Le Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Ianuari 6 e oo ia Aperila 20, 1992. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.

[Matau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga taitasi o loo i lalo i le Saʻo pe Sese:

1. I lalo o le Tulafono faa-Mose, sa tutusa lava le faavae na iloiloina ai agasala uma lava ma tagata agasala. [si itu. 29 pala. 34 (lomiga 1983, itu. 29 pala. 34)]

2. O le igoa o Numera e faatatau i le faitauina o tagata i le Mauga o Sinai ma mulimuli ane ai i Fanua Laugatasi o Moapi. [si itu. 30 pala. 2 (itu. 30 pala. 2)]

3. E ui ina avea Numera ma faaaʻoaʻoga lelei o le faamaoni aʻiaʻi, ae sa ufiufi e Mose ona lava masei. [si itu. 31 pala. 7 (itu. 31 pala. 7)]

4. I lalo o le feagaiga o le Tulafono, sa manaomia ai pea e le agasala se taulaga mo le togisala, se taʻutinoga, le salamō, ma le faia o ni faaleleiga i le tele e mafai ai. [si itu. 29 pala. 32 (itu. 29 pala. 32)]

5. O le ‘faamalaiaina i lumamea’ sa avea moni o se faalumaina. (Levi. 5:1) [Faitau Tusi Paia faalevaiaso; vaai w 8/1/88 itu. 10.]

6. O le ofoina atu e le faitaulaga sili o se povi poʻa taanoa e fai ma taulaga mo le agasala “mo ia lava, atoa ma lona lava aiga” na faaataina ai le taulaga a Iesu ua aogā mo “lona lava aiga” o faitaulaga lagolago. (Levi. 16:6) [Faitau Tusi Paia faalevaiaso; vaai w-E 3/1/87 itu. 28.]

7. E lē taitai ona talafeagai le totogi e se uso o ni tupe tului. (Levi. 25:35-37) [Faitau Tusi Paia faalevaiaso; vaai w-E 2/15/84 itu. 30.]

8. O tulafono e uiga i le faamamāina o lepela ma fale ua aafia ai, e atagia ai le popole i siama o faamaʻi ma le puipui faasaga i le faasalalauina. (Levi., mata. 14) [Faitau Tusi Paia faalevaiaso; vaai g 9/22/81 itu. 25.]

9. I le va po o luga aʻe o kerupi o loo i le ufiufi o le atolaau o le feagaiga, na aliali mai ai se malamalama Sekina faavavega o se faatusa o le afio ai o le Atua i le Mea Silisili ona Paia. (Nu. 7:89) [Faitau Tusi Paia faalevaiaso; vaai kj itu. 165.]

10. Sa tatau ona faia e tagata Isaraelu “tuupao” i o latou ofu talaloa ina ia aua ai neʻi tutusa ma tagata Moapi, ma tagata Aikupito, po o isi ma faamanatu atu ai sa ese i latou. (Nu. 15:38-40) [Faitau Tusi Paia faalevaiaso; vaai w-E 10/15/83 itu. 20.]

Tali fesili ua i lalo:

11. Ua faapefea ona faapaiaina e Levitiko le suafa o Ieova? [si itu. 26 pala. 9 (itu. 26 pala. 9)]

12. O le ā le galuega faafaitaulaga o le a faataunuuina e le Faitaulaga Sili, o Iesu Keriso, ma ana faitaulaga lagolago i le Pulega o le Afe Tausaga? [si itu. 30 pala. 39 (itu. 30 pala. 39)]

13. O le ā ua faamanatu mai i auauna a Ieova i aso nei e le faasāina ona ʻaina o le gaʻo? (Levi. 3:17) [Faitau Tusi Paia faalevaiaso; vaai w-E 2/15/84 itu. 29.]

14. O le ā atonu sa aofia ai i le agasala a Natapu ma Aviu? (Levi. 10:1, 2) [Faitau Tusi Paia faalevaiaso; vaai w-E 2/15/84 itu. 29.]

15. Aiseā na avea ai le fanautama o se mea e “leaga” ai le fafine? (Levi. 12:2, 5) [Faitau Tusi Paia faalevaiaso; vaai w-E 2/15/84 itu. 29.]

16. Aiseā na fuafuaina ai se faasalaga ogoogo mo so o se tasi e ‘fetuu’ i ona mātua? (Levi. 20:9) [Faitau Tusi Paia faalevaiaso; vaai w-E 2/15/84 itu. 29-30.]

17. O le ā le uiga o le ‘tao e fafine e toasefulu o meaʻai i le ogaumu e tasi’? (Levi. 26:26) [Faitau Tusi Paia faalevaiaso; vaai w-E 2/15/84 itu. 30.]

18. Aiseā na tautala faasagatau ai Miriama ia Mose ona o lana avā mai Kuso? (Nu. 12:1) [Faitau Tusi Paia faalevaiaso; vaai w-E 4/15/84 itu. 29.]

19. O le ā le mea moni tāua sa lē amanaia e Koru? (Nu. 16:1-3) [Faitau Tusi Paia faalevaiaso; vaai w-E 11/15/78 itu. 14.]

Avane le upu po o le faaupuga manaomia e faauma ai faamatalaga taitasi o loo i lalo:

20. Na tusia e Mose Levitiko i le tausaga ․․․․․․․. [si itu. 25 pala. 4 (itu. 25 pala. 4)]

21. O le matua o loo taaofaia atoa e Levitiko o le․․․․․․․, lea o loo taʻua ai lenei mea manaomia na i lo se isi lava tusi o le Tusi Paia. [si itu. 26 pala. 9 (itu. 26 pala. 9)]

22. O faataunuuga o le tele o ituaiga o valoaga i le Levitiko o loo faamatalaina i le tusi o ․․․․․․․. [si itu. 29 pala. 37 (itu. 29 pala. 37)]

23. Ua aofia i le tusi o Numera le vaitaimi mai le ․․․․․․․ e oo i le ․․․․․․․ T.L.M. [si itu. 30 pala. 4 (itu. 30 pala. 4)]

24. I le tusi o Numera, ua faaaogāina le ala lē usiusitai ma le fouvale o Isaraelu e faamamafa ai le matuā tāua o le manaoga ․․․․․․․. [si itu. 31 pala. 9 (itu. 31 pala. 9)]

25. O tulafono o loo i le Levitiko e uiga i ․․․․․․․, ua faaalia ai le poto o mea moni sa lē talisapaia e tagata faivailaau faalelalolagi seia oo i le faitau afe o tausaga mulimuli ane. [si itu. 26 pala. 7 (itu. 26 pala. 7)]

Fili le tali saʻo mai faamatalaga taitasi o loo i lalo:

26. Ua aofia i le tusi o Levitiko (tausaga e 40; tasi le tausaga, tasi le masina). [si itu. 25 pala. 3 (itu. 25 pala. 3)]

27. Na faamaeʻaina e Mose le tusi o Numera i le tausaga e (1513; 1512; 1473) T.L.M. [si itu. 30 pala. 4 (itu. 30 pala. 4)]

28. O le ‘puapuagatia o le solu’ e foliga mai sa faatatau i le (anapogi; fasi o le tagata lava ia; aloese mai so o se gaoioiga faamalosi tino). (Levi. 16:29) [Faitau Tusi Paia faalevaiaso; vaai w-E 2/15/84 itu. 29.]

29. O le ‘paʻū ese’ o le ogavae o se fafine sa faauiga moni faapea (o le a faamaamulu e auauna ia Ieova; ua lē toe aogā lona ogavae; o le a pepē ona totoga faafanautama, e lē mafai ai ona toe fanau. (Nu. 5:21) [Faitau Tusi Paia faalevaiaso; vaai w-E 4/15/84 itu. 29.]

30. O “le tusi o taua a Ieova,” o (mataupu faaaposetate; faamaumauga maufaatuatuaina o talafaasolopito; o tala lē moni e uiga i tala o le Tusi Paia). (Nu. 21:14, 15) [Faitau Tusi Paia faalevaiaso; vaai w-E 4/15/84 itu. 30.]

Faafetaui mau o loo mulimuli mai i faamatalaga ua lisiina i lalo:

Levi. 2:11, 12; Levi. 17:10-14; Levi. 19:32; Num. 15:30, 31; Epe. 13:11

31. Ona e paia le toto, e lē mafai ai ona tui i le tino i so o se ituaiga o faiga. [si itu. 29 pala. 33 (itu. 29 pala. 33)]

32. I le Aso o le Togisala sa ave ai tino mamate o manu na osi ai le taulaga mo agasala i tua o le toagalauapi ma susunu ai. [si itu. 29 pala. 38 (itu. 29 pala. 38)]

33. Afai o le “meli” e mai le sua o fualaau, e mafai la ona faafefeteina, ma e lē mafai ai ona taliaina mo taulaga. [Faitau Tusi Paia faalevaiaso; vaai w-E 2/15/84 itu. 29.]

34. Sa avea le faaaloalo mo ē matutua o se aiaiga faaleatunuu i Isaraelu. [Faitau Tusi Paia faalevaiaso; vaai w 6/1/88 itu. 5.]

35. O ē solia ma le loto i ai, ma le lē salamō le tulafono a le Atua, sa fasiotia. [Faitau Tusi Paia faalevaiaso; vaai w 8/15/91 itu. 11.]