Naunau i Isi

Mea na Faia e Iesu

VITIŌ: Iesu ma le Fafine i le Vaieli

1. Ia matamata le VITIŌ, pe faitau le Ioane 4:​6-9, ona manatunatu lea i fesili nei:

1. a. O le ā na mātauina e Iesu e faatatau i le fafine a o leʻi amataina le talanoaga?

2. e. Na fetalai atu Iesu: “Aumai sina vai seʻi oʻu inu ai.” Aiseā na avea ai lenā faamatalaga o se auala lelei e amata ai se talanoaga?

O le ā e Tatou te Aʻoaʻoina Mai iā Iesu?

2. E ono mafai ona tatou faia se talanoaga lelei pe a amata i se mataupu e fiafia i ai le tagata.

Faaaʻoaʻo iā Iesu

3. Ia fetuutuunaʻi. Aua le tausisi e amata se talanoaga i se mataupu na e sauni i ai. Ia amata i se mataupu o loo mafaufau i ai tagata i lenā aso. Ia fesili ifo:

1. a. ʻO ā ni mea o loo taʻua i tala fou?’

2. e. ʻO ā ni mataupu o loo talanoa ai oʻu tuaoi, o ē e matou te faigaluega faatasi, po o tamaiti o laʻu vasega?’

4. Ia mataalia. Ia fesili ifo:

1. a. ʻO le ā le gaoioiga a le tagata o loo fai? O le ā atonu o loo ia mafaufau i ai?’

2. e. ʻO ā ni mea ou te iloa e faatatau i talitonuga ma le aganuu a le tagata mai i ona laʻei, foliga vaaia, po o lona fale?’

3. i. ʻPo o se taimi lelei lenei ou te talanoa ai i le tagata?’

5. Ia faalogologo lelei.

1. a. Aua le tautala soo.

2. e. Ia faalaeiau le tagata e faaali mai ona manatu. Ia fai ni fesili pe a talafeagai.