AMATAINA O SE TALANOAGA
LESONA 6
Lototele
Mataupu silisili: “Na mafai ona matou lototetele ona o lo tatou Atua, ina ia taʻu atu iā te outou le tala lelei.”—1 Tesa. 2:2.
Mea na Faia e Iesu
1. Ia matamata le VITIŌ, pe faitau le Luka 19:1-7, ona manatunatu lea i fesili nei:
a. Aiseā atonu na ʻalofia ai e nisi tagata Sakaio?
e. O le ā na uunaʻia ai Iesu e faailoa atu le tala lelei iā te ia?
O le ā e Tatou te Aʻoaʻoina Mai iā Iesu?
2. E manaʻomia ona tatou lototetele ina ia talaʻi atu le feʻau o le Malo i so o se tagata.
Faaaʻoaʻo iā Iesu
3. Ia faalagolago iā Ieova. O le agaga paia o le Atua na faamalosia ai Iesu e talaʻi, ma e mafai foʻi ona faamalosia ai i tatou e talaʻi atu. (Mata. 10:19, 20; Luka 4:18) Ia talosaga iā Ieova mo le lototele e talaʻi atu ai iā i latou e faamataʻu mai.—Galu. 4:29.
4. Aua le vave faia le faaiʻuga o tagata. E tatou te ono faatalatū e talanoa atu i isi tagata ona o o latou foliga vaaia, o lo latou tulaga, le itu tau tamaoaiga, le auala e ola ai, po o latou talitonuga faalotu. Ae ia manatua:
a. E silafia e Ieova ma Iesu loto o tagata, o se mea e lē mafai ona tatou faia.
e. E faaalia e Ieova lona alofa mutimutivale i tagata uma.
5. Ia lototetele, faautauta, ma ia faaeteete. (Mata. 10:16) Aua le finau ma tagata. Ia faamuta le talanoaga i se auala faaaloalo pe a lē fia faalogo le tagata i le tala lelei, po ua e iloa foʻi ua e lē saogalemu.—Faata. 17:14.