Faasologa o le Sauniga o le Auaunaga

Vaiaso e Amata iā Fepuari 11

Pese 18 (162)

15 minu: Faasilasilaga a le faapotopotoga. O faasilasilaga e fili mai i La Tatou Faiva o le Malo. Autalu le “Ofoina o le Tusi Ua Fesili Mai Talavou.” Ia faataʻitaʻi taulimaga e lua ua saunia. Faalaeiau tagata uma ina ia faitau pe autalu le Kenese 6:1 e oo i le 9:19 ma matamata le vitiō o Noah—He Walked With God e sauniuni ai mo le talanoaga i le Sauniga o le Auaunaga o le vaiaso o Fepuari 25.

17 minu: “Ia Matuā Folafolaina le Afioga a le Atua.”a (Palakalafa 1-13) E taulimaina e le ovasia taʻimua. O se talanoaga olaola o mea o loo tatou faanaunau e faataunuuina iā Mati ma luma atu. E tatau i tagata uma ona faaaogā le kalena o loo iai i le faaopoopoga ina ia fuafua ai se faasologa aogā mo le faia o se sao tele e mafai ai i le faiva iā Mati. Ia faalaeiau tagata uma o ē e mafai ona paeonia lagolago i lenā masina. Pe a talanoaina palakalafa e 7-8, fesili atu i ē na paeonia i le vaitaimi o le Faamanatuga na mavae atu nei, e faamatala mai ni faamanuiaga na latou mauaina. Ia faasilasila atu o le a maua tusi talosaga mo le paeonia lagolago pe a mavae le sauniga lenei.

13 minu: “Le Tala e Fai Atu e Uiga i Mekasini.” Fesili atu i tagata talaʻi i le auala ua fesoasoani ai lenei vaega o La Tatou Faiva o le Malo iā i latou ina ia sauniuni lelei e faafesootaʻi atu mataupu i mea mataʻutia e tutupu o nei aso faigatā. O ā ni mea na tutupu i nisi a o tuuina atu se faamāfanafanaga i tagata ma fesoasoani atu iā i latou e saʻilia ni tali e faavae mai le Tusi Paia e tusa ai o fesili o loo faapopoleina ai? I ni faataʻitaʻiga pupuu se lua, ia faailoa atu le auala e ofoina ai Le Olomatamata o Fepuari 1 ma le Awake! o Fepuari 8.

Pese 22 (130) ma le tatalo faaiʻu.

Vaiaso e Amata iā Fepuari 18

Pese 9 (37)

8 minu: Faasilasilaga a le faapotopotoga. Tala o le tupe.

12 minu: “O Tagata e Sili Ona Fiafia i le Lalolagi.”b Faaaofia puupuu ai ma “Laasaga i le Mauaina o le Fiafia,” i Le Olomatamata o Oketopa 15, 1997, itulau e 6.

25 minu: “Ia Matuā Folafolaina le Afioga a le Atua.”c (Palakalafa 14-23) E taulimaina e le ovasia o le auaunaga. Ia autalu ni fuafuaga faapitoa o loo faia a le faapotopotoga mo le faateleina o le galuega mo Mati. Ia otooto le faasologa atoa o feiloaʻiga mo le auaunaga i le fanua ua fuafuaina mo le masina. Ia taulaʻi atu i le toe faamalosia o i latou ua lē o toe talaʻi ma fesoasoani i fanau ma tagata suʻesuʻe o le Tusi Paia ina ia agavaa o ni tagata talaʻi e leʻi papatisoina. Ia faasilasila atu suafa o i latou ua talosaga e paeonia lagolago iā Mati, ma faalaeiau isi ina ia manatunatu loloto i ai ina ia auai foʻi ma i latou.

Pese 5 (46) ma le tatalo faaiʻu.

Vaiaso e Amata iā Fepuari 25

Pese 11 (85)

15 minu: Faasilasilaga a le faapotopotoga. Ia faataʻitaʻi ni taulimaga pupuu o le ofoina o mekasini—o le tasi e faaaogā ai Le Olomatamata o Fepuari 15 ma le isi o le Awake! o Fepuari 22. Ia faia e se talavou se tasi o na taulimaga. Ia faamanatu i tagata talaʻi ina ia faaoo ane a latou lipoti o le auaunaga i le fanua mo Fepuari.

15 minu: “O Aafiaga Lelei o Vitiō o Loo Avatua se Molimau” Talanoaga ma le aofia. Ua uma ona tatou autaluina a tatou vitiō e valu i le faasologa o le Sauniga o le Auaunaga. Pe a māeʻa ona talanoaina puupuu faaaʻoaʻoga ua aumaia i le mataupu, fesili atu i tagata talaʻi ina ia faamatala mai ni faamanuiaga na latou maua i le faaaliina atu o vitiō i isi.

15 minu: “E Mafai e Tagata Uma Lava Ona Aʻoaʻoina Mai i le vitiō o Noah—He Walked With God.” Ia amata i le talanoaina ma le aofia o le vitiō o Noah e faaaogā ai na o fesili o loo iai i le pusa i le itulau e 2. O le a tatou autaluina le vitiō o le Young People Ask—How Can I Make Real Friends?

Pese 17 (187) ma le tatalo faaiʻu.

Vaiaso e Amata iā Mati 4

Pese 25 (204)

5 minu: Faasilasilaga a le faapotopotoga.

12 minu: Manaʻoga o le faapotopotoga.

12min: Faaaogā le tusi o Le Poto e Amata ai Suʻesuʻega. A o faagasolo Mati tatou te mananaʻo ai e faia ni taumafaiga faapitoa e amataina ai ni suʻesuʻega faale-Tusi Paia. Ia faamatala puupuu le mea na tupu o loo i La Tatou Faiva o le Malo o Aokuso 1998, itulau e 4, palakalafa 8. Afai na amataina talu ai nei e se tasi se suʻesuʻega i le tusi o Le Poto, ia toe faataʻitaʻi mai le auala na faataulauina ai lenā tulaga. Faamanatu i tagata uma ia “Fautuaga mo le Ofoina o le Tusi o Le Poto,” o le faaopoopoga o La Tatou Faiva o le Malo o Ianuari 2002. I le faaaogāina o le tusi, ia faataʻitaʻi se tasi o fautuaga o i le itulau e 6 o le faaopoopoga i le “Taulimaga Tuusaʻo.”

16 minu: “Aiseā e Talaʻi ai Pea?”d Ia faaiʻu i le faatalatalanoaina o se tagata talaʻi se toʻatasi pe toʻalua na faaauau pea ona talaʻi mo le tele o tausaga. Ia latou faamatalaina mai o latou faalogona i le māfuaaga ua latou tumau ai pea i lenei galuega ma na faapefea ona aogā iā i latou.

Pese 3 (32) ma le tatalo faaiʻu.

[Faaopoopoga i lalo]