Pipiimau Atu i le Faalapotopotoga a Ieova

E pei ona faamatalaina e John Barr

O LE vaega mulimuli lava o laʻu asiasiga i loʻu aiga i Iuni i le tausaga ua mavae, na ou lele mai i Glasgow e oo atu i Aberdeen. A o lele maualuga aʻe lo matou vaalele i luga o laufanua lanulauava o le atunuu o Sikotilani ma luga aʻe o le vaitafelemu o le Clyde, a e ua toe foi vave atu loʻu mafaufau i tuā i le tausaga e 1906 ma lena tamai nuu o Bishopton o loo ofaofataʻi ai i inā i le itu i saute o le vaetafe.

Ua e iloa la, o le tausaga lena ma o le nuu foʻi lena na amata ai e le tinā o loʻu tinā o Emily Jewell ona faitau i le tusi a Charles T. Russell o le The Divine Plan of the Ages. Sa leʻi pine foʻi a e pupula ona mata i le upu moni faapea e lē o aʻoaʻoina e le Tusi Paia le aʻoaʻoga i le afi i hele. Sa leʻi pine foʻi a e amata e lana fanau teine e toalua o Bessie ma Emily (o lē na mulimuli ane avea ma oʻu tinā) ona iloa le malamalama o le upu moni ua susulu atu i totonu o le auaoa o aʻoaʻoga sese na aʻoaʻoina e le Lotu Soaloto Tuufaatasi a Sikotilani. I le 1908 na papatisoina ai le tinā o loʻu tinā e faailoa ai lona tuuina atu i le faia o le finagalo o le Atua, ma e leʻi umi mulimuli ane a e papatisoina foi lana fanau teine.

O loʻu tamā sa avea m faifeau e faia sauniga i lena lava Lotu Saoloto Tuufaatasi i Bishopton. Sa faigata pea mo ia ona talia le aʻoaʻoga i le Tasitolu, o lea na ofo ai le faifeau o le lotu e fai se lauga faapitoa e aogā mo ia i se tasi Aso Sa. O lena na mafai ai! Ina ua faalogo i le faamatalaga, sa mautinoa nei loa e loʻu tamā faapea o le aʻoaʻoga o le Tasitolu e sese. Sa faama ae loa ma le lotu ma na papatisoina loa o ia i le tausaga e 1912 e faailoa ai lona tuuina atu ia Ieova. Sa leʻi pine mulimuli ane a e siitia loa i le itu i matu oʻu mātua ma la la fanau e toalua i Aberdeen, o Louie ma James, ma na ou fanau ai i inā i le 1913.

O oʻu manatunatuga e uiga i na uluaʻi tausaga ma e uiga i le taumafai o oʻu mātua e tausia i matou le fanau tama e toatolu i “aoʻaiga ma apoapoaiga a le Alii,” sa tumau pea ia te aʻu a o amata ona taufaaifoifo le vaalele i luga o mauga, vaitafe, ma vanu sa ou iloa a o oʻu tama itiiti. (Efeso 6:4) I lenei taeao matagofie i le susulu o le la, maeu loʻu loto faafetai ia Ieova ona o lea aʻoaʻiga a mātua! Sa ou iloa na matuā saosaolaumea i loʻu pipiimau atu pea i le faalapotopotoga a Ieova.

Tāua o le Aʻoaʻoina ao Iti

O se aiga e masani pea ona fiafia ma autasi lo matou aiga. A i ai se feeseeseaiga a Tamā ma Tinā, la te taumafai lavaia aua neʻi faalia i luma o i matou le fanau. Ua fausia e lenei mea mo i matou e lē gata i le faaaloalo i o matou mātua, a e fapea foʻi ma se siomaga o le filemu moni ma le saogalemu i totonu o lo matou aiga.

Na faaautū lava nisi o oʻu mafaufauga fiafia i le taimi o ni a matou faatasitasiga i po. E faia lava e i matou a matou lava faafiafiaga, e pei o le pepese faatasi ia matou musika, ma taaalo faatasi i taaloga e pei o le Monopoly. E le gata foi i lea, e tusa lava po o le ā le pisi o Tamā, a e lē mafai lava ona ia lē faaaluina sina taimi ma i matou, a e maise lava o aso uma na te faitau leo tele ai mai le Tusi Paia ma lomiga a le Sosaiete, faapea foʻi ma isi lomiga e lē loloto tele o latou uiga, ia ma lomiga e sili ona uigā. O nei mea uma sa mafai ona tausai ai le autasi vavalata o lo matou aiga a o matou tutupuaʻe.

E na o i matou lava le aiga o le “upu moni” i lena itu i matū o Sikotilani i na ululaʻi tausaga. Ma o le iʻuga, na oo ina lauiloa lo matou aiga i le toatele o sui faimalaga o le Watch Tower Society o e pei o Albert Lloyd, Herbert Senior, ma Fred Scott. O nisi na oo lava ina o mai mai le ofisa autū i Brooklyn Niu Ioka, e aofia ai W. E. Van Amburklyn A. H. Macmillan. O nei asiasiga sa avea o ni mea aogā i oʻu uluaʻi tausaga.

Seia oo mai i le asō, e i ai pea loʻu lagona faafetai tele i le agaga alofa moni na faaalia e oʻu mātua. Sa la faatamaoaigaina lo matou olaga faaleaiga, ma e ui lava sa ou itiiti a e na amata mai ai lava ona faalauteleina loʻu talisapaia o le aufaatasiga atoa o uso. Ioe, maeu le tele e mafai ona faia e mātua faatatau i le atiinaʻe o se noataga o le alofa i le va o a latou fanau ma le aufaatasiga a ō latou uso i le lalolagi atoa!.

Feagai ai ma se Faafitauli Totino

A o oʻu ulu atu i oʻu tausaga talavou, sa faateteleina loʻu matamuli ma le lē fia aufaatasi ma isi. O le tele o loʻu tupu aʻe e avea o se tagata matua, o le tele foʻi lena o le faigata ona ou faafeiloai atu i tagata ma talanoa ma i latou. Na aumaia e lenei matamuli se toʻatugā tele i le tele o itu a e maise lavba pe a oo mai i le tulaga e faamaonia ai loʻu faatuatua i le talaʻiina o le tala lelei o le Malo.

E leʻi umi lava talu mai le Taua 1 a le Lalolagi, na avea ai le tinā o loʻu tinā ma loʻu tinā o uluaʻi Molimau i le faiva mai lea fale i lea fale. A o matou tamaiti e auai i le tufatufaina atu o savali, peitaʻi o le taimi tonu lea mo aʻu e talanoa atu ai i tagata i o latou aiga—ioe, o se mea na ese! O se matuā luʻi lava. A e na mulimuli ane lava mafai ona ou faafetaiaʻia. E lē mafai ona galo ia te au lena aoauli o le Aso Sa ia Novema 1927, ina ua ou fai atu i loʻu tamā o le a ma ō atu i le faiva mai lea fale i lea fale. O se taimi muamua lena faatoa ou vaai ai ua maligi loimata o loʻu tamā —o loimata o le olioli i le taimi lea!

Mala i le Aiga na Aafia ai Aʻu

Na lūlūina le toʻafilemu o siomaga o lo matou olaga faaleaiga i le po o Iuni 25, 1929, ina ua 16 oʻu tausaga, Ina ua uma le aso i le faiva, ona faanatinati atu loa le o loʻu tinā ma loʻu tuafafine e sauni le ʻaiga a Tamā mo le po. Na faafuaseʻi lava ona alamu mai se uila afi ma taia ai Tinā, ma toso atu ai o ia i luga o le auala pe a ma le 40 iata (37 m) Sa matuā ogoogo manuʻa i lona ulu ma na manatu ai lava e lē toe ola. A e faafetai mo le tausiga alofa a si oʻu tuafafine o Louie i le tele o ni masina, auā na toe manuia ai Tinā. I na taimi, sa mafai ae e Tinā ona taʻitaʻiina se olaga masani e sili ona maualuga seʻia oo lava i lona maliu i le 1952.

O lena mea matautia na tupu na ia faia se mea e sili ona tāua mo aʻu—sa mafai ai loa ona ou vaai totoʻa i loʻu olaga, ma pe sa faapefea ona ou faaaogā. I lena taumafanafana sa amata loa ona ou suʻesuʻe loloto i le Tusi Paia n ai lo o taimi ua mavae—sa ou faia loa le upu moni o saʻu lava mea totino. O se taimi sili lea i loʻu olaga, ma na ou tuuina atu ai loa loʻu ola i le auaunaga ia Ieova. A e peitaʻi i ni nai tausaga mulimuli ane, sa ou maua ai loa le avanoa e faatinoina ai loʻu tuuina atu i le papatisoga i le vai.

Ulu atu i le Auaunaga Sauatoa

Ina ua ou tuua le aʻoga i le 1932, sa amata loa ona ou alu atu i se aʻoga e aʻoaʻoina ai i le faia o masini ma le faaeletise. I Peretania i na aso, sa leai ni faalaeiauga mo le ʻau talaʻi sauatoa e avea o ni paeonia e pei ona faia i aso nei. Peitaʻi, a o faagasolo tausaga, sa ou iloa ai le mea e tatau ona faia e faaalu ai loʻu malosi, o le sauatoa lea i le faiva.

Ou te manatua lelei lava se mea na matou suʻesuʻeina i le 1938 na faamamafa mai ai ia te aʻu aogā o le pipiimau i le faalapotopotoga a Ieova, ma ia faatatauina totino ana faatonuga.

O lomiga na o le mekasini o le Watch Tower e faatatau ia Iona ua faamatalaina ai mea na oo ia te ia ina ua sola mai lona tofiga o le auaunaga. Na ou teufatu lenei lesona, ma faia ai laʻu faaiʻuga faapea, e lē tatau lava ona ou teena so o se tofiga e oo mai ia te aʻu e ala i le faalapotopotoga a Ieova. A e sa itiiti lava soʻu iloa pe fia ni tofiga faatiokarate o loo taatitia mai i luma e tofotofoina ai laʻu faaiʻuga ua uma ona faia.

Sa ou tatalo mo le taʻitaʻiga, ma o se mea na ou ofo ai ina ua aumai le tali e ala i se tusi mai le ofisa autū o le Sosaiete i Lonetona, ua fesiligia ai aʻu ou te mafaufau i le avea o se sui o le aiga Peteli. Sa ou taofia mau m ale maumauaʻi le avanoa e ulu atu ai i lena faitotoa va tele e taʻitaʻiina atu ai i faaeaga sili o le auaunaga. O lea, i a Aperila i le 1939 sa ou galue soosoo tauʻau ma Harold King, o lē na mulimuli ane auauna o se misionare i Saina ma, talu ai ona o lana galuega talaʻi, na ia faaalu ai ni tausaga i se fale puipui Komunisi. Sa ma galulue i e faia o masini puʻe leo i fonotaga, ma fonokalafi sa faaaogāina e ta ai lauga sa puʻeina i faitotoa o fale o aiga.

Sa ma manatunatu o Harold ma aʻu i ituaiga o tagata eseese uma o ē o le a mulimuli ane faalogologo i le feau o le Malo, e ala i nei masini sa ma faia. I lenei auala, sa lē mafai ai ona galo ia i maʻua le pogai o lo ma faia o lenei galuega. Talu mai lava, i tofiga eseese uma na ou maua i Peteli, sa ou taumafai lava ia tausia lenei uiga. O lenei mea sa avea ai laʻu galuega o se olioli moni ma e uiga pea i le fesootaʻi atu i le galuega talaʻi o le Malo.

Faaeaga o le Auaunaga

E leʻi leva ona taunuu i Peteli i Lonetona, a e tofia aʻu e avea o le auauna i le faapotopotoga (lea ua taʻua i aso nei o le ovasia taʻitaʻi) e sili atu i le 200 le ʻau talaʻi. Muamua sa avea aʻu o se ovasia o se faapotopotoga e na o le toasefulu le ʻau talai! Ona tuu lea o aʻu i le Matagaluega o Leo mo se tauaofiaga ofoofogia na faia i le atunuu i le 1941 i Leicester. E oo atu i lena taimi, sa leʻi tele sou iloa e uiga i mea faaleo tele leo.

Mulimuli ane na tofia aʻu i se galuega femalagaʻai e avea o se auauna mo le ʻau uso, lea ua taʻua nei o le ovasia matagaluega. Sa na o le toaono ni auauna faapena i Perertania ina ua amata le galuega ia Ianuari 1943. O loʻu tofiga sa mo na o le tasi le masina, a e na iʻu ina sili atu i le tolu tausaga o oʻu asiasi pea i faapotopotoga. Talu mai lava na tausaga faigata o le Taua ll a le Lalolagi, sa ou pulea ai ni tauaofiaga tetele se tolu—o se mea ou te leʻi faia lava muamua.

O le galuega faigamalaga i na aso e mātua eseese mamao lava ma aso nei. E matou te faimalaga pea lava, ma o le faigmalaga i Peretania atoa i na vaitaimi o taua a le lalolagi sa faigata lava i nisi taimi. I le sili atu i le tasi le mea, na iʻu ina ou tietie i se uila vilivae mo se vaega o le malaga, i le va o faapotopotoga. Na i lo o le asiasia o le tasi le faapotopotoga i le vaiaso, e pei ona faia e ovasia faimalaga i aso nei, a o toalaiti faapotopotoga, matou te asiasia pe ā ma le ono faapotopotoga i le vaiaso taitasi!

O le faasologa faapitoa lava la lenei mo le aso: E ala i le lima toluselulu; a uma le ʻaiga o le taeao, ona malaga atu loa lea i le isi faapotopotoga ina ia amata siaki faamaumauga a le faapotopotoga i le valu i le taeao. E masani ona faaaogā le afiafi mo le faiva i le fanua, ma mulimuli ane ona feiloaʻi lea mo le itula e tasi ma auauna o le faapotopotoga; ona sosoo ai lea ma se lauga i le faapotopotoga. E seāseā lava oʻu moe a o leʻi ta le 11, pe oo atu foʻi ina tuai pe a ou tusia le lipoti o le aso a le faapotopotoga i lena lava po. O Aso Gafua uma sa faataatia ese mo le faaumaina o lipoti o le vaiaso, mo suʻesuʻega totino, ma so o se galuega lava e sauniuni ai mo le vaiaso e sosoo mai ai.

Pe e te faapea mai la, ‘O se faasologa pisi tele o le vaiaso?’ Ioe, sa faapena, a e peitaʻi, maeu se lagona o le tauia o na sa matou faamalosia uso i na tausaga o taua, pe a lē maua pea se fesootaʻiga vavalalata faapea ma le faalapotopotoga! I se lagona moni faapena, sa faamalieina pea o matou loto i le lagona faapea, na matou fesoasoani i faapotopotoga ina i “mausali i le faatuatua.”—Galuega 16:5, NW.

Toe Foʻi i le Auaunaga i Peteli

Sa toe talosagaina loʻu toe foʻi atu i le auaunaga i Peteli i a Aperila i le 1946. Sa ou fiafia e faia faapea, a e sa ou lagona na matuā faatamaoaigaina loʻu olaga faaleagaga, e avea o se iʻuga o lena tolu m le ʻafa tausaga i le galuega faimalaga. Ua sili atu nei ona uigā i a te aʻu le faalapotopotoga, ma sa ou lagon e pei lava ua ou faia le mea o faamatalaina i Salamo 48:12, 13: “Ina faataamiloo ia i Siona, ma ia soo ai, ina faitau ia i ona ʻolo . . . ma mātau mai ona maota.” O le tele o loʻu faataamilo i totonu o tagata o le Atua na tupu ai loʻu alofa i le “au uso” atoa.—1 Peteru 2:17.

Mulimuli ane i loʻu toe foʻi i Peteli, sa faaeaina aʻu e vaaia le tele o lomiga o loo faia i lo matou fale lomitusi i Lonetona ma na mulimuli ane foʻi oʻu aafia i le faia o mea o apamemea manifinifi e lolomi ai tusi. O lea, ia Setema 1977 na ou maua ai foʻi se faaeaga tutasi o le avea m se sui o le Vaega Pule o Molimau a Ieova, o loo faatuina i Brooklyn, Niu Ioka, U.S.A.

E tatau ona ou faapea atu, i lea taimi sa ia te aʻu se lagona faapea ‘⁠ou te sola ese’ mai ni tofiga sili atu ona faigata na tofia ai ia te aʻu. A e peitaʻi, na ou manatua Iona ma le mea sese na ia fai, ma sa ou toe manatuaina ai foʻi le folafolaga ofoofogia o loo i le Salamo 55:22: “Ia e tuu atu ia Ieova o mea e te popole vale ai; o ia lava na te tausia oe; na te le tuuna e faavavau le amiotonu ia (tautevateva).” NW. Na ou iloa maeu le moni o nei upu!

E lē fetalai mai lava Ieova i so o se tasi o i tatou e faia se mea, ua na silafia e lē mafai ona tatou taulimaina. A e peitaʻi, ua na o lona mana lava tatou te mafai ai ona faia mea o ia fetalai mai ai. Ma o le isi mea—afai e te alofa moni i ou uso o loo tou galulue faatasi, latou te lagolago ia te oe ma faamalosia oe, latou te galulue “ma le loto gatasi” ina ia fesoasoani ia te oe e tauave avega o le galuega ua tofia ai oe.—Sefanaia 3:9.

Ni Faiā Tāua

E moni e i ia lava nisi o uso Kerisiano e te lagona faapitoa lava lou pipii atu i ai. O se tasi o i latou nei o Alfred Pryce Hughes, o lē na maliu i le 1978. O le talai lona soifuaga o leoo i le lomiga o le The Watchtower o Aperila 1, 1963, E tele tausaga sa ia galue ai o se auauna o le lālā, ma mulimuli ane na ave o se sui o le Komiti o le Lālā. Sa alofagia tele i le faalapotopotoga a Ieova ma lona faamaoni i ai ato foʻi ma lona alofa mo le ʻau uso. O le isi mea o lona naunau i le faiva i le fanua. E leʻi mafai ona ia manatu māmā i lenei mea i lona olaga, e tusa lava po o ā avega tauave na te faia. O le galulue faatasi la ma uso faamaoni e pei o Pryce sa uigā tele ia te aʻu, na faamalosia ai loʻu manaʻo e pipii mau i le faalapotopotoga a Ieova ma tumau ai ma le maelega i le faiva.

Ia Oketopa 29, 1960, na ou ulu atu ai i se faiā tāua ma se paeonia maelega mo le tele o tausaga, ma o se misionare foʻi mai le vasega lona 11 i Kiliata, o lē sa galue i Aielani i le taimi lena. O le aso lena sa ou faaipoipo atu ai ia Mildred Willet, ma talu mai na taimi, sa avea o ia o se lagolagosua faamaoni ia te aʻu i le auaunaga i Peteli.

A o leʻi maliu le tinā o Mildred i le 1965, sa ia lapataʻia lana tama ina ia ʻaua lava neʻi “fuā ia Ieova,” Sa manatua pea e Mildred upu a lona tinā, ma na fesoasoani lenei ia te ia ina ia ʻaua neʻi lē fiafia pe a ou galue ovataimi. Sa fesoasoani tele foʻi lenei mea ia te aʻu e faia ma le fiafia so o se galuega faaopoopo o ni tofiga ua tuuina mai ia te aʻu. Sa mātua ma tau fai olioli faapitoa lava e fetaufaʻi mea e tele na tauia ai i maʻua i le faiva.

Mo se faaaʻoaʻoga o se tasi ulugalii talavou sa matou suʻesuʻe i le Tusi Paia, sa vave lava ona agaʻigaʻi i luma ma oo atu ai i le tulaga o le tuuina atu ma papatisoina, ma auai e lē aunoa i le faiva. Sa matuā faatumuina i maʻua i le fiafia! A e na faafuaseʻi lava, e aunoa ma se mafuaaga tatau, sa la lē toe auaufaatasi mai. Sa ma tauave fatasi ma Mildred le faanoanoa, ona ma tau fai manatunatu ai lava lea, po fea le mea na ma sese ai i le aʻoaʻoina o i laua. Sa ma tatalo ma le maumauaʻi ia Ieova ina ia na tatala pea ō la loto ina ia faamaonia lo la alofa mo le upu moni. E te iloa la lo ma fiafia ina ua ma maua se tusi mai lenei ulugalii ina ua mavae tausaga e sefulu mulimuli ane, ma taʻu mai ia ia i maʻua, ua la toe maelega nei e auaufaatasi ma ua avea nei lo la aiga ma ogatotonu o Suʻesuʻga Tau Tusi?

Na tusi mai le tane a Will: “Ou te fia failoa atu la ma faafetai tele mo fesoasoani uma ma le manatunatu alofa na lua saunia mo i maʻua . . . O loʻu paʻū ese sa o loʻu lava faatamala, sa sesē le tali a loʻu fatu . . . Ua ma toe maua nei le olioli tele ina ua toe foʻi i le faapotopotoga a Ieova . . . Ua ou tusi atu ia te oulua i lenei po faatasi ma moomooga alofa, tau ina ia faaauau pea ona faamanuia oulua e Ieova i le auaunaga ia te ia.”

I se tasi tusi, na tusi mai ai se tinā e uia i lana tama o Mike: “Ua ou matuā fiafia ina ua faanofo o ia e agelu i o oulua tafatafa.” O le ā na uiga i ai? Ioe, na ō mai Mike ma lona tinā ma lona uso laititi i se tauaofiaga, a e sa leʻi fiafia tele o ia i le upu moni. Na iloa atu e Mildred lea talavou o loo nofo na o ia ma na ia talanoa atu loa i ai. Ona ma valaaulia loa lea o le talavou lea ma loan uso e ō mai i le Peteli i Lonetona e matamata i la ma galuega o loo fai.

Mulimuli ane na sau Mike, ma na matuā faateiʻa ma faaosofia ai lona naunau i mea na ia vaai i ai ina ia toe faaauau ai lana suʻesuʻega faale-Tusi Paia. O le iʻuga? Ua avea nei o ia ma toeaina i le faapotopotoga, ma o loo maelega uma ma lana avā ma la laua fanau tama e toalua i le faiva. I se taimi ua mavae atu na tusi mai ia le avā a Mike: “Sa masani lava ona talanoa (Mike) e uiga i la outou feiloaʻiga . . . Maeu se faafiafiaina o ia i lo oulua agalelei ma le naunau ia te ia.”

Pe a maua e i maʻua ma laʻu avā ni faaupuga faapea o le talisapaia mai nisi e pei o Will po o Mike, o ē na faaeaina i maʻua e fesoasoani atu i ai, e matuā faatumuina i maʻua i le loto faafetai ia Ieova! Maeu ni taui e lē ma faatusaina o nei “tusi e taʻulelei ai” e faagaee ai—o se vaega uma lava o le olioli na maua ona o le pipiimau atu i le faalapotopotoga a Ieova.—2 Korinito 3:1-3.

Auauna i le Ofisa Autū i le Lalolagi

“O se nuu mo ia lava.” O le faaupuga lena na faamatalaina ai e se fai nusipepa i Brooklyn Heights le aiga toatele e sili atu i le 3, 500 Molimau o loo nonofo i le nofoaga autū o Molimau a Ieova i le lalolagi āoāo i Brooklyn, Niu Ioka, ma i l Watchtower Farms, o loo faatuina pe ā m le selau maila (160 km) le mamao i le itu i matu o le Setete o Niu Ioka. E moni, o tagata faauuina o Ieova, o se nuu faaleagaga i lana silafaga! I aso nei, e toatele tagata mia atunuu uma o le lalolagi ma ua latou ō mai ma faapea atu ia i latou o lena nuu: “Tatou te o ma outou; auā ua matou faalogo, o loo ia te outou le Atua.”—Sakaria 8:23; 1 Peteru 2:9.

Pe tou te talisapaia la e faapea, maeu se fiafiaga sa ia te aʻu ma laʻu avā ina ua avea i maua o se vaega e tumau o lenei aiga tele i Peteli? Ou te faapea atu ma le mautinoa lava, o tausaga e valu ua mavae o loʻu olaga, o ni tausaga sili na ona tauā i mea uma na ou oo ia i le tulaga faatiokarate. O lenei la ua outou lagona le tuʻituʻi atu o le faalapotopotoga vaaia a Ieova; o i inei o loo saunia ai meaʻai faaleagaga ma auina atu i tuluiga e fa o le lalolagi; ua outou vaaia ai i inei le gaoioiga a le agaga o Ieova, i le galuega o le taʻitaʻia ma le faatonutonuina o filifiliga talafeagai e tatau ona faia; o i i nei foʻi e sili ai ona logo i ou tino n ai lo so o se isi lava mea le sili atu ona faateleina ai faamaoniga o famanuiaga a Ieova i le galuega o le talaʻiga o le Malo ma le faia o soʻo. O nei mea uma na ou oo i ai, ma faaupuga na oom ia ia te aʻu, na faaopoopo mai ai ni faalaeiauga ia te aʻu ina ia sili atu ona ou pipii mau i tagata o Ieova.

Ua ou taʻua na o ni nai mea itiiti e uiga i loʻu olaga. Peitaʻi, atonu o le a fesoasoani ia te oe e malamalama pe ai se ā, auā a o tu laueleele atu loʻu vaalele i le Malae vaalele i Aberdeen i lena taeao a o susulu manaia le la ia Iuni, sa ou lagona le loto faafetai ia Ieova ona sa avea pea aʻu o se vaega o lo tatou ʻau uso alolofa i le lalolagi aoao. Sa ou faaaluina le taimi na ou lele atu ai i le vaalele, e toe manatunatu ai e uiga i oʻu tausaga i le upu moni, ma ua toe faamanatu mai foʻi e lenei mea ia te aʻu, maeu le aogā mo i tatou e manatunatu mai lea taimi, e uiga i ō tatou faamanuiaga e tele mai le aao o Ieova.—Salamo 40:5.

Sa faatali mai aʻu e loʻu tuafafine o Louie—o loo tumau pea ona faatuatua, maelega, ma faamaoni ina ua mavae le sili atu i le 60 tausaga o le auaunaga tuuina atu ia Ieova. Sa ou faafetai ia Ieova ona o lea faamanuiaga faaopoopo, auā pe e leʻi faapea mai ea le aposetolo o Paulo, e silasila Ieova i le faamaoni i ana “auauna tausi mea” uma? (1 Korinito 4:2) Maeu se faalaeiauga sili e mafai e le tasi o le aiga ona avatu i le isi pe a tumau i le faamaoni!

Na tatalo i le tasi aso Mose: “Ia faapea ona e aʻoaʻo mai ia i matou e faitauina o matou aso, ina ia maua ai le poto i o matou loto.” (Salamo 90:12) A o faagasolo atu ina ma matutua (o Mildred ma aʻu) ma te talisapaia pea le manaomia ona faalagolago i le poto mai ia Ieova, ina ia faaaogā ai ō ma olaga i se auala e faaalia ai lo ma alofa ia te ia ma ō ma uso. E faaalia ma le alofa e Ieova lena mea ia i tatou pe a tatou pipiimau atu i lana faalapotopotoga.

[Ata i le itulau 28]

O John Barr (i le itu tauagavale i luma) i le tausaga e 1930, ma lona tuafafine, uso, ma mātua

[Ata i le itulau 31]

O John Barr ma lona faletua o Mildred, i aso nei