Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 6 e oo ia Tesema 20, 1999. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. Ua faatagaina e Ieova pulega faaletagata tutoʻatasi e faamaonia ai o Lana auala e pule ai e saʻo pea ma tonu. (Teu. 32:4; Iopu 34:10-12; Iere. 10:23) [w97 2/15 itu. 5 pala. 3]

2. Ua faailoa mai e le Tusi Paia faapea e taʻusalaina e le Atua faitioga uma. [w97 12/1 itu. 30 pala. 3-4]

3. E tausia e mātua a latou faiā ma a latou fanau ua faaipoipo i se tulaga talafeagai e ala i le amanaiaina o mataupu silisili faale-Atua o le tulaga ulu ma le faatulagaga lelei. (Kene. 2:24; 1 Kori. 11:3; 14:33, 40) [fy itu. 164 pala. 6]

4. I le Mareko 6:31-34 ua faaalia ai na pau le mafuaaga na mutimutivale ai le alofa o Iesu i le motu o tagata ona o o latou maʻi ma le matitiva. [w97 12/15 itu. 29 pala. 1]

5. Pe afai ua lē mafai ona auai se Kerisiano o le vaega o isi mamoe i le Faamanatuga o le maliu o Iesu, e ao ona ia faamanatuina i le masina e sosoo ai ina ia ōgatusa ma le mataupu silisili o loo faamauina i le Numera 9:10, 11. (Ioa. 10:16) [Faitau Tusi Paia faalevaiaso; tagaʻi i le w93 2/1 itu. 31 pala. 9.]

6. E ui e lē tauaveina e tamā ma tinā matutua (grandparents) Kerisiano le avega tauave a le tamā ma le tinā o le totōina o le upu moni o le Tusi Paia i loto o le la fanau, ae mafai e tamā ma tinā matutua ona faia so la sao tāua e lagolagosua ai i le atiina aʻe faaleagaga o le tamaitiiti. (Teu. 6:7; 2 Timo. 1:5; 3:14, 15) [fy itu. 168 pala. 15]

7. I le Faataoto 6:30 ua faaalia ai e ono mafai ona faataga pe lē āfaina le gaoi i nisi o tulaga. [g98 4/8 itu. 25 pala. 2]

8. I le 1530, na avea ai Viliamu Tiniteli ma lē na muamua faaaogāina le suafa o le Atua, o Ieova, i se faaliliuga faa-Peretania o Tusitusiga Eperu. [w97 9/15 itu. 28 pala. 3]

9. I aso nei, o le āta faaonaponei o le aai o sulufaʻiga o le sauniuniga lea a le Atua mo le puipuia o i tatou mai le oti ona o le solia o lana poloaʻiga i le paʻia o le toto. (Nu. 35:11) [Faitau Tusi Paia faalevaiaso; tagaʻi i le w95 11/15 itu. 17 pala. 8.]

10. O le igoa Teuteronome, o lona uiga “Tulafono Lona Lua,” ua talafeagai auā o lenei tusi o le Tusi Paia ua na o se toe aumaia o le Tulafono. [Faitau Tusi Paia faalevaiaso; tagaʻi i le bsi99 itu. 29 pala. 4.]

Tali fesili ia o loo mulimuli mai:

11. O le ā ua faaāta mai e areto faafefeteina e lua e ofoina atu e le ositaulaga sili i le Tausamiga o le Penetekoso? (Levi. 23:15-17) [Faitau Tusi Paia faalevaiaso; tagaʻi i le w98 3/1 itu. 13 pala. 21.]

12. O anafea na amata mai ai le Iupeli faa-Kerisiano, ma o le ā le ituaiga saʻolotoga na aumaia ai i lena taimi? (Levi. 25:10) [Faitau Tusi Paia faalevaiaso; tagaʻi i le w95 5/15 itu. 24 pala. 14.]

13. E tusa ai o faamaumauga i le tusi o Numera, e faalagolago le faasaoina i ā mea e tolu? [bsi99 itu. 24 pala. 1]

14. I le ā le auala na avea ai Mose o se faaaʻoaʻoga lelei i le faaalia lea faapea sa leʻi ia te ia se agaga fuā? (Nu. 11:29) [Faitau Tusi Paia faalevaiaso; tagaʻi i le w95 9/15 itu. 18 pala. 11.]

15. E faapefea i le mea na tupu ia Koru, Tatano, ma Apiramo ona faataʻitaʻia mai ai faapea o le vaaitino e lē o taimi uma e taʻitaʻia atu ai i le talitonu i ai? [w97 3/15 itu. 4 pala. 2]

16. O ā vala e lua e aofia ai i le faaalia o le āva i mātua ua matutua o loo faamatilatila i le Mataio 15:3-6 ma le 1 Timoteo 5:4? [fy itu. 173-175 pala. 2-5]

17. O le ā le lesona tāua o loo faamatilatila i le Numera 26:64, 65? [Faitau Tusi Paia faalevaiaso; tagaʻi i le g95-E 8/8 itu. 10-11 pala. 5-8.]

18. Ua faapefea i le faaaʻoaʻoga a Fineaso ona fesoasoani ia i tatou e iloa lelei le uiga o le tuuina atu ia Ieova? (Nu. 25:11) [Faitau Tusi Paia faalevaiaso; tagaʻi i le w95 3/1 itu. 16 pala. 12-13.]

19. E ono faapefea i se tasi o loo i le āta faaonaponei o le aai o sulufaʻiga ona ‘alu i tua atu o le tuaoi’ o le aai? (Nu. 35:26) [Faitau Tusi Paia faalevaiaso; tagaʻi i le w95 11/15 itu. 20 pala. 20.]

20. I le ā le itu na avea ai le Codex Sinaiticus ma faamanuiaga i faaliliuga o le Tusi Paia? [w97 10/15 itu. 11 pala. 2]

Tuu ane le upu, ni upu po o se fasi fuaiupu manaʻomia e faauma ai fuaiupu nei:

21. Ua faatagaina e Ieova le iai o mea leaga ina ia faatumauina ai e faavavau le mea moni e faapea, e na o ia lava o le ․․․․․․․․ “ulu atu i le malo e faavavau o lo tatou Alii ma le Faaola, o Iesu Keriso.” (2 Pete. 1:10, 11, NW) ma e tatau ona ․․․․․․․․ i ana tulafono ina ia maua ai pea e ana foafoaga uma le filemu ma le fiafia. (Sala. 1:1-3; Faata. 3:5, 6; Fai. 8:9) [w97 2/15 itu. 5 pala. 4]

22. E matilatila le tusi o Levitiko i le faamamafaina o le ․․․․․․․․ o le toto, i le faailoaina mai faapea e na o le pau lava le faaaogā ua faatagaina o le toto o le faia ai lea o se ․․․․․․․․. [bsi99 itu. 22 pala. 16]

23. E tusa ai ma le Salamo 144:15e, o le fiafiaga moni, o se tulaga i le loto, e faavae mai le ․․․․․․․․ moni ma se ․․․․․․․․ lelei ma Ieova. [w97 3/15 itu. 23 pala. 7]

24. O le Tusi Paia lea na maua mai le faaliliuina o le Tusi Paia Eperu i le gagana Eleni taatele, na faauma lona tusiaina i le pe tusa o le 150 T.L.M., na lauiloa i le igoa o le ․․․․․․․․; o le faaliliuga a Ierome o le Tusi Paia i le gagana Latina na lauiloa o le ․․․․․․․․, ․․․․․․․․, na faaumaina i le pe tusa o le 400 T.A. [w97 8/15 itu. 9 pala. 1; itu. 10 pala. 4]

25. O le faaaogāina o le mea na tupu ia Palaamo ma Koru e pei ona faamauina i le tusi o Numera, na lapataʻia ai e Iuta Kerisiano ina ia leoleo faasaga i mailei o le ․․․․․․․․ ma ․․․․․․․․. [bsi99 itu. 27 pala. 14]

Fili le tali saʻo i faamatalaga ia o loo mulimuli mai:

26. E faatasi i le tausaga, i le (Tausamiga o Faleapitaga; Aso o le Togisala; Paseka), sa tatau ai i le nuu uma lava o Isaraelu, e aofia ai ma tagata ese o ē sa tapuaʻi ia Ieova, ona (mālōlō mai galuega uma; totogi sefuluaʻi; ofoina atu taulaga o uluaʻi fua) ma anapogi. (Levi. 16:29-31) [Faitau Tusi Paia faalevaiaso; tagaʻi i le w96 7/1 itu. 10 pala. 12.]

27. O se tasi o sini a le Komiti o le Faaliliuga o le Tusi Paia o le Lalolagi Fou o le saunia lea o se faaliliuga e (faaliliu le upu i le upu; toe faaupuina le uluaʻi gagana sa iai; ōgatusa ma le malamalamaga i se talitonuga patino) ina ia avatu ai i le tagata faitau le uiga moni sa iai i uluaʻi gagana atoa ma le manatu sa iai. [w97 10/15 itu. 11 pala. 5]

28. E tusa ai o le Eperu 13:19, o tatalo faatauanau a uso talitonu e mafai ona fesoasoani e iloa ai (po o ā mea e faataga e le Atua; po o le ā le vave e gaoioi ai le Atua; po o le ā le auala o le a fetuunaʻi ai mea e le Atua). [w97 4/15 itu. 6 pala. 1]

29. O le ‘manoa lanu moana i luga aʻe o le tuupao i pito o ofu talaloa’ o tagata Isaraelu sa manaʻomia e avea o se (teuga paia; faailoga o le onomea; faailoga e faamanatu atu ai le vavae ese mai le lalolagi o ni tagata o Ieova). (Nu. 15:38, 39) [Faitau Tusi Paia faalevaiaso; tagaʻi i le w84 9/1 itu. 18 pala. 16.]

30. O le umi o le taimi na tutupu ai mea o loo taʻua i le tusi o Teuteronome e (lua masina; tasi le tausaga; lua tausaga), ma na faamaeʻa lona tusiaina i le tauamatamataga o le (1513; 1473; 1467) T.L.M. [bsi99 itu. 29 pala. 6]

Faafetaui mau ia o loo mulimuli mai i faamatalaga o loo lisiina i lalo:

Nu. 16:41, 49; Mata. 19:9; Luka 2:36-38; Kolo. 3:14; 1 Timo. 5:8

31. I le filifilia o le aofaʻi o ni fanau e maua, e ao i se ulugalii faaipoipo ona iloiloina pe la te mafaia o se tane ma se avā ona tausia manaʻoga o le olaga. [g97 1/8 itu. 16 pala. 3-4]

32. Ua na o le mulilua lava le faavae faale-Tusi Paia mo le tatalaina o se faaipoipoga faatasi ai ma le faamoemoe o le toe faaipoipo atu. [fy itu. 159 pala. 15]

33. O le matuā tiotio i galuega faatiokarate, e tusa lava po ua matua, e mafai ona fesoasoani i se tasi e feagai ai ma le manuia i le motusia o le mafutaga ma se paaga faaipoipo. [fy itu. 170-171 pala. 21]

34. O le sailiili masei i le auala a Ieova o loo faagaoioia ai mea ma le tonu e ala mai i ana auauna tofia e mafai ona iai ni ona iʻuga malaia. [Faitau Tusi Paia faalevaiaso; tagaʻi i le w96 6/15 itu. 21 pala. 13.]

35. O le alofa lē manatu faapito na te fusia faatasi se ulugalii faaipoipo ma faapogaia ai ona la mananaʻo e faia mea e sili ona lelei e le tasi mo le isi, ma le la fanau. [fy itu. 187 pala. 11]