Sauniga mo le Auaunaga ia Novema
Vaiaso e Amata ia Novema 4
Pese 3 (32)
10 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo. Talanoa i le lipoti o le auaunaga i le fanua ia Aokuso mo le atunuu atoa ma le lipoti a le faapotopotoga lava ia.
15 minu: “Po o E Vaevaetonuina le Afioga a le Atua?” Fesili ma tali. Ia faaaofia ai faamatalaga e faatatau i “Mafuaaga e talanoaina ai le Tusi Paia,” mai le tusi Reasoning, itulau e 58-60.
20 minu: “O le Ola e Faavavau Foi Lenei.” (Palakalafa e 1-5) Pe a uma ni upu tomua pupuu mai le palakalafa 1, ona faataitai lea e ni tagata talaʻi agavaa se toalua ni taulimaga i le palakalafa e 2-5. Ia aofia ai le faamanatu atu o le fuafuaga mo foai tauofo pe a tuua lomiga. Ia faamamafa le sini o le amataina o se suesuega faale-Tusi Paia.
Pese 25 (204) ma le tatalo faaiu.
Vaiaso e Amata ia Novema 11
Pese 21 (191)
10 minu: Faasilasilaga masani a le faapotopotoga. Tala o le tupe.
20 minu: Aisea e Foai Atu ai ia Ieova? O se talanoaga a ni toeaina se toalua, ia faamamafa manatu tāua i le mataupu lea o loo i Le Olomatamata o Novema 1, 1996, itulau e 28-31. Pe faia foi e se toeaina se lauga e faatatau i lea mataupu
15 minu: “O le Ola e Faavavau Foi Lenei.” (Palakalafa e 6-8) Talanoa i aogā o le faaaogaina o se taulimaga tuusaʻo e amataina ai ni suesuega. Ia faataitai e ni tagata talaʻi tomai ia taulimaga na e i le palakalafa e 6-7. Ia valaaulia le aofia e faamatala mai ni mea na tutupu na iu i le amataina ai o se suesuega i le uluai asiasiga. Ina ua ofo tuusaʻo atu se suesuega, na tali mai se tasi tamaloa: “Ioe. Susū mai i totonu. Ou te matuā fiafia lava e faia se suesuega.” Na amata ai se suesuega ma ia, ma i le suesuega i le vaiaso na sosoo ai, na aufaatasi ai o ia ma lona aiga atoa, ma e lei pine ae auai loa i latou uma lava i sauniga ma faia se sao i le galuega o le molimau atu. Ia faalaeiau tagata uma ina ia aumai a latou kopi o le faaopoopoga o La Tatou Faiva o le Malo o Iuni 1996, i le Sauniga mo le Auaunaga i le vaiaso e sosoo ai.
Pese 18 (162) ma le tatalo faaiu.
Vaiaso e Amata ia Novema 18
Pese 16 (143)
5 minu: Faasilasilaga masani a le faapotopotoga. Autalu fuafuaga mo le auaunaga i le fanua i le vaitaimi o aso mālōlō o le lalolagi ia Tesema.
18 minu: “Ua Iai so Tatou Tofiga.” Fesili ma tali. Faaopoopo puupuu i le palakalafa 13-16 o Le Olomatamata o Aokuso 1, 1988, itulau e 28-29.
22 minu: Faia ni Suesuega Faale-Tusi Paia e Fua Mai. Lauga a le ovasia o le auaunaga. Ua toeitiiti nei atoa le tausaga talu ona tatou faaaogaina le tusi o Le Poto i le galuega o le faia o suesuega faale-Tusi Paia. E foliga mai ua maeʻa tusi a nisi, ae o isi ua toeitiiti maeʻa a latou tusi. Na faalaeiauina i tatou ina ia uaʻi totoʻa atu i le faia o suesuega ua fuafuaina e fesoasoani ai i tagata fou ia vave ona aʻoaʻoina le upu moni, faatatauina i o latou olaga, ma avea o ni tagata o le faapotopotoga. Ua saunia i le faaopoopoga o La Tatou Faiva o le Malo o Iuni 1996 ni fautuaga e fesoasoani ai ia i tatou ina ia avea o ni faiaʻoga uigā. Ia autalu puupuu nisi o mea e mafai ona tatou faia e aʻoaʻo ai ma le tomai ia tagata aʻoga, e pei ona faaaofia mai i le palakalafa e 3-13 o lena faaopoopoga. Ona sosoo ai lea ma le uaʻi atu i mea e manaomia ona fai e fesoasoani ai ia i latou e faia se tulaga mautinoa, e pei ona faaauivi mai i le palakalafa e 14-22. Faitau palakalafa e 15, 17, 20-21. Autalu ni tala i mea mautinoa na tutupu e faaalia ai le auala na maua ai ni iuga lelei e tagata talaʻi o le faapotopotoga. Faalaeiau atili isi ina ia faia se sao i le galuega o le faia o suesuega faale-Tusi Paia.
Pese 11 (85) ma le tatalo faaiu.
Vaiaso e Amata ia Novema 25
Pese 5 (46)
5 minu: Faasilasilaga masani a le faapotopotoga.
15 minu: “Ia Tufa Atu i Isi e Tusa ma o Latou Manaoga.” Lauga a se toeaina.
10 minu: Pusa Fesili. Talanoa ma le aofia.
15 minu: Autalu Lomiga o le Ofo mo Tesema. Ofo le tusi o Le Tagata Silisili o Ē Uma na Soifua Mai. Ia fai ni faataitaiga ua maeʻa ona faataitaia lelei e aofia ai mea nei: Pe a uma ona e faafeiloai atu, atonu e mafai ona fai atu faapea le tagata talaʻi: “Pe afai tatou te tuufesili atu po o ai le tagata silisili o ē uma na soifua mai, o le a tatou maua ni tali eseese. Mai i tagata uma o le talafaasolopito o ē ua taʻua e sili, e leai lava se tasi o i latou ua mafai ona taaʻina ai le ola o le toatele o tagata i se auala e sili ona malosi nai lo o Iesu Keriso. E lelei ona tatou mulimuli atu i lana faaaoaoga. Faauta i le tala sa fai e lona soo o Peteru e faatatau ia te ia. [Faitau le 1 Peteru 2:21.] O le tapuaiga moni i le Tamā e na o Iesu lava e faaauala atu ai, e pei ona ia fetalai atu ai i le Ioane 14:6. [Faitau.] O le ā le tele o lo tatou iloa e faatatau ia Iesu o se tagata soifua? O le ā sa ia aʻoaʻoina atu? Na faapefea ona soifua o ia ma aʻoaʻo atu i isi? O le tusi lenei o Le Tagata Silisili o Ē Uma na Soifua Mai, o le a na taliina na fesili ma le tele o isi fesili.” Ia faasino atu i le faatomuaga, ma faaali atu manatu autū o i le tusi, e aofia ai ma faataitaiga felanulanuai. Afai ua faaalia se naunau moni, ofo i ai le tusi, ma ia faamautinoa le faia o se fuafuaga mautū mo se toe asiga.
Pese 20 (93) ma le tatalo faaiu.