Ia Gauai atu Pea i “le Agaga Lea e Tupu ai le Ola”
“O le agaga lea e tupu ai le ola, e le aoga le tino i se mea.”—IOANE 6:63.
1. (a) Ua faapefea ona fesoasoani Ieova i ona tagata e teena faatosinaga a le “ea” o lenei lalolagi? (e) O le a faapefea i le atiiina aʻe o fua o le agaga o le Atua, ona fesoasoani ia i tatou e maua ai manatu ma mafaufauga saʻo?
E MATUĀ manaomia tele lava le agaga paia o Ieova, pe afai tatou te mananao ia teena faatosinaga a le “ea” o lenei lalolagi, po oo ona uiga. (Efeso 2:1, 2) Tatou te manaomia foi le Tusi Paia, o loo maua ia manatu o le Atua na faamauina i lalo le taʻitaʻiga a le agaga paia. Ma e manaomia ona i ai ia i tatou se uiga loto maulalo faa-Kerisiano, e mafai ona maua i le fuaina mai le o fua o le agaga o le Atua “o le alofa, o le olioli, o le filemu, o le onosai, o le mataalofa, o le agalelei, o le faamaoni, o le agamalu, ma le lē gaioā.” Na faamalosia mai e le aposetolo o Paulo: “Ia outou savavali i la le Agaga, ona le faia lea e outou o le tuʻinanau o le tino. Auā o le tino ua tuʻinanau lea e teteee atu i le Agaga, ua tuʻinanau foi le Agaga e tetee atu i le tino; ua feteenai foi ia mea, o le mea lea tou te le fai ai mea tou te loto i ai.”—Kalatia 5:16, 17, 22, 23.
2. Ua faapefea ona faaeseese mea ua saunia e le agaga o le Atua ma iʻuga e oo mai ona o le talia o le “agaga o lenei lalolagi”?
2 Na tusi le aposetolo o Paulo: “A ua maua e i matou e le o le agaga o lenei lalolagi, a o le agaga mai le Atua, ina ia matou iloa mea ua foaifuaina mai e le Atua ia te i matou.”(1 Korinito 2:12) O le “ea,” po o mafaufauga o lenei lalolagi e faaumatia ai, a e o le mea ua foaiina mai e le Atua e ala i lona agaga paia, e aumaia ia le ola e faavavau ia i latou o ē talia. Na fetalai Iesu: “O le agaga lea e tupu ai le ola, e le aoga le tino i se mea; o upu ou te fai atu ia te outou, o le agaga ia, o le ola foi ia.” (Ioane 6:63) Talu ai ona “e le aoga le tino i se mea,” o lea tatou te manaomia ai le fesoasoani tauatua ina ia manumalo ai i le agasala, ma tetee atu ai i le agaga o le lalolagi.
3, 4. (a) O le ā le matapeapea, ma ua faapefea e le taʻitaʻi o le pule o le ea ona fai sana vaega i manaoga faaletino mo mea faitino? (e) Ua faapefea i se tagata matapeapea ona avea o sē ifo i tupua?
3 I le mataupu na seʻi mavae atu nei, na tataou talanoaina ai vala matautia e lua ole “ea” o lenei lalolagi o—le taaaloalo i mea lē mamā ma ituaig o laei ma teuga e lē talafegai. A e o loo i ai foi le tele o isi vala. Mo se faaaʻoaʻoga, o le ea o lenei lalolagi o loo faasusūina i le matapeapea, e ala i se faanaunauga e sili ona malosi manatu faapito, mo ni aogā faaletino po o mea faitino foi. O loo vaai lava i a ile taʻitaʻi o le ‘pule o le ea’ e faapea o taumafaiga a lenei lalolagi ina ia faateleina ma ia faasalalauina atu o le a oo ai ia te oe se lagona lē taulau pe afai e lē tele ni au mea faitino. O lenei vala o le “ea” o le lalolagi e mafai ona e oo ai i se tulaga lē pulea ma e manatu i ai o mea sili nei o le olaga. Pe na aafia ea oe i lenei “ea” o le manao i mea faitino?
4 Ua faapea mai le Tusi Paia: “Ai sē faitaaga, po o se tagata lē mamā, po o sē matapeapea—o le ifo i tupua lava lea—e lē maua e i latou se tofi i le malo o Keriso ma le Atua.” (Efeso 5:5, NW) Matau lelei o le tagata matapeapea o le ifo i tupua moni lava lena. Atonu o le a e manatu faapea, ‘E mautinoa o le a lē mafai lava ona ou oo atu i lena tulaga, i le avea ma sē e ifo i tupua.’ A e peitai, o le ā le ifo i tupua? Pe e lē o le tuu ea o se isi mea i le tulaga o Ieova ma lana tapuaiga, ma uai atu i ai na i lo le uai atu i le Atua ma lana auaunaga? O le matapeapea e mafai ona aafia ai le tapuai atoatoa atu i tupe, ma lona malosi ma ana faatosinaga. Afai e te faamuamua le fia maua o se taavale fou, se masini video, po o se isi lava mea faitino, na i lo o le faateleina o ou avanoa i le auaunaga ia Ieova, pe e lē o ni faamaoniaga ea la na o le aafia o ou mafaufauga i le “ea” o lenei lalolagi? Pe ua lē avae ea mea faitino ma tupua ia te oe?
5. O ā auala ua faatumuina ai le “ea” o lenei lalolagi i faanaunauga manatu faapitoa mo oa?
5 Afai o e saili ni aʻoaʻoga auiluma, po o ni galuega e tetele tototgi, pe o e faia ea la ina ia e mauoa ai, ma maua ai le tele o mea faitino na i lo o mea e te manaomia? Pe o e faia ni taumafaiga lilo e vave ai ona e mauoa, ma manao e aafia ai? Ua faatumuina le “ea” o lenei lalolagi i faanaunauga manatu faapito mo le oa ma le tau faaʻoleʻole, e tusa ai ma le totogiina o lafoga ua tuuina mai e le malo. I lenei foi siomaga, ua taatele ai le pele tupe ma isi mea faapena. Aua neʻi faaosoosoina ai oe. O i latou ua aloese mai faatoisnaga a le “ea” o lenei lalolagi ua taufuifui i le matapeapea, ua latou iloa e faapea, o le fiafia moni e sau mai i le loto malie i mea ua maua, atoa foi ma le faamuamua o mea e uiga i le Malo.—Mataio 6:25-34; 1 Ioane 2:15-17.
Faaaogā saʻo le Laulaufaiva
6. O le ā le āuga e mafai e auala o loo tautala ia lenei lalolagi ona aafia ai i tatou i le avea o ni Kerisiano?
6 A e faapefea a tatou talanoaga masani? O upu masoā, upu o le ita, le pepelo ua matuā faaoonaina ai le “ea” o lenei lalolgi ina ituaiga o gagana leaga. Ioe, e oo lava i gagana a nisi o loo au faatasi ma le faapotopotoga Kerisiano i nisi taimi, e faaalia ai lava le lē mamā, ma e oo lava i upu mamafa. Ua taʻu malosi mai e le soʻo o Iakopo ia i tatou: “E luai mai i le gutu e tasi le vivii ma le fetuu. Oʻu uso e, e le tusa ona faia faapea o na mea. O le puna foi, e puna mai ea i le gutu e tasi le vai suamalie ma le vai oona?” (Iakopo 3:10, 11) Pe ua e puʻeina ea nisi o gagana leaga ma le pāʻo vale a lenei lalolagi? Pe e lua ea ni gagana e te tautala ai, o le tasi e faaaogā pe a faatasi ma Kerisiano, a e o le isi e faaaogā i so o se mea? Na tusi mai Paulo: “Aua neʻi alu atu se upu leaga ai o outou gutu, na o le upu lelei e ati aʻe ai i mea e aoga, e tupu ai le lelei i e faalogologo i ai.” (Efeso 4:29) Maeu le tāua o le tautala i le gagana saʻo ma le mamā i taimi uma lava!
7. O le ā o aafia i le ‘tuu ese o le pepelo a e tautala faamaoni?
7 E manaomia foi ona tatou faaeteete ina ia tatou tautala pea i le mea moni. o le faapiopio po o le taufaasese i isi, ina ia aloese ma ai i le faia o le tiute tauave, o le mea moni lava o le pepelo. O lea, ia mautinoa ona utagia le fautuaga a Paulo: “O lenei, ia outou tuu ese le pepelo, ia tautalatala faamaoni taitasi ma lē la te tuaoi; auā o itu tino lava i tatou o le tasi i le tasi.”—Efeso 4:25; Faataoto 3:32.
8. (a) E faapefea oan gaoioi le tele o tagta o le lalolagi pe a oo ina ita? (e) Pe a oo ina tatou ita, o le ā e tatau oan tatou fai?
8 O le faasasao atu ma le lē taofiofi o le ita, o se tasi lena o vala o le agaga o lenei lalolagi. O le tele lava o tagata o le lalolagi e faigofie lava ona lē mafai ona taofiofia. Latou te faapasae aʻe, ona toe fai lea o se faamolemolega faapea sa na ona faaalu lava o le ausa. Ae peitai, e le o le mea lena na lapataʻi mai ai Paulo, auā na ia tusi mai: “Ia teʻa ma outou upu faafiufiu uma lava ma le lotoa ma le ita, ma le leo tele, ma le upu leaga, atoa ma le loto leaga uma lava.” (Efeso 4:31) A e faapefea pe a tupu aʻe le pulea o i tatou, ma isi fua o le agaga o le Atua? “A outou ita, aua le agasala ai,” na tusi ai Paulo. “A outou ita, aua neʻi goto le la o ita pea outou. Aua foi neʻi tuuina atu e outou se mea e mautū ai le tiapolo.” (Efeso 4:26, 27) O lea afai ua tatou lagona le ita, e tatau lava ona vave fofō le mataupu, a o leʻi uma le aso. Ina neʻi mauaa le lotoa ma le ita i totonu o lou loto ma o le a faigata ai lava ona liaʻiina. Aua lava neʻi faatagaina oe e manavaina le “ea” fia tauimasui, ma le ita o lenei lalolagi!—Salamo 37:8.
9. O ā nisi o uiga masani o tagata faigaluega, ma ai se ā e tatau ai ona suʻesuʻeina o tatou uiga i galuega?
9 A e faapefea lau masani i le galuega? O le tafao vale i le galuega ma gaoi mea mai le pule ua taatele i aso nei. Pe ua e mitiia ea sina vaega o lenei “ea”? Pe ua nini atu ia te oe le uiga foi lea e faapea ‘o la e fai lava e tagata uma’? Aua le neʻi galo o le auala o loo faia ai e a tatou galuega i le avea o ni Kerisiano, e atagia ai Ieova ma lana tapuaiga moni. Pe e te manao e teena e se tasi le upu moni o loo tautala atu ai se tasi i Molimau a Ieova i lona fale, ona o le auala o loo e amio ai i le galuega? “O lē gaoi aua neʻi toe gaoi,” na fai mai ai Paulo, “a e lelei ina faamalosi o ia i galuega a ona lima . . . ina maua e ia se mea e avatu i le ua mativa.”—Efeso 4:28.
10. I le galulue ai i galuega masani, e mafai faapefea ona tatou faaalia faapefea e lē o aafia i tatou i le “ea” manatu faapito o lenei lalolagi?
10 E ui lava e lē o maua tele i aso nei le faiā a le auauna pule lena sa i ia i le uluai senituri, a e mafai lava e Kerisiano o loo fai galuega ona aʻoaʻo mai le mea na tusi atu ai Paulo i pologa Kerisiano i Efeso 6:5-8. o inā o loo taʻu atu ai i tagata fai galuega, ina ia ‘usiusitai i e o loo latou fai galuega ai, ia lē avea o ni e faafiafia i tagata, ae ia pei o ni pologa a Keriso.’ O lea e lē tatau ai i se Kerisiano ona femilosai mea, ina ia aloese mai ai i le fai galuega i le aso atoa, po o le saunia foi o mea po o le auanaga na ia folafolaina. Afai tatou te faia mea “e peiseai ua fai [ia Ieova, NW],” o le a ia i tatou la le uiga saʻo, ma o le a lē aafia i le manatu faapito, ma le paie o le “ea” o lenei lalolagi.
Meaʻai, Mea Inu ma Faafiafiaga
11. Na faapefea oan afia nisi o tagata o Ieova i le uiga o le lalolagi e faatatau i meaʻai ma mea inu i ona po o le Tusi Paia?
11 Pe ua aafia oe i le faaaogaina e le lalolagi o meaʻai ma mea inu? O lana lava masani, o le ʻai, inu, ma ia fiafia, auā o a taeao ona tatou oti ai lea.’ (1 Korinito 15:32) Ma o lenei agaga na afia ai lava nisi o auaun a le Atua, talu mai lava aso anamua. E manatua ai le mea na tupu ia Isaraelu i le vao, ina ua “nonofo . . . .le nuu i lalo e aai, ma inu, ona tutū lea i luga e sisiva.” (Esoto 32:6) O lena ‘siva’ na taʻitaʻiina atu a ii le lē taofiofia o le faia o amioga lē mamā ma le ifo i tupua, o lena na matuā sasao atu ai ia i ilatou le toasa o le Atua. Seʻi aua lava neʻi o tatou mulimuli ai i lena auala.—1 Peteru 4:3-6.
12. Afai e manaomia ona vaai totoa i o tatou uiga e faatatau i le ʻai ma le inu, o le ā e tatau loa ona tatou faia?
12 Na tuuina mai e Ieova ia i tatou le anoanoai o meaʻai susua e tofo eseese, felanulanuai, atoa foi ma mea inu, a e ua ia finagalo ina ia tatou faaaogā tatau nei mea. Ua faasaina e le Tusi Paia le ʻai tele ma le onā. (Faataoto 23:20, 21) O lea ia faamaoni ma fesili ifo ia te oe lava: Pe e i ai se avanoa mo le faaleleia o oʻu uiga e faatatau i le ʻai ma le inu? Afai e te manao e faatinoina le sili atu ona pulea o oe, e lelei ona e iloa lenei mea, ma ia e galue e tusa ai ma au tatalo mo le agaga o le Atua ina ia fesoasoani mai ia te oe, ia manumalo ai i lenei faafitauli. “Aua foi neʻi onā outou i le uaina, o le mea e ulavale ai; a ia faatumuina outou i le Agaga,” na fai mai ai Paulo. (Efeso 5:18) Ioe, ia faatumuina i le agaga o le Atua, a e aua le lolo atu i le agaga lē pulea o lenei lalolagi! “Pe tou te aai, pe tou te inu po o se tasi mea tou te faia, ia outou faia mea uma lava ia viia ai le Atua.” (1 Korinito 10:31) A e peitai, afai e tumau pea ona ia ia ni ou faafitauli e tusa ai ma nei tulaga, ia saili loa le fesoasoani a tane taʻumatuaina faaleagaga o le faapotopotoga.—Kalatia 6:1; Iakopo 5:14, 15.
13. (a) Ua faaalia faapefea ua iʻuvale le tele o faafiafiaga o loo iai i aso nei ona o le Tiapolo? (e) E faapefea la ona tatou aloese mai le uiga i lenei lalolagi agaʻi i faafiafiaga?
13 Ua matuā faapipii atu lenei lalolagi i taaloga, musika, ma le tele o ituaiga eseese o faafiafiaga. Seʻi vagana lava ua solia ai mataupu silisili faale-Tusi Paia, a e o le olioli i mea faapena e lē sese nauā. A e o le faafitauli ona o Satani, o “le taʻitaʻi o le pule o le vanimonimo [ea]” ua iʻuvale ai le tele o faafiafiaga ia ua i ia i iaso nei. (Efeso 2:2, The Jerusalem Bible) E masani lava foi ona siitia ia le fai o amioga lē mamā, ua lē ma faatusalia le saua, ma ua taulau foi le tele o le taufaasese, o le faaʻoleʻole, ua oo lava foi i le fasioti tagata. Pe tatou matamata i na ituaiga o faafiafiaga, ua tatou matuā manavaina lava la na uiga i tootnu o i tatou, ma o ō latou āuaga oona, ua mautinoa le faaleagaina ai o i tatou. A e lē gata i lea, e ooo lava i ituaiga o faafiafiaga e lē leaga faale-Tusi Paia, ua i ai lava le matautia tele pe a oo ina pipii mau atu i ai, ma o le a itiiti ai le taimi mo mea faaleagaga. O lea, e manaomia ai ona tatou filifilia lelei. Ia faaaogā le taimi e olioli ai i ni faafiafiaga mamā ma aogā e tatau ai, a e ia aloese mai le faataʻitaʻi i ala o le lalolagi. E tusa lava pe lelei pe leaga le manogi o le “ea” o lenei lalolagi, a e ua faaoonaina lava ma e oti ai!—Faataoto 11:19.
Faamaualuga i le Lanu—O se Matagi Leaga
14. E tusa ai ma faafitauli lautele, e mafai faapefea oan tatou aafia ia i le “ea” o lenei lalolagi?
14 O se vala faigata lea o le “ea” o lenei lalolagi, o le faamaualuga i le lanu ma le atunuu. Ua siitia e nisi le manatu sese faapea, e sili nisis lanu a e maulalo nisi. O le faaioga atunu ua faamalosia ai nisi tagata e vaai faapea, o ō latou atunuu moni e sili atu i lo o isi. A o le mea moni, ua matuā pagatia ia fua le toatele o isi, ma ua aveeseaai fua aiā tatau faaletagata a isi ma mea totino, ona o le manatu faapito ma le lē faamasino tonu o isi. O le a iʻu ai loa i le ita, ma oo atu ai lava i le sauā. Ua tutū aʻe le toatele i fouvalega, ma tauave le tulafono i o latou lava lima, i lo latou mautinoa e mafai ona foia ai faafitauli ia latou lava auala. E mafai foi ona puea ai i tatou i nei manatu. Pe a tatou matauina pe ogotia i faamasinoga lē tonu, ma faalogo atu ia i latou o ē o loo uunaʻia se suiga lautele ma e mafai ona taaʻina ai i tatou pe afai tatou te lē faaeteete. E mafai lava ona lafoaia ai lo tatou tulaga solitu, a e fai loa sa tatou itu. (Ioane 15:19) E oo lava ina sili atu ona matuiā, atonu o le a iai i tatou se lagona e tofotofoina, po o le taumafai foi e faia faiga sauā ina ia faamalosia ai le faia ni suiga.
15. O le ā le auala ua fautuaina e le Tusi Paia pe a tatou lagona lo tatou ‘fia taui ma sui’?
15 E mafai ona afia ma faalegaina ai le agaga o le faapotopotoga i manatu faailoga lanu ma le loto atunuu. (Faatusatusa le Galuega 6:1-7) A e mafai ona maua le agagag saʻo pe afai tatou te utagia le fautuaga: “Afai e mafai ia te outou, ia outou nofo lelei ma tagata uma lava. Le au pelei e, aua le taui atu ma sui, a ia outou tuu atu i le toasā; auā ua tusia, Ua faapea mai [Ieova, NW], O ia te au le taui ma sui, ou te taui atu.” (Roma 12:18, 19) Talu ai ona o lanu uma lava na o mai i le uluaʻi ulugalii, ma e lē faailogaina tagata e le Atua, e leai la se avanoa e faamaualuga ai ona o se lanu po o se atunuu, i totonu o le faapotopotoga Kerisiano.—Galuega 10:34, 35; 17:26; Roma 10:12; Efeso 4:1-3.
Manavaina pea le “Ea” e Maua a le Ola
16. O le ā o le a fesoasoani e puipuia lo tatou aafia ai i le agaga o lenei lalolagi?
16 Ua uma nei ona taotu talanoaina taualuma autū o le “ea” po ole agaga e oti ai o lenei lalolagi. O looia siomia i taotu ma o le an a faamalosia lana omiga, ma afai tatou te faatagaina se mea miti ea e tuputupu aʻe i lo tatou tulaga faaleagaga, o le a nanati atu loa lenei ea leaga i totonu ma faatumuina ai. O le manuia i le teena o lenei ea, e faalagolago tele lea i le po o le ā le tele o lo tatou alofa i le tulaga mamā, ma le amiotonu, ma lo tatou inoino i le leaga, mea lē mamā, ma leaga. O le a tumau pea ona tatou manavaina le “ea” saʻo, pe a tatou atiina aʻe pea uiga o manatu saʻo e tali atu ai i le taʻitaʻiga a le agaga paia o Ieova.—Roma 12:9; 2 Timoteo 1:7; Kalatia 6:7, 8.
17. O le ā le mea e tatau ona vave lava ona faia pe a tatou iloa atu ua amata ona lelea malie mai le “ea” o lenei lalolagi ia i tatou?
17 I lo o mea uma lava, aua lava neʻi faatagaina le “ea” leaga o lenei lalolagi, e amata ona avea o se ea e manogi lelei ia te oe. Ua iloa lelei lava e le taʻitaʻi o lenei “ea” na o mea lava e manaʻomia, ina ia fetaui lelei lava ma ou lagona, ma faatupu ai loa se tuinanau lea e masani lava ona taʻitaʻiina atu ai i le faia o le agasala. (Iakopo 1:14, 15) Ia tumau pea i le itu e “sa le ulaula,” le parataiso faaleagaga a Ieova. A e iloa atu le lelea malie mai o le “ea” o lenei lalolagi o loo agaʻi mai ia te oe, ia e tetee atu i ai. Ia matuā liliu ese mai ai, e pei lava o e tetee ese atu se mea oona e oti ai. “Ia faaeteete outou ina ia outou savavali ma le faautauta, aua neʻi faapei o e valelea, a ia faapei o e popoto; ia faaaogaina e outou aso o lenei olaga, auā o ona po nei ua leaga. O lenei, aua neʻi faavalea, outou, a ia outou iloa le finagalo o le Alii [o Ieova, NW].”—Efeso 5:15-17.
18. O le ā le agaga o le a ia i latou ua faaeaina o le a ola i luga o le lalolagi ua faamamāina?
18 O le finagalo o le Atua ina ia tatou auauna ia te ia o ni ē tausisi i le faamaoni. O le faia faapea, o lona uiga o le ola ai i lana faiga fou, lea ua lata tele mai. Pe a tatou manavaina sina ea i totonu, maeu se faafouina o le a maua ai! E leai ni mea oona e oti ai, a e ua na o le ea mamā lava e maua ai le ola. O le moni lean e uiga i le ea faaletino ma, o le mea aupito sili ona tāua, e mo le agaga o i latou ua maua le faaeaga e ola ai i luga o le lalolagi ua faamamāina. O le a i ai latou se uiga usiusitai, ma le tali atu ma le loto maulalo. O le “ea” o lenei lalolagi ua tumu i le fouvale, iʻuvale, ma taaʻiga lē faale-Atua, na o le a mavae ese atu.—Faaaliga 21:5-8.
19. O ai o le a faasaoina atu i le faiga fou a Ieova?
19 O le mea moni lava, tatou te lē mananao e i ai faatasi ma i latou na o loo manavaina le “ea” o lenei faiga o mea, pe a tafiesea e Ieova mea oona ma i latou na gaosia na mea oona ia Amaketo. Pe a mavae atu le laloalgi tuai ma lafoina le ‘taʻitaʻi o le pule o le ea’ o le to e lē gata, maeu se mapusaga o le a i ai! O i latou uma e alolofa ia Ieova, ma tumau pea ona alolofa i le mea ua mamā, tonu, ma le amio tonu, o le a i ai inā. Ua finagalo Ieova ia latou i ai i inā, ma o le a ia fesoasoani ia i latou e ala i lona agaga. O le a ia avatu ia i latou le ola e faavavau, i se faiga fou mamā ma le soifua malōlōina lelei. Tau ina ia aua neʻi tatou misia pe lē maua foi lena faaeaga, ona o le manavaina o le “ea” e oti ai o lenei faiga tuai!
O le a Faapefea ona E Tali?
O le ā le auala e avea ai se tagata matapeapea o sē ifo i tupua?
E mafai faapefea e le “ea” o lenei lalolagi ona afia ai uiga o lau talanoaga masani?
O le ā le agaga e tatau i Kerisiano o ē fai galuega ona faaatagia a o faia galuega masani?
E mafai faapefea ona e aloese mai le aafia i uiga o lenei lalolagi e faatatau i meaʻai, mea inu, ma faafiafiaga?
O le ā le agaga e tusa ia ma lanu ma atunuu e lē tatau ona sau i totonu o le faapotopotoga Kerisiano?