Autaluga o le Aʻoga o le Faiva Faatiokarate
O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Aokuso 29, 2005. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Iulai 4 e faasolo atu iā Aokuso 29, 2005. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]
UIGA O LE TAUTALA
1. Pe a talanoa atu i isi i lo tatou faamoemoe, e faapefea ona iloa lo tatou “agamalu [“fetuutuunaʻi,” NW] e tagata uma lava,” ma aiseā e tāua ai lenei mea? (Fili. 4:5; Iako. 3:17) [be itu. 251 pala. 1-3, pusa]
2. O le a faapefea e lo tatou iloa po o le ā le taimi e fetuutuunaʻi ai, ona fesoasoani iā i tatou e taulau ai i le feagai ai ma isi? [be itu. 253 pala. 1-2]
3. Aiseā e tāua ai le tomai i le faaaogāina o fesili pe a tatou fesoasoani atu i isi e fefulifulisaʻi i se mataupu? [be itu. 253 pala. 3-4]
4. O ā vala e ao ona mafaufauina ina ia avea ai lau taulimaga ma mea e faatalitonuina ai? [be itu. 255 pala. 1-4, pusa; itu. 256 pala. 1, pusa]
5. O le ā e ao ona manatua pe a tatou filifili e faaaogā faamaoniga faaopoopo e mautinoa, ina ia lagolago ai le talafeagai o manatu o le Tusi Paia? [be itu. 256 pala. 3-5, pusa]
LAUGA NU. 1
6. O ā faamaoniga manino e iloa ai na soifua moni Iesu? [w03 6/15 itu. 4-7]
7. E faapefea i ‘gutu o ē ua sao a latou amio ona laveaʻiina ai i latou,’ ma e faapefea i le fale o ē amiotonu ona “tumau lava”? (Faata. 12:6, 7) [w03 1/15 itu. 30 pala. 1-3]
8. Talu ai e lē o tusia le Tusi Paia i se faiga e na o le lisi mai lava o mea e fai ma mea e lē faia, e faapefea la ona tatou ‘iloa le finagalo o le Alii’? (Efe. 5:17) [w03 12/1 itu. 21 pala. 3–itu. 22 pala. 3]
9. O ā mataupu silisili faale-Tusi Paia a faatatauina e fesoasoani i se tasi e fesagaʻia ai le mativa ma tulaga leaga tau tamaoaiga? [w03 8/1 itu. 5 pala. 2-5]
10. E faapefea i le faataʻitaʻiga a Ieova i le foaʻi atu ma le loto malie ona aafia ai i tatou? (Mata. 10:8) [w03 8/1 itu. 20-22]
FAITAU TUSI PAIA O LE VAIASO
11. O le ā le uiga o pou e lua sa faaigoaina iā Iakina ma Poasa i luma o le malumalu na faia e Solomona? (1 Tu. 7:15-22)
12. Pe na ōgatusa ma le Tulafono a Mose le meaalofa a Solomona i le avatua o aai e 20 i le nuu o Kalilaia mo Hiramo le tupu o Turo? (1 Tu. 9:10-13)
13. O le ā le lesona e tatou te aʻoaʻoina mai le lē usiusitai o “le tagata o le Atua”? (1 Tu. 13:1-25)
14. O le ā le auala na faaalia ai e le tupu o Asa o Iuta lona loto tele, ma o le ā e tatou te aʻoaʻoina mai lana faaaʻoaʻoga? (1 Tu. 15:11-13)
15. E faapefea i le mea na tupu lea na aafia ai le tupu o Aapo ma Napota ona faataʻitaʻia ai le lamatia o le faanoanoa o oe lava iā te oe? (1 Tu. 21:1-16)