Sauniga o le Auaunaga mo Novema

Vaiaso e Amata ia Novema 4

Pese 100 (180)

10 minu: Faasilasilaga masani ma Faasilasilaga e filifilia mai La Tatou Faiva o le Malo. “Tumutumuga Fou Matagofie ia Aokuso!” Faamatilatila ni mataupu i mekasini o loo iai atonu e faaaogā i le galuega mekasini i le Aso Toonai nei

20 minu: “Taulimaina ma le Tomai le Afioga o le Upu Moni.” Ufitia le mataupu i fesili ma tali. Faamatilatila le manaoga ia faaaogā le Tusi Paia i lea fale ma lea fale. A maeʻa le talanoaina o le palakalafa 5, ona faataʻitaʻi puupuu lea o le auala e ofo ai le polosiua “Faauta!” faatasi ma le Mataupu mo Talanoaga.

15 minu: “Pe Mafai ona E Fiafia i le Tele o Mea e Fai?” Lauga faalaeiau i le mataupu o loo aumaia i le Olomatamata o Oketopa 15, 1991, itulau 22-24.

Pese 20 (46) ma le tatalo faaiʻu.

Vaiaso e Amata ia Novema 11

Pese 87 (103)

10 Minu: Faasilasilaga masani. “Se Upu Talisapaia.” Faalaeiau le paeonia lagolago ia Tesema.

25 minu: “Taulimaina o le Tala Lelei—Ofoina o Suesuega Faale-Tusi Paia i Aiga.” Ufitia i fesili ma tali. Ia faataʻitaʻi e se tagata talaʻi agavaa le auala e ono amata ai se suesuega faale-Tusi Paia ma se tagata o lē na faaalia le naunau i le ofo o le polosiua. Faalaeiau uso ina ia toe asia lē na faaalia le naunau, e tusa pe na tuu ai se lomiga pe leai.

10 minu: Pusa Fesili. Talanoaina e se toeaina manatu ma le aofia. Faamanatu i le faapotopotoga ina ia autalu e lē aunoa taʻiala na aumaia talu ai nei i La Tatou Faiva o le Malo ina ia mafai ai e tagata uma ona tautala atu i le manatu e tasi.

Pese 110 (212) ma le tatalo faaiʻu.

Vaiaso e Amata ia Novema 18

Pese 81 (165)

10 minu: Faasilasilaga masani, tala o le tupe, ma le talialoaia a le Sosaiete o foai. Faamālō i uso mo lo latou sao i le foai atu.

20 minu: “Faatatauga o le Suesuega Tau Tusi a le Faapotopotoga—Vaega 5.” Talanoaga i fesili ma tali e faafoeina e le ovasia o le auaunaga. Fesili mo ni faamatalaga i le auala ua aogā ai i nisi lenei sauniuniga, pe faatalanoa se toatasi pe toalua o ē na fesoasoania e ala i lenei asiasiga a le ovasia o le auaunaga.

15 minu: Manaoga o le faapotopotoga po o “Lipoti a Ē Faalauiloa le Malo.” Lauga. Faasino i mea tutupu o loo iai i lenei vala o Le Olomatamata e faaalia ai iʻuga e sili ona malolosi ua faia e le Tusi Paia i olaga o tagata. E mafai ona faaaofia ai lipoti o loo i lomiga faa-Peretania o Aperila 1, 1991, ma Oketopa 1, 1991.

Pese 24 (51) ma le tatalo faaiʻu.

Vaiaso e Amata ia Novema 25

Pese 46 (105)

10 minu: Faasilasilaga masani. Tala Faatiokarate. Faalaeiau tagata uma ina ia auai i le auaunaga i le fanua i le Aso Sa, Tesema 1. Faamanatu i uso ina ia ave se sapalai o Laʻu Tusi o Tala o Le Tusi Paia.

20 minu: “Auai ma le Loto Atoa i le Faiva i le Fanua—Vaega 5.” Talanoaga i fesili ma tali i le mataupu faaiʻu o le faasologa. Faalaeiau mafana tagata uma ina ia mulimuli i faufautuaga na aumaia. A lava le taimi, faaaofia ai se faatalanoaga o se tagata talaʻi maelega po o se paeonia o lē e mafai ona faamatalaina mai aogā totino sa olioli ai i le faia o se sao atoatoa i le faiva.

15 minu: Ofoina o Laʻu Tusi o Tala o Le Tusi Paia. A maeʻa ona faailoa atu oe, e mafai ona e faapea atu: “Afai tatou te fesili, po o ai le tagata silisili o ē na soifua mai, e eseese tali o le a tatou maua. I tagata uma lava o ē na taʻua faapea e silisili i le talafaasolopito, e leai se tasi ua ia taaʻina olaga o le toatele o le fanau tagata i se auala e sili atu ona malosi e pei o Iesu Keriso. Ua ao ai la ona tatou matuā mulimuli i lana faaaʻoaʻoga. Tagai foi i le mea na fai mai ai lona soʻo o Peteru e uiga ia te ia. [Faitau 1 Peteru 2:21.] Ua faamanino lelei mai e Iesu lava ia le pogai e tāua ai ona tatou usiusitai ia te ia. E na o Iesu lava e ala atu ai le tapuaiga moni i le Tamā, e pei ona ia fetalai ai i le Ioane 14:6. [Faitau.] O le ā le tele o lo tatou iloa e uiga ia Iesu o se tagata? O ā mea sa ia aʻoaʻoina? O le ā le auala sa ia soifua ai ma tausia isi tagata? O lenei tusi, Laʻu Tusi o Tala o Le Tusi Paia, o le a taliina na fesili atoa ma le tele o isi. Afai e faaalia le naunau moni, e mafai ona e faapea atu: “Ou te manao e ave ma oe lenei kopi totino, ou te iloa o le a e fiafia i ai. Afai e te naunau e faitau, e mafai ona tuu ma oe.” Atonu e maofa lē ona le fale i le mea moni faapea o loo ua saunia foi Laʻu Tusi o Tala o Le Tusi Paia i le tele o isi gagana.

Pese 118 (205) ma le tatalo faaiʻu.