Sauniga o le Auaunaga mo Ianuari
Vaiaso e Amata ia Ianuari 6
Pese 3 (32)
10 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo. Talanoa i le lipoti o le auaunaga i le fanua ia Oketopa mo le atunuu ma la outou faapotopotoga.
20 minu: Ua Tatau Ona Toe Faafou le Advance Medical/Directive Release Card. Ia talanoaina e se toeaina agavaa le tāua o le faatumuina atoa o le pepa ma ia feaveai i taimi uma lava. E tautala le pepa lenei mo oe pe afai ua lē mafai ona e tautala ona o se faalavelave faafuasei. (Faatusatusa i le Faataoto 22:3.) E manaomia ona faatumuina se pepa fou i tausaga taitasi ina ia faafouina ai pea le taʻutinoga e teena ai le faaaogaina o le toto talu ai ua faapea mai nisi fomaʻi ma isi tagata, o faamatalaga ua silia i le tausaga le leva, e lē mafai ona faailoa mai ai le talitonuga o se tagata o loo iai i lena taimi. Pe a uma le sauniga, o le a tuuina atu i tagata talaʻi uma ua papatisoina le Advance Medical Directive/Release Card, ma o i latou e iai fanau laiti e lei papatisoina, o le a maua le Identity Card (ID) mo tamaiti taitoatasi. Ia faamalamalama i le aofia o nei pepa e lē faatumuina i le po nei. E tatau ona faatumu lelei nei pepa i le fale, ae AUA le sainia. O le sainia, molimauina, ma le tusia o le aso o pepa uma, o le a faia i le isi suesuega e sosoo mai o Suesuega Tautusi a le Faapotopotoga, i le vaavaaiga a le fai suesuega. E na te siakiina ia iloa ai pe ua maua uma e i latou o loo tofia atu i lana vaega ni pepa ma maua le fesoasoani manaomia. O i latou o le a sainia e avea ma molimau, e tatau ona vaai ua sainia moni e lē ona lea pepa. So o se tasi e lē iai i lena taimi o le a fesoasoani atu i ai le ʻau fai suesuega/toeaina i le isi Sauniga o le Auaunaga seia oo ina faatumuina lelei e tagata talaʻi papatiso uma lava a latou pepa ma sainia. (Toe autalu le tusi o Oketopa 15, 1991.) E mafai e le ʻau talaʻi e lei papatisoina ona tusia ni a latou lava pepa faasinoala, e faaaogā mo i latou lava ma a latou fanau, e ala i le fetuunai o faaupuga o loo iai i lenei pepa e tusa ai ma o latou tulaga ma talitonuga. Tagai i le Pusa Fesili o La Tatou Faiva o le Malo faa-Peretania o Tesema, 1995. O le faaalia o le faautauta i le tausia lelei o nei faamatalaga tāua o le a maua ai mea lelei mai ia Ieova.—Faata. 16:20.
15 minu: “Ua Agavaa ma Faaauupegaina e Aʻoaʻo Atu i Isi.” (Palakalafa 1-6) Ia faaopoopo puupuu i le palakalafa 1-2, e faamamafa ai le manaomia ona tatou mautinoa e faapea, e ala i le fesoasoani a Ieova, e mafai ai ona tatou aʻoaʻo ma le uigā i isi. Ia faataitai e ni paga se toalua o tagata talaʻi ma ē ona fale ia taulimaga i le palakalafa e 3-6, ia faailoa mai e paga taitasi le auala e faia ai se uluai asiasiga ma se toe asiga. Ia faamanatu i le autalaʻi e faapea, pe a tuua lomiga, e talafeagai ona tatou taʻua e talia fiafia se foai tauofo mo la tatou galuega i le lalolagi aoao.
Pese 22 (130) ma le tatalo faaiu.
Vaiaso e Amata ia Ianuari 13
Pese 17 (187)
15 minu: Faasilasilaga masani a le faapotopotoga. Tala o le tupe. Ia faamatilatila ni manatu mo talanoaga i a tatou mekasini fou. Fai atu ni fautuaga i le auala e faailoa atu ai i tatou pe a faalatalata atu i tagata ina ia mafai ai ona avatu se molimau lē fuafuaina. Ia valaaulia le aofia e faamatala mai po o ā ni upu amata o latou faaaogaina pe a talanoa atu i isi i faleoloa, i ala tetele, i paka, po o auala o femalagaaiga, ma isi mea faapena.
15 minu: “Ua Agavaa ma Faaauupegaina e Aʻoaʻo Atu i Isi.” (Palakalafa 7-9) Ia faamatala ni mea na tutupu e uiga i le faia o toe asiga na o loo maua i le 1995 Yearbook, itulau 45, e faamamafa ai le tāua o le toe asia o tagata na faaalia le fiafia. Ia faataitai e se tagata talaʻi agavaa taulimaga o loo i le palakalafa 7-8. E ui lava ua ofoina muamua isi lomiga, ae tatau ona uaʻi atu a tatou taumafaiga i le faia mulimuli ane o ni suesuega i le tusi o Le Poto. Faalaeiau tagata uma ina ia faia se faasologa i le vaiaso o sosoo mai mo se taimi e faia ai toe asiga.
15 minu: Manaoga o le faapotopotoga. Po o le lauga, “Ia Tuuina Atu Pea ia Ieova Ou Popolega.” O se lauga faalaeiau e faavae mai Le Olomatamata o Aperila 1, 1996 itulau e 27-29.
Pese 24 (185) ma le tatalo faaiu.
Vaiaso e Amata ia Ianuari 20
Pese 4 (43)
10 minu: Faasilasilaga masani a le faapotopotoga.
15 minu: “O le a Faaolaina Ituaiga Uma o Tagata Eseese.” Fesili ma tali. Ia valaaulia le aofia e faamatala puupuu mai ni mea na tutupu e faaalia ai le auala na latou maua ai se tali lelei mai tagata i tulaga eseese o le olaga.
20 minu: Avatu se Molimau e Ala i Amioga Lelei. Ia faia e se toeaina se talanoaga ma ni talavou se toalua pe toatolu. E faavae le talanoaga i le Watchtower o Aokuso 15, 1987, itulau 10-20. Ia faaaofia ai ni tala i ni mea na tutupu o loo lomia ai faapea foi ma ni mea na tutupu i ni tagata talaʻi o la outou faapotopotoga e faaalia ai le auala na fiafia ai tagata o loo vaavaai mai ona o amio lelei a talavou Kerisiano.
Pese 5 (46) ma le tatalo faaiu.
Vaiaso e Amata ia Ianuari 27
Pese 18 (162)
5 minu: Faasilasilaga masani a le faapotopotoga.
10 minu: Ia autalu e le failautusi le Pusa Fesili.
15 minu: “Tatou te ‘Talaʻi Atu le Upu.’” Fesili ma tali. Ia faaaofia ai ni faamatalaga o loo faaalia ai le pogai tatou te matuā talisapaia ai le tāua o le Afioga a le Atua.—Tagai i le Awake! o Mati 22, 1984, itulau 9-11.
15 minu: Autalu Lomiga mo le Ofo ia Fepuari. O le a faaauau ona tatou ofoina tusi tuai pe afai o iai pea ni tusi. Ae peitai, afai ua leai, o le a tatou ofoina le tusi, Lou Talavou—Mauaina Mai ai Aogā Silisili. Faailoa mai ni manatu tāua i le tusi, e pei o le: (1) Le eseese o ulutala o mataupu, (2) o ata ma faamatalaga e aʻoaʻo mai ai, ma (3) fesili faatupu manatu o loo iai. Ina ia talafeagai ma le vaega lea faatoʻā uma atu o le sauniga, ia faalaeiau le faaaogaina o se mau ua filifilia lelei mo le taulimaga. Ia fai ni faataitaiga pupuu se tasi pe lua, ma ia manatua e le tagata talaʻi e taʻua le fuafuaga mo mea alofa tauofo i lē ona le fale. Ia faamanatu i tagata uma e ave ni tusi e faaaogā i lenei vaiaso.
Pese 7 (51) ma le tatalo faaiu.