Sauniga o le Auaunaga mo Tesema

Vaiaso e Amata ia Tesema 2

Pese 84 (168)

15 Minu: Faasilasilaga masani ma Faasilasilaga e filifilia mai La Tatou Faiva o le Malo. Talanoaina le “Saunia e le Aʻoga o le Faiva o le Malo Aʻoaʻoga Faatiokarate” ma le “Lipoti o le Tauaofiaga Itumalo o ‘Ē Alolofa i le Saolotoga.’” Ia taʻua ni manatu patino mai mekasini o loo iai e mafai ona faatomua i le auaunaga i le fanua. Faalaeiau le lagolagosua mo le galuega mekasini i le Aso Toonai.

18 minu: “Le Tagata Silisili o Ē Uma na Soifua Mai.” Iloiloga i fesili ma tali. A talanoaina le palakalafa 4, ia faatulaga se faataʻitaʻiga puupuu e faaalia ai pe faapefea ona ofo le tusi. Faamamafa le tāua o le faamasani ma le lomiga. Afai e faaaogā le ofo o sui aʻi, ia faaalia pe faapefea ona faatomua Laʻu Tusi o Tala o Le Tusi Paia.

12 minu: Manaoga o le faapotopotoga po o le “Pe E te Faafitia Faanaunauga Agasala?” Lauga e faavae i Le Olomatamata o Tesema 15,1991, itulau 29-31), (faa-Peretania Aokuso 15,1991, itulau 29-31).

Pese 57 (107) ma le tatalo faaiʻu

Vaiaso e Amata ia Tesema 9

Pese 90 (166)

5 minu: Faasilasilaga masani. Faaaofia ai Tala Faatiokarate.

25 minu: “Taulimaina o le Tala Lelei—Faaaogāina o le The Greatest Man Who Ever Lived.” Ia taulimaina o se talanoaga e auai le aofia. Faia ni faataʻitaʻiga se lua. E ao i le faataʻitaʻiga muamua ona faaaogā ai le taulimaga o loo i le palakalafa 3 ma ofo ai le lomiga fou. O le faataʻitaʻiga lona lua e ao ona faaaogā ai le taulimaga lava lea e tasi, peitai ia ofo le tusi, Laʻu Tusi o Tala o Le Tusi Paia.

15 minu: Pusa Fesili. Ia taulimaina e se toeaina. Faamamafa le pogai e ao ai ona manatu mamafa i a tatou amio i le papatisoga ma le auala e atagia ai ia Ieova ma le feau o le Malo.

Pese 112 (207) ma le tatalo faaiʻu.

Vaiaso e Amata ia Tesema 16

Pese 111 (206)

10 minu: Faasilasilaga masani. Faaaofia ai le tala o le tupe faatasi ma le talialoaia a le Sosaiete o meaalofa mai le faapotopotoga. Faailoa atu faatatauga a le faapotopotoga mo le molimau atu i aso malōlō.

20 minu: “Faaauau ona Pisi i le Auaunaga a Ieova.” Talanoaga i fesili ma tali. Faataʻitaʻiga ma se aiga e toafā ona sui. I le faaaogāina o le kalena 1992, ia talanoa e le tamā ma le aiga la latou faasologa o le taimi ia Ianuari. Na te iloiloina aso e faataatia ese mo le auaunaga i le fanua ma le auala la te galulue ai ma sui taitasi o le aiga.

15 minu: “Paeonia—O se Auaunaga e Aumaia ai Taui Faaʻoaina.” Iloiloga i fesili ma tali. Faatalanoa ni paeonia se toalua. O ā toʻatugā sa manaomia ona la foia ina ia ulu atu ai i le auaunaga paeonia? O le ā sa uunaia ai i laua e paeonia? O le ā ua fesoasoani ia i laua e faataulauina ai la la paeonia? Faalaeiau tagata uma ina ia iloilo faatasi ma le tatalo o latou lava tulaga.

Pese 9 (26) ma le tatalo faaiʻu.

Vaiaso e Amata ia Tesema 23

Pese 81 (165)

10 minu: Faasilasilaga masani. Faataʻitaʻi ni taulimaga o mekasini o loo i ai. Faailoa mai pe faapefea ona faamautinoa pe ua naunau moni lē ona le fale a o leʻi ofoina i ai mekasini. Talanoaina le mea e mafai ona fai pe afai e lē faaalia le naunau moni.

20 minu: “Auai i le Faatelega o le Malo.” Talanoaga i fesili ma tali o le mataupu o loo i le sulu. Faaofi i ai ma ni faamatalaga pupuu mai uso e uiga i lo latou talisapaia o lomiga a le Sosaiete ua aogā patino ia i latou, pe mafai foi ona faamatala mai ni mea pupuu na tutupu e uiga i le faaaogāina o lomiga i le auaunaga i le fanua. E mafai ona valaaulia tagata talaʻi o ē ua galulue i le fanua o le lala fou i Siusega e faamatala puupuu atu lo latou talisapaia o le galuega o loo faia ai i inā. E ao ona faaaogā na o faamatalaga moni.

15 minu: “Faitau ina ia Faalautele ai Lou Iloa.” Ia taulimaina e le ovasia o le Aʻoga o le Faiva Faatiokarate. Lauga e faavae i le Awake!, Iulai 22, 1991, itulau 25-27, e faamamafa ai le manaoga ia avea ma tagata e lelei faitau. Fesoasoani i le aofia ina ia talisapaia faapea e lē lava le tau ina solo lelei o le faitau; e tatau ona tatou atiina aʻe se malamalamaga lelei.

Pese 82 (152) ma le tatalo faaiʻu.