. E masani a, e lelei tele ona faia lenei mea i se toe asiga pe a maeʻa ona faamautinoa po ua faitau e le tagata o le aiga uluai kopi sa tuu ia te ia. E mafai foi ona taʻua e le tagata talaʻi le aofaiga o gagana ua lomia ai mekasini ma le faalauteleina i le kelope o la tatou galuega. O a tatou taumafaiga tauofo ua galue lea mo le siitiaina o aʻoaʻoga faale-Tusi Paia. A maua le avanoa ma e talafeagai, faamatala puupuu i lē ona le fale le auala o loo tauaveina ai le galuega i le lalolagi aoao ma ua lagolagoina i foai faamealofa. Faaiʻu lenei vaega i le faalaeiauina o tagata uma ia faaaogā le Mataupu fou mo Talanoaga.

Pese 80 (146) ma le tatalo faaiʻu.

VAIASO E AMATA IA APERILA 8

Pese 89 (162)

5 minu: Faasilasilaga masani ma Tala Faatiokarate.

15 minu: “Taulimaina o le Tala Lelei—Ia Uigā Atili e Ala i le Faalogologo.” Talanoaga o le mataupu i fesili ma tali. A iloiloina le palakalafa 4, faataʻitaʻi le auala na misia ai e le tagata talaʻi se avanoa lelei e maua ai se talanoaga manaia ona o le lē mataalia i faamatalaga a lē ona le fale i mataupu e faatatau ia te ia. Fesili i le aofia pe sa ono mafai faapefea ona faafoeina. Mulimuli ane, ia toe faia e le tagata talaʻi lava lea e tasi le faataʻitaʻiga, ae i le taimi lenei ia faaali mai le auala e ao ona faatino tonu ai le atiina aʻe o se talanoaga lelei ma lē ona le fale.

25 minu: “Selesele e Tusa ma le Tatou Taumafaiga Totino.” Lauga ma se talanoaga e faavae i le mataupu o le sulu. Ia taulimaina e se toeaina. Faia se faatatauga o le mataupu i le faapotopotoga. E mafai ona faitau palakalafa ma mau sii pe a lava le taimi.

Pese 27 (53) ma le tatalo faaiʻu.

VAIASO E AMATA IA APERILA 15

Pese 5 (28)

10 minu: Faasilasilaga masani ma le tala o le tupe. Aofia ai le faaleoga o le sapaitalia e le Sosaiete o le lagolagosua tau tupe mo le galuega i le lalolagi aoao. Faamālō i uso mo le lagolagosua alofa i manaoga o le faapotopotoga.

15 minu: “Faaalaeiau Isi e Faitau Le Olomatamata.” Lauga aasa e mulimuli mai ai ni faamatalaga pupuu se lua pe tolu ua saunia mai e ni tagata talaʻi e taʻua ai le pogai ua latou talisapaia ai Le Olomatamata ma e faapefea ona latou maua aogā mai le faitauina e lē aunoa.

20 minu: “Amata ma Faaiʻu Sauniga i le Taimi Tonu.” Talanoaga i fesili ma tali. Faitau uma palakalafa.

Pese 65 (38) ma le tatalo faaiʻu.

VAIASO E AMATA IA APERILA 22

Pese 99 (118)

10 minu: Faasilasilaga masani. Autalu faatatauga mo le faamamāina o le Maota o le Malo. Fesoasoani i uso e talisapaia le manaoga mo le felagolagomaʻi i le tausia o le nofoaga o le tapuaiga a Ieova ia mamā.—Mo ni faamatalaga faaopoopo vaai le mataupu “E Te Faaaloalo i Lou Maota o le Malo?” i le itulau 7 o La Tatou Faiva o le Malo o Aokuso 1989.

15 minu: “Ia Faaaogā Tatau a Tatou Lomiga.” Ufitia i fesili ma tali. Faia ni faataʻitaʻiga se lua e faaalia ai pe faapefea ona faamautinoa ua naunau moni lē ona le fale a o leʻi ofoina i ai se lomiga.

10 minu: Le Galuega a le Au Tautua. Faatalanoa le uso e ovasia i le au tautua. Iloilo o latou tiute ma e mafai faapefea ona felagolagomaʻi le faapotopotoga ma le au tautua. (Vaai le Organized to Accomplish Our Ministry, itulau 63-64, ma La Tatou Faiva o le Malo, Tesema 1989, itulau 7.) Ia taʻua faapea i nisi taimi e mafai ai e le au tautua ona logo mātua i le manaoga ia faaitiitia le faasoesa ua faia e a latou fanau. E vaavaaia foi e le au tautua le nofo lelei ma le maopoopo ia tatou sauniga, faitau i latou o loo auai, fesoasoani i ē matutuā ma ē lē atoatoa le malosi e ave i nofoa, atoa ma isi mea.

10 minu: Faaaogāina o Sāvali i le Faiva. Faailoa i uso sāvali eseese o loo maua, ma talanoaina ni auala eseese e mafai ona faaaogā ai. Tuu i le aofia e taʻu mai pe faapefea ona latou faaaogāina sāvali ma e ono faamatalaina foi ni mea na tutupu ia i latou. Ia Ianuari sa tatou talanoaina ai le auala e ono faaaogā ai sāvali e amata ai ni suesuega. Faamatala mai ni mea na tutupu o ni taunuuga o lenei faafeiloaiga. Vaai foi le ulutala i le Index “Sāvali” mo le sailia o isi mea na tutupu i lo latou faaaogāina.

Pese 57 (107) ma le tatalo faaiʻu.

VAIASO E AMATA IA APERILA 29

Pese 73 (157)

5 minu: Faasilasilaga masani.

15 minu: Faaaogā ia Paleni Taimi Paganoa. Faatalanoa nisi o le autalavou e uiga i taimi paganoa. Faaaogā manatu mai le tusi Young People Ask, mataupu 35 e oo i le 37. E mafai ona fesili faapea le uso o loo taulimaina le faatalanoaga: Aiseā e manaomia ai ona e filifilia lelei mea e te faitauina? E mafai faapefea ona e filifilia mataupu talafeagai e faitauina? O ā nisi o aafiaga e ono faaleagaina ai i le matamata Televise, ma e mafai faapefea ona puleaina? Aiseā e te lē o misia ai so o se mea e ala i le lē faataʻitaʻi i talavou o le lalolagi? Aiseā e mataʻutia ai le faataʻitaʻi ia i latou? O ā nisi o auala ua e iloa e olioli ai i evaevaga tausaafia? Aiseā e manaomia ai ona tatou paleni i lenei itu?

15 minu: Talaʻi i lea Fale ma lea Fale. Lauga aasa ma le faamalosiau e faavae i le Organized to Accomplish Our Ministry, itulau 84-87. Faia se faatatauga i le faapotopotoga, toe fagufagu i ai fuafuaga ua faia e le faapotopotoga mo le molimau atu i vaega i lea fale ma lea fale. Faaalia le tāua o le toleniina o tagata talaʻi fou ia uigā i le faiva i lea fale ma lea fale.

10 munu: Manaoga o le faapotopotoga po o se lauga i le “O Lē Fea Atua e Ao ona E Tapuaia?” i itulau 5-7 o Le Olomatamata o Aperila 1, 1991.

Pese 38 (67) ma le tatalo faaiʻu.