Tala Faatiokarate

Anitenitina: Na ausia se tumutumuga fou faalausosoo e 98,601 o le au talaʻi ia Fepuari. I lena lava masina, na papatiso ai ni soʻo fou se 507.

Benin: Na lipotia ia Fepuari se tumutumuga fou e 2,967 o le au talaʻi. Pe a faatusatusa i le galuega o le tausaga ua teʻa, ua siitia ai le faatatauga o le au talaʻi i le 13.8 pasene, o itula i le 6.1 pasene, o mekasini na tufaina atu i le 40.6 pasene, ma suesuega faale-Tusi Paia i le 25.1 pasene.

Ekutoa: Na lipotia e le au talaʻi e 23,176 la latou galuega i le fanua ia Fepuari, ma faia ni suesuega faale-Tusi Paia e 42,219 i aiga. E 2,180 le faatelega o le au talaʻi ma suesuega faale-Tusi Paia e 3,183, ua silia ai na i lo Fepuari o le tausaga ua teʻa.

Aialani: Na ausia le lona 59 o tumutumuga lē motusia o le au talaʻi ia Fepuari, ma e toʻa 4,093 na lipoti atu. Ua mautinoa mai le lelei o se tuputupu aʻe i le lumanai, i se tumutumuga fou e 2,682 suesuega faale-Tusi Paia i aiga ua faia.

Peru: Ia Fepuari, na lipotia mai ai e le au talaʻi e 43,366 i Peru ni toe asiga e 369,437, ma suesuega faale-Tusi Paia i aiga e 68,090. Na faapaiaina le Maota Fono fou sa fausia i Lima, ma e toʻa 21,240 na auai.

Tāiti: Na ausia ia Fepuari le 13 pasene o le faatelega o le au talaʻi, ma e toʻa 1,604 na lipoti atu. O le tumutumuga lē motusia lona 64 lenei o le au talaʻi i Tāiti.

Sāʻia: E ui i toatuga i le tamaoaiga ma polotiki i lea atunuu, ae na lipotia mai e uso se tumutumuga fou e 71,098 o le au talaʻi ia Fepuari. O se faatelega lea e 9 pasene ua sili atu ai i lo o le faatatauga o le tausaga ua teʻa. E tusa ma le 16.8 le faatatauga o itula a tagata talaʻi o le faapotopotoga i le auaunaga i le fanua. Ua silia nei i le 6,000 paeonia sauatoa i Sāʻia.

Na lipotia mai ni tumutumuga fou o tagata talaʻi ia Fepuari, i Aruba, Guadeloupe, Martinique, St. Kitts, ma Virgin Islands i le Iunaite Setete e iai uma i le atu Karipiane.