Tala Faatiokarate

Samoa i Sisifo: Sa faamaeʻaina ia Mati le faletaavale mo la tatou lālā fou ma ua saunia foi e api ai tagata faufale e 28, o ē o loo nonofo ai nei i inā. O loo lelei pea le agaʻigaʻi i luma o le fausiaina o auala taavale ma le pa, ma o loo faia nei sauniuniga ina ia amata ai ona galulue i le fale tele o le Peteli.

Haiti: Na faafoeina e tagata talaʻi e 7,209, na lipoti mai ia Novema, ni suesuega faale-Tusi Paia e 14,281. O le tuu faatatau o suesuega faale-Tusi Paia a tagata talaʻi taitoatasi a le faapotopotoga e 1.3.

Martinique: O se tumutumuga fou o tagata talaʻi e 3,169 sa ausia ia Novema. Sa auai le 5,046 i le lauga a le ovasia o le sone.

Tāiti: Na ausia se tumutumuga fou o tagata talaʻi e 1,366 ia Novema mo se faatelega e 10 pasene.

Taialani: Na lipotia mai se tumutumuga fou o tagata talaʻi e 1,232 ia Novema, e 6 pasene ua sili atu ai i le masina lava lea e tasi o le tausaga ua mavae.

Zaire: Sa faavevesia le masina o Oketopa i fouvalega ma fetauaiga i le tele o aai. E ui i ni faigata tau tamaoaiga, ae o loo toʻaaga pea uso e talaʻi le tala lelei. Sa faatūina i Kinshasa se polokalama faanatinati e auina atu ai meaʻai e fesoasoani ai i o tatou uso; na matuā talisapaia lava e i latou lenei fesoasoani.

St. Lusia: Na ausia se tumutumuga fou o tagata talaʻi e 481 ia Novema.